ولد عمي وخطيبي....وحايره بين الإثنين

السلام عليكم ورحمه الله وبركاته

بنات أنا والله في ورطه وطالبه الفزعه منكم
أنا كنت مخطوبه لولد عمي من وإحنا صغار
وكانت بنت عمي الثاني تحبه وتموووووت عليه
وهو كان مطنشها
وكانت تدق عليه وتتكلم معاه
ووصلت إلى درجه إنها تروحله البيت
بحجه إنها تطمن عليه
وحطت في راسه إني أنا ماني مهتمه فيه
وماأحبه ولاأبيه
وقام وصدقها وفسخ الخطوبه وراح تزوجها
وصار لهم سنه
وحياتهم كلها مشاكل
وإنفصلو قبل شهرين
وأنا إنخطبت على صديق أخوي وتمت الخطوبه قبل شهر
وأول مارد ولد عمي من السفر جن جنونه
وبغى يتذابح هو وأخوي
وكان يدق علي وأنا ماأرد عليه
حتى رقمي غيرته
وكان يرسل خواته يكلموني ويقولون إن أخوهم تعبان حييييييييل
لكن مافي فايده
وقام يهدد بإنه بيخلي حياتي جحيم إذا مارديت له
وبت عمي تهددني من جهه ثانيه
وأنا الحين حايره ماأدري وش أسوي
والله العظيم إني بمووووووت من التفكير والخوف
الله يخليكم لاتخلوني بروحي
أنا مالي غيركم أحد يفهمني