ولد خالي... وحيرتي من الزواج بغيره<<< مُعدل

يالسلام عليكم 
مساءالخير للجميع .. 
قبل ما ادخل بموضوعي .. 
مره كنت افرفر بالمنتدى لقيت وحده كاتبه ان اللي تبي تدعي .. 
تدعي بأسماءالله الحسنى لأن كل اسم وله دعاء. 
يعني الرزاق للرزق الطيب .. الوهاب .. وبنيه حسنه وحسن الضن بالله .. وان ربي راح يستجيب لك وانتي تدعين خلي ضنك بالله كبير .. 
مره خرجنا من البيت نتمشى وجا بالي هالموضوع قلت بدعي وبدون اي مقدمات قلت ياوهاب ارزقني زوجا صالحاً ... وكان ني بالله كبير .. 
وربي .. رجعنا البيت لقيتهم يسولفون بقروب العايله ان في واحد يبيني .. واسمه عبدالوهاب .. طبعاً رفضته لأن عمره مره صغير 17 وانا داخله ب 25 .. وفوق هذا لما رفضت سمعت عنه بلاوي والحمدلله اللذي عافانا ... 
والمره الثانيه كنت اقول اذكار النوم وخلاص بنام قلت مره ثانيه ياوهاب ارزقني .. باليوم اللي بعده تقدم لي واحد .. من نفس العايله قريب لهم واخلاقه حلوه ... 
الحمدلله ... كل وحده ي بنات لما تدعي وهي تدعي تخلي في بالها ان ربي كريم وبيرزقك .. 
........ 




موضوعي هذا الثاني اللي تقدم لي هو اكبر مني ويمدحونه .. انا مبدئياً وافقت .. لكن .... عندي ولد خالي اصغر مني بسنه من واحنا صغار كنا لبعض وحطو ببالنا هالشي وماقصروا اقاربي قالوا اني مخطوبه ونشروها كل من يجي يخطب قالوا له البنت مخطوبه الله يسامحهم  ... المهم لي الحين 7 سنين من يوم تكلموا وقالوا نبي الزواج اللي هو انا وولد خالي .. سبع سنين مرت .. وهو لاوضيفه ولا اخلاق تشفع له ولا صلاه وفوق هذا سمعت حاجات مقدر امررها له ابداً .. 
انا اللي فيني الحين محتاره بين قلبي وعقلي .. عقلي يقول هذاك افضل ومتوضف ويمدحونه .. 
قلبي يقول ولد خالك ويحبك .. واللي كاسر خاطري انه يحبني يقول .. وهو يتيم الاب والام .. شلت هم فضيع بعد ماوافقت ع الثاني .. ولد خالي كيف بيتقبل الموضوع .. 
وقالوا له قال يعني ماتقدر تصبر شوي لحد ما اتوضف .. 
انا الوضيفه ماتهمني لكن اخلااااقه وسبع سنين انتظره يتعدل لكن مافي .. 
قلبي يوجعني لاني تركته .. واسأل اختي قالت خالاتي مالك دخل فيهم حتى لو مو موافقين تحسبني شايله هم موافقتهم ..وانا ماضربت لهم حساااب ابداً .. لكن ودي ولد خالي يلاقي بنت تناسبه او يقول خلاص خلوها تتزوج مابيه يوصلني انه زعلان .. وانا قلبي ضعيييف ما اتحمل احد شايل بخاطره علي .. دلوووووووني وش اسوي .. تعبت من ناحيته .. انا احب له الخير ومابي ينكسر قلبه بسبي