ولـــدي ,,, ولدي نبت نخل في راسي ...

كل ما تذكرين امور طبيعيه
الله يخلى

طبيعي جدا جدا كل عيالي لما ابوهم يخرج يبكون ويتمسكون فيه ولما يجي جري عليه وانا على جنب
من قلة مايشوفون ابوهم

كأنك تتكلمين عن وليدي الله يحفظه ويخليه لي
خصوصا في حكاية النوم ...
وفيه نشاط زايد ويحب يخرب اي شي في البيت
وزياده على كذا عندي بنت اصغر منه ودايم يبهذلها
ولدي عمره سنتين ونص تقريبا
يعني نفس عمر ولدك
احيانا اعصب عليه واحبسه في غرفه

لكن من يوم دخل رمضان اكتشفت شي مفيد وساعدني كثير
كل ما جيت اشتغل في المطبخ واسوي عجين اعطيه قطعة عجينه ومعها قطاعات وادوات تشكيل البسكوت
لقيت انه يلهى عليها كثير وتشغله ويستمتع وهو يلعب فيها
واحيانا اعطيه لعبه قديمه واخليه يفككها ويخربها ويكتشف ايش داخلها

لقيت ان تخريبه قل شويه يعني يروح شوي من طاقته


باقي عاد الحين كيف احل مشكلة التهاوش مع اخوانه

عندك حل :(

والله يااختي ولدك اهون بكثثثثثثثثثثثير من الي عندي انتي نبت نخل في راسك انا طلع الشيب في راسي :16:
والله جنني مره ومتعلق في ابوه بشكل غير طبيعي درجة اذا راح ابوه للدوام يقوم زي المجنون ويييييييييييييين بابا دقي عليه خليه يجي يأخذني لا وعنده الشهيه مقفله بالمره
وغيركذا مجنن اخته في البيت ياخذ اغراضها ويخرب وغيرالتكسير الي في البيت :angry: الله لايوريكم درجة ان مااقدر امتع صالتي بتحف اولوحات فخمه يطلع على الكرسي ويحرك اللوحه كنه يحرك قلبي اقوم ودسها في مكان لين يجون الضيوف والله حاله خليها على الله
حاولت باطيب والهداي له مانفع معه يقول خلاص ان بجي مؤدب ويوم ويرجع اقوى وان جربت معه العقاب جلس يبكي :icon33: المسكين لييييييييييييين يطرش واحن عليه واسعفه باسرع وقت وكن ماحصل شئ وعلى هالحاله الله يعينا على تربيتهم
اعذروني على الاطاله ماصدقت في هالموضوع اشكيلكم
وتسلميييين ياعمري على الطرح الراااااااائع

طيب يا بنات اش الحل ؟؟

بالنسبة للدكتورة نجلاء .. هاذي امور طبيعية .. بس ما شرحتي كيف اتعامل معاها ..


واختي هايدي .. مو مشكلة اذا هو من قلة ما يشوفه بس لما يكون لازق في ابوه لزقه اسد ,

ومايخليه يتحرك ولا حركه .. تصدقي اول ما يشوف ابوه يتعدل في جلسته يقوم يسبقه للباب

يفكر انه بيطلع ويخليه .



اختي العيون الســود ولله كأنك جالسه تتكلمي عن فهودي ولدي بسم الله عليه .. تصدقي

حتى العجين مره كنت اسوي خلية النحل , طلب مني اعطيه ولما عطيته قطعة عجين ,

اش سوى ؟؟؟ صار يطلب الجبن علشان يحشي اللي معاه ولما ابغى احد فيها جبن يقولي لا

يا أما هو اللي يحط ولا يزعل ..


ريمية نجد .. ولدي لما يصحى ما يطلب ابوه دايما بس اوقات يصحى ويبكي ويجلس يأشر على

الباب ,, با با بابا ,, وبالنسبة للأكل يأكل الحمد لله , بس ما يكل من يدي من يده هو اوابوه

بس و ولما ياكل من يدي يكون سرحان وما انتبه ,, او يكون جنبي ولد اختي او ولد عمته

يشوفني ااكله يغار ويطلب مني ااكله ,,..






بنات الله يوفقكم انا ام جديده على الامومه ,, والله يابنات دايما ابكي , اخاف اكون فشلت في

التربيه او اني حتى ما عرفت اربي , لا تلوموني ولله ما اعرف كيف اتعامل معاه ..