كنز حياتي @knz_hyaty

محررة

ولد اخو زوجي جنني

شخباركم خواتي
مالي غيركم اشكي لكم همي عندي زوجي ذبحني باهتمامه الزايد بولد اخوه واهو بثاني ثانوي لكن يعامله باهتمام حتى اني اشك انه يساله تغديت اليوم اولا
القصه من البدايه ياطويلات العمر زوجي الحمد الله مستقيم واحنا متزوجين لنا سنه وثلاثه شهور
في البدايه كل يوم يدق على البيت يسال وين عمي وكنت اقوله وبعدين طفشت وصرت ارد عليه بهوشه واقوله الرضاعه الي تبيها من عمك بثلاجه وبينت حق زوجي ان كثرت اتصاله تضايقني لاحظت مافي اتصالات
تدرون وش سوى زوجي طيب مو قاله خلاص انا تزوجت عندك امك وابوك لا قاله لا تدق الا اذا انا دقيت طبعا كلكم بتسالون كيف عرفتي اكيد اتجسس على جواله واشوف الرسايل

المهم وصار يوديه المدرسه الصبح ويطمن عليه دخل ويرجعه من المدرسه طبعا من ورى ولما اقوله ترى بزياده اهتمامك يرد ما ابيه يضيع مثل اخوانه طيب عنده امه وابوه المهم اللزقه درى اني اتضايق تدرون وش يسوي يدق على البيت من تيلفون بيتهم ولما ارد يسكر الخط في وتخيلي كل اخوانه يقولو لي عمه الي اهو كذا حاااف اسمي

تخيلو يابنات اني اقصر على نفسي وما اخذ فلوس ولو في نفسي شي اخذ من اهلي اقول ما ابي اضيق عليه واتفاجاه انه شااااااااااااري بلاك بيري له تخيلووووووو وانا ياخلف الله جوال سامسونج واقدم شي ولا بعد تورش وانا ما ادري طبعا بس بالصدفه دريت من الرسايل بقيت انجلط صكت فيني الدنيا والحين اشوف الوتساب حقه كاتب له يلا انا جاي اطلع باخذ زوجتي لا تتكلم
خلااااااااص طفشت ودي ابكي وش السوات قولو لي اواجهه او اسكت متضايقه حيل احس معاي شريكه

22K

يلزم عليك تسجيل الدخول أولًا لكتابة تعليق.

تسجيل دخول

فضه بنت ذهب • 13 سنة

الله يسخره لك

سميتكـ _ غلاي • 13 سنة

الله يعين

زمان فات • 13 سنة

اكيد بينهم شي مو لها الدرجه كم عمر زوجك ؟

راسيل99 • 13 سنة

ياقلبي لاتتضايقين ولا شي يمكن متعلق في عمه بزياده
وبعدين بزعلك خليتي زوجك يوديه ويجيبه من وراك
خلي الوضع عادي وان شاء الله مافيه غير الخير

عجيب هالزمن • 13 سنة

يختي احسني ابظن اذا خوانه ضاعوو. يمكن. زوجك نيته زينه. مايبي. الولد يضيع.
وبعدين اذا اهتم بولد اخوووه. انتي وش الي قاهرك؟؟؟
دام زوجك على كلامك مسقيم. واذا مو مقصر معاك خلاص وش تبين بهالمراهق..
ترا ماتدرين وش بينه وبين اهله .. خلاص احتسبي الاجر وانتي علمي زوجك اهم شي مايقصر معاك بشي وخلااص..
ماتدرين ترا هذا مراهق. يمكن يحقد عليك ويسوي شي مو زين لك ..