استغرب من اللي يكذبون القصه !!! طيب شحادكم تردون !!
اوكي انا مو بدويه ولاعندنا هالسوالف بس مع كذا صدقت السالفه واكيد دايما في كل قصه في العالم نسبه واحد بالميه انها كذب ،،
بس احنا نغلب الظن الحسن والبنت واضح انها صادقه والله اعلم ..

نرجع للسالفه ..اول شي انتي كلميه شوفي وش يبي السالفه لازملها مرونه ودام اخته تدري خلاص..
ثاني شي ،،انتي حطيتي ببالك انك خلاص ماتبينه وماتتحملين تشوفينه ووووو..بس مع التفكير الدائم في شي معين معروف انه يسهل حتى لو كان صعب او حتى مستحيل ،،

وابسط مثال المكالمه اللي كنتي تشوفينها مستحيله والحين قاعده تبسط شوي قدامك ..

اذا كان الرجال اصلا معروف بشكل عام انه كويس وماعليه خلاف فهذا شي كويس بغض النظر عن اللي سواه معك ،،الانسان فينا يمر بحالات ضعف واللي سواه معك كان حاله ضعف انا ماأبررها بس هي من عيوب البشريه اللي الله خلقنا فيها ،،

ملايين الشباب عندنا يتحرشون بالخدامات ويسوون علاقات وشرب وسفر وبعدها يتزوج الواحد منهم ويكون مافيه احسن منه مع زوجته وبعضهم لا بالعكس يستمر بوصاخته واخلاقه ،،
ليه ! لان هذي فروقات بشريه والسنين هي اللي تبين معدن الانسان ،، 

اللي بيستمر طول حياته كذا حتى لو تزوج هذا اللي يخوف ،،اما اللي يمر بطيش فتره حتى بعد المراهقه ويعقل بعدها هذا اللي يبشر بالخير ،،

الزبده من هالكلام ،،حاولي تعيدين وتزيدين في تفكيرك ان اللي صار من ولد عمك نزوه وطيش بدليل انكم ماقد سمعتوا عنه شي مو كويس غير هاللي صار ،،وطلاقه حاولي تعرفين منه اذا كلمتيه ليه طلق واكيد فيه اخبار من هنا وهنا ،،ممكن الرجال يبيك وماقدر يستمر معها وممكن فيه اسباب ثانيه،، انا ماازينه بنظرك ولا اشينه بس الانسان فينا له نزوات وهذي طبيعتنا اننا نغلط وحرام نحصر الانسان بغلطاته ونضل نعاقبه فيها طول العمر حتى لو بداخلنا بس ..

ماتدرين السالفه يمكن خيره لك ويمكن ولد هالعم بيكون احن عليك من غيره واللي احنا قاعدين نشوفه انه يحبك ويبيك بس هل فيه مقاصد ثانيه له هذا اللي مانقدر نعرفه ،،

 والاستخاره مو معناته انك تحسين بشي ،،بس ربي سبحانه يمشي الامور لصالحك وانتي ماتدرين ،،ويشيل ظروف ويحط ظروف ،،

وانا بس مستغربه ليه ماعلمتي امك بسالفه الاعتداء هذا مره مهم ..علميها الحين احس لااازم ومهما كان الام والاب لهم حكمه ومعرفه ،،


غير كذا اللي راسلتك تسألك انتي من قبيله كذا وكذا هذا شي ضيق صدري لان انتي الحين كاتبه سالفتك والعالم كلها عرفتك وش دراك ممكن احد من قرايبك من بين هالعالم ،، واكيد قريبك والا قريبتك او احد من جماعتك لاقروا السالفه بيعرفونك وبيعرفون سوالف مخفيه واساس المشكله اللي حتى اهلك مايدرون عنها ،،

نصيحه شيلي الموضوع من المنتدى،،

**** يفرج همك ويكتبلك اللي فية الخير

الله يفرج همك

ولد عمك ذا مجنووووون اكييييد
وش هالهبال انا ماعرف وش بينكم بس
قولي لاخته خليه ينقلع
روحه بلارده لوتنطبق السماء على الارض ماخذته
ولايكلمني ولااكلمه
اصلا باين انه موناضج اخذ الزواج عناد
اخيرا ادعي ولو لزم الامر ادعي ان الله
يشيله من الدنيا وترتاحين

استخيري استخيري استخيري على الاثنين صدقيني ماراح تندمي من الاستخارة ربي راح يكتبلك الي فية الخير

وادعي دائما اللهم من ارادني بسوء فرد كيدة في نحرة وشغلة في نفسة وسلط علية من لايخافك فية


وشوفي ربنا كيف راح يوقف معاك


ربك كبييييييييييييييييييييييييير