أختي النويره كلامك جميل مع قسوته وصراحته ولكن الخير كل الخير فيه بإذن الله .
أرديد ان اقول أخيتي أن لا تستخفي بنفسك وبقيمك ومبادئك .... فأنت رفضت الخطأ وهذا شيئ رائع . لا أريد أن أقول انسيه وانسي ما حدث هكذا 123 لا والله فالذي حصل تجربه قاسيه وليست بالهينه ولكن الا تشكرين رب العباد على كشفه ذالك النذل ؟؟؟ احمدي الله ليل نهار ان كشف طبيعته الغير سويه .. لقد وصفته بالزاني أيعقل ان ترتبط جوهرة نضيفة عفيفة شريفه بانسان غرقان في الوحل . وأي حياة ستكون بينهما ... الشك والخوف وعدم الاحترام .... واي جيل سينشئ ذالك البيت وهم يرون والدهم على تلك الحال ....
أستغرب أختي كيف يتجرأ " " لن أصفه بالانسان فآدميته وانسانيته التغت ..... كيف يتجرأ على عرضه وشرفه ........ آه من هذا الزمن . أين الأخلاق والتربيه .......
وأمك اهي غافلة لاهية عن ضناها وفلذة كبدها كيف سترميها بطريق الشوك .... طريق الخراب والدمار .... أين قلبها ...... أهو المال ؟؟؟ أهو الجمال ؟ أهو النفوذ؟؟؟؟؟؟ ولكن أين الدين ؟؟؟ اين العادات والأخلاق والقيم والمبادئ ؟؟؟؟؟؟؟؟ آخ قلبي يوجعني من تلك الأم ؟؟؟ كيف تحرقك لتسعد ابنتها الأخرى ؟؟؟ وكأن لا شيء حصل ......
اللهم أهدها واهدي اختك .

اتعلمين اختي الغاليه وأنا أقرأ قصتك أحسست انه فيلم أجنبي وليس قصه عربيه من دولة كلها قباءل وعشائر يخافون الله ....

استغفري الله واشكريه انه أنار دربك بالحقيقة الواضحه ... فالله كريم تواب يقول لك تعالي إلى أبواب الصلاح والتوبة ... فاستغفري الله ولتكن دموعك دموع فرح لا حسره .... دموع امل لا خوف .... دموع حب لاختك لا حقد ولا حسد .... فعلى ماذا الحسد فوالله هي واهمة واهمة ..... وانت الفائزة انشاء الله .
استغفري لها وادعي لها بالصلاح علك تنقذيها من حفر الوحل ..... ادعي لأمك بالهدايه . فلقد خانت الامانه ؟؟؟؟ والله أعلم .

ســــــــــــــــامحيني
اختك ام فارس

غاليتي النويرة
انا ماكتبت وعرضت ما في داخلي إلا من أجل النصح بالعكس والله اني افرح يوم اشوف خوات ملتزمات بهده الطريقة.

يمكن عشان ما تعرفيني ما تعرفين ظروفنا. اعمامي عايشين في السعودية وابوي هو الوحيد اللي

عايش في البحرين. بنات عمي الله يهديهم لهم طريقتهم الخاصة في التفكير وتكوين علاقات معينه,

ادري ماحد يحب يتكلم عن بنات عمه بهذي البطريقة لكن هذا اللي حاصل أمدحهم لا والله ما امدحهم

واصلا هم يكرهونني لأني إذا رحنا عندهم كلامهم ولاطريقتهم في التفكير تعجبني ودايما ابتعد عنهم.

الرسول عليه الصلاه والسلام يقول بمعنى لو تزني يزنى بجدار بيتك. وكما تدين تداااااااان سبحان

ربي.هذا ولد عمي الحقير مثل ما يسوي ببنات الناس ربي يسوي في خواته. طبعا بقولك سمعتهم

هناااااك عسل لأن الأمور عندهم تتم بخفية وحذر شديد, بس ما قول غير ربي يهديهم. أما حنا صراحة

كل الناس تشهد بأخلاقنا ولله الحمد ابوي رجل ملتزم وحنا بعد ملتزمين .هو ولد عمي حبني حبيته كان

حبنا شريف يدرون عنه الاهل وكان معروف اني له. والله انه حبني حب لدرجة كان يصيح على فراقي

ومجرد ينذكر اسمي امامه كان يخجل كثير. وورب الكعبه حبيته حب و بشكل جنووووووووووني.

انخطبت لولد الجيران وهذه كنت نقطة التحول في حياااااااتي إي والله انقلب حالي تغيرت صرت انسانه

ثانية لا تحس ولا تقيم وزن للأشياء. كنت فعلا مرررررررررررريضه بحبه نتيجة للصدمة وبدون ادنى

تفكير كنت اسوي كل شي والله ما كنت افكر ما كنت اوزن الأمور لأني ما كنت مستوعبه الأموور أو

بالأحرى كنت حاسة اني في حلم لازم اصحه منه بمجرد اخذه, خصوصا ماكان في حد يسمعني ولا

ينصحني. بس الحمدالله يوم طلبت المشوره من بنات عالم حواء حسيت انها نقطة تحول رجعتني الى

الصوااب إذا قلت لك اني كرهته. تصدقين اثاء فتره جنوني له ومحاولتي اني ارجع له بأي طريقة

استغل حبي له قالي بكل وقاحة إذا تحبيني تعالي الفندق ويوم قلت له ما قدر قالي خلاص اجيك البيت

وقعد يوم كلام والله عمري ما سمعته في حياتي لأن ليس لدي علاقات تماااااااااااما حتى من الصدمة

ما قدرت استوعبه ايش يبغي مع انه بصريح العباره قال ودي انام معك سامحيني بس مقهوره. وما

صحيت من هذي الصدمه الا بعد مده . حتى انا يوم يوم كتبت مشكلتي سابقا والله خجلت اقول انه ولد

عمي من لحمي ودمي وما ذكرته هذه الواقعة لأن قلت في نفسي إذا امي وخواتي الامر ما هزهم ولا

تخذوا موقفا على اساس اني بنت ولازم انطمم واسكت. بس مااقول غير ربي ياخذ حقي منه يارب حتى هو على باله سالفه عااااااااااادية. والله حتى لو ذكرت هذي السالفة كلها بطيح فيني وابوي لو درى ما عيش يوم في هالدنيا. خاطري اعلم اشتكي عليه بس متى والله ما اسامحة وهذا اللي قاهرني. أنا اليوم غيييييييير ما عدت اسمع اغاني ابدا ودايما احط الله في كل تصرفاتي مادري كيف اخذ حقي منه. انا عرف مانيب ماخذه حقي منه الا يوم اتزوج ولد عمه واللي هو ولد عمي بعد واحصل على شهادتي الجامعية واتوظف في وظيفة زينه لاني في ذيك الساعة بينقهر وانا متأكدة وبيتحسف انه ضيعني, شدعوه عمره ما يتحسف يعله يذوق المر اللي ذقته . آآآآآآآآآمين. اصلا ما حد يدري عن اخلاقة الزفته وهم شايفين طيبته وكرمه وجمااااااله ووسامته وفلوسه. اختي النويره بالعكس انا عايشه في بيئه ولله الحمد بعيده عن بيئة اعمامي وافكارهم المنحطة بس اللي صار كله اني ماعرفت كيف اوظف قيمي واخلاقي خلال تلك الفتره.

واشكرك على نصيحتك غاليتي. اهم شي مسائل الشرف وانا تعبانه نفسيا وجرحي عميق لأن لا امي ولا

خواتي تكلموا او اتخذوا موقف تجاه طلبه. والله كان ودي امي تكلمه وتقوله اللي سويته غلط ولازم

تتعاقب عليه. عشان كذا انا مقهوووووووووووووووووره مين يرجع كرامتي بالعكس انا

مجرررررروحة عسى الجرح في قلبه الزاني. زالله احس بقرف غير طبيعي منه. ما اتخيل نفسي معاه واذكر علاقاته مع امراة حامل متزوجة وسهراته في المراقص. اخ ياليت السعودية تمنعهم من السفر لأي مكان الشباب الطايش طبعا مو كلهم نفس بعض بالكعس في رجال تنشد فيهم ظهور وياليت كل دوله تمنع شبابها .

بارك الله فيكم وثبتكم على اخلاقكم السمحة.

السلام عليكم

بصراحه أستغربت من عدة أشياء بقصتك:

أختك كيف ترضى تتزوجه بعد ماسمعت كلامك عنه وعن أخلاقه وعارفه انك تحبينه !!!!!

وأمك كيف تشجع البنت على الزواج منه وهي عارفه انه طالبك تجينه بالفندق !!!!

كيف شخص يطلب من بنت عمه ومن لحمه ودمه طلب يدنس شرفها !!!!!

وشلون ولد عمك الثاني يطلب يدك من ولد عمك اللي تبينه وهو يعطيه !!!!!! ماعندك أهل يخطبك منهم وشلون هو يحدد مصيرك وهو اللي يزوجك ويعطيك !!!!!
.
.

مادري وشلون بصراحه حبيتيه مع كل اللي سمعتيه عنه..ولكن أقدر انك أنثى ضعيفه ماتقدر تتحكم في مشاعرها وأحاسيسها وكانت تبحث عن الزواج والأستقرار ويمكن المجتمع اللي حولك مصور هالعلاقه و كل شي تسوينه عادي !!

لكن ماسألتي نفسك هل هذا هو الرجل الصالح والزوج الوفي المخلص صاحب الدين والخلق اللي بكمل حياتي معه؟؟؟

هل هذا هو الأنسان اللي بيكون أب لأطفالي يعلمهم الأخلاق الحسنه؟؟

اكيد بيكون الجواب لا

بالنسبه لأختك أتوقع انك نصحتيها وهي عارفه السالفه كلها يعني انتي بريتي ذمتك والنتائج بعدين هي اللي بتعيشها...عشان كذا لاتهتمين لافيه ولافيها...

والمشكله انك ماتقدرين تفضحينه لأنه بهالحاله بيفضحك أنتي,, واكيد انه مجمع المسجات والمكالمات اللي يقدر يصيدك فيها عشان كذا طلب منك هالطلب وهو حاط يده بمويه باردة لأنه عارف انك لو فضحتيه بيفضحك..

وأنتي بصراحه اهنتي نفسك كثير له وهو اخذ عنك فكره انك رخيصة وتجرأ يطلب منك هالطلب شكله كان متوقع انك بتوافقين وهو بيتسلى لأنه مايحبك ولاكان نوي يتزوجك ..وشخص مثله صاحب علاقات يحب يتزوج وحده ماجربت الحب معه ..

أنتي تحبينه للحين وهذا واضح بشكل كبير لكنك مجروحه منه لأنك مهتمه بالموضوع وعارفه انك ماراح تقدرين تخبين مشاعرك بين الناس ..لكن صيري أقوى من نفسك ولاتخلين عواطفك هي اللي تمشيك على كيفها صيري انسانه قووويه أقوى من الواقع اللي انتي عايشته ..

نصيحتي لك:

كوني أقرب الى الله ... أكثر من قراءة القرآن وأدعي الله بأن يزيله من قلبك ورددي هذه الأدعية

(( سبحانك ما أحلمك ..وبحالي ما أعلمك ..وعلى تفريج همي ما أقدرك...أنت ثقتي ورجائي ..فاجعل حسن ظني فيك جزائي))

(( اللهم ما مصرف القلوب صرف قلبي على طاعتك))

(( اللهم أكفني بحلالك عن حرامك وأغنني بفضلك عمن سواك))

(( اللهم ألهمني رشدي وأعذني من شر نفسي))

حاولي تشغلين نفسك بأي شي ثاني ..ركزي على دراستك ومستواك التعليمي ..حطي لك اهداف بالحياة

انسى كل شي صار وحاولي ماتتذكرين ولاتدخلين بتفاصيل حياتك الماضية ... أعتبري انك انسانه جديده وتعيشين حياة جديده

تخلصي من كل شي يذكرك فيه هدايا او مسجات او أي شي وكل ماحنيتي له تذكري كيف جرحك وكيف أهانك بين الناس تذكري انه مايحبك ولاعمره حبك وكان طول الوقت يستغلك بس لاتلومين نفسك ولكن اعتبريها تجربه زادتك خبرة بالحياة..

ونصيحه اذا جاتك فرصه حلوة للزواج من زوج يخاف الله وممن ترضون دينه وخلقه لاترفضينه ولاتتعلقين بالماضي

والله أختي اني تعاطفت كثير معك ... ولكن اسأل الله تعالى بعزته وقدرته وفضله أن يرزقك الزوج الصالح الذي يكون لك نعم الزوج ونعم الرفيق وأن يشرح صدرك وييسر أمرك......

كلمي اختك وامك عنه وعن بلاويه

لا تضون على اختكم تاخذه