ولد زوجي!!

صباح/مساء الخير مبارك عليكم الشهر الكريم وتقبل الله منا ومنكم سلمكن الله موضوعي هو إن قبل فتره زوجي رجع طليقته بعد طلاق دام ٥سنين وبعد ماطلقها اخذت واحد ماطولت معه وطلقها المهم زوجي رجعها وأنا ماادري فاجأني برجعته لها خصوصا وهي تزوجت بعده وطبعا طلقها وهي حامل وجابت ولد وحاول يرجعها بس هي رفضت المهم قبل ٧شهور رجعها قال عشان الولد يعيش بينهم ومن أول رجعها ماارتاح معها ابد وقعد شهرين معها وطلقها وطبعا اهلها قالو خذ ولدك مايعيش عندنا وهي راضيه عادي وطلعت حامل منه للمره الثانيه بعد ماطلقها والحين ولدها له فتره من لما تطلقت وهو عندي يابنات أقسم بالله ماشفت مثل قساوة قلبها على ولدها تخيلو ماتطلبه ولا شي وابوه حنون معه ومهتم فيه وأنا زينه معه وخليته يناديني ماما عشان مايحس أنه غريب لما اخوانه يقولو لي ماما بس مشكلتي تعبت من لما جاء مافي راحه ابد اخوانه وهو ملاقيف ماشاءالله وماني مرتاح ابد لما يزور امه ع طول يدقو على ابوه تعال خذ ولدك مانام عندها ولا ليلة من لما تطلقت ولاتسال عنه وإذا جاء من عندها نفسيته تكون تعبانه يبغى يقعد عندها خصوصا وهو متربي عند أمه واهلها ومعتبرهم هم أهله هو عمره ٦سنين وعاش عندهم وابوه مو حارمها من ولدها بس هي وأهلها نكاده تاركه ولدها تعبت من المسؤلية قسم بالله ماشفت مثل قلببها ضميري يانبني إذا سوا شي غلط وضربته ولا هرجت عليه أبوه قال خلاص ماهو مخليه يزورها وهي ماتطلبه الحين له شهر من لما شاف أمه يقطع قلبي لمايسولف عن أمه يقول أنا ابغاها انا مانسيتها لاحول ولاقوه إلا بالله