جزاك الله خيرا وأعانك على ما ابتلاك به مثلك من النساء قليل
ولكن يا أختي العمر واحد والحزن وكثرة الهموم والاحزان تجلب الامراض والشيخوخة المبكره والوساوس وتلهي عن ذكر الله ..بالنسبه لسالفة التعب وشغل البيت هذا حاصل في كل بيت لكن لا بد يكون لك وقفه حازمه أمام انتقاداته يعني لو كنت تعبانه الله يعذرك من الصلاة واقفه ثم جالسه ثم على جنب هذي الصلاة فكيف هذا الاخ ما يعذر عل تنظيف وترتيب قولي والله اليوم ما قدرت وما أدري بكره أقدر ولا لا أنا ماني مكينه أنا إنسانه تعبانه وعندي دراسه وبيت وفوق هذا كله حامل المفروض تساعدني ما تحملني فوق طاقتي
أما سالفة العلاقة الخاصة والله ثم والله لو أنا مكانك ما أجلس معاه دقيقه وحدة ليه خير أنت لو فكرت مجرد تفكير في شخص ثاني وش بيكون موقفة فكيف لو تحدثتي عنه وخاصة في وقت العلاقة الخاصة لا يا أختي الحب غيروتنازلك عن أمور تخصك وتخص مشاعرك غير لازم يكون لك مكانه تحسسك ان تضحيتك في محلها مع واحد يستحقها حتى ما تجي بعد عمر طويل وتكتشفي ان عمرك وتضحيتك ذهبت سدى وأن الأخ قد مل منك ومن سلبيتك وتنازلاتك اللي مالها داعي وجاب له ذيك العروسه وخلاك تجترين الأحزان وذكريات التضحيات العظيمه التي لن يندم عليها سواك أعلم أنك تحبينه بجنون وكلنا كنا كذا بداية الزواج لكن لو ما وجدنا تجاوب ما كنا استمرينا ...يا أختي . العمر واحد والناس كثير واللي ما يعطيني الكثير ما اعطيه القليل
وأرجو أن تنتبهي لنفسك والله اني حزنت لاجلك كثيرا يبدو أنك طيبه جدا ولكن زيادة عن اللازم
أرجو ألا تغضبي مني يا عزيزتي فالحب لا يجبر الشخص على قبول الاهانه

اختي الغاليه مافيه احد مرتاح في هذا الزمن

عليكي بالصبر غاليتي اسأل الله ان يفرج همك وييسر أمرك

كل منا له عيوب والكمال لله وحده ولكن اخيتي أسعي جاهده بالبدء من نفسك أنظري لها في مآة الحياه وصلحيها وبعدها حاولي ولا تيأسي من أصلاح شخصية زوجك وتغيرها بالكلمة الطيبه والأبتسامه وأفراحه
والله يوفقك

ترى لعلمك مافي زوج كامل المواصفات :(

الله يعينك ويفرج لك..

لا يأنبك ضميرك أنتي مكبوته وتفضفضين وتبين تسمعين

آراء ثانيه تأيدك أوتعارضك بعنى لا يضيق صدرك من حالك كونك

تكلمتي عن مشاكلك مع زوجك.. أحيانا الوحده تحكي هنا ممالا تحكيه

لأحد من أهليتها..

الله يفرج كربتك ويسخر زوجك لك ويوفقك وكل مسلم ومسلمه,,,

ودمتي أخية,,,

ياقلبي
أسلوبك رائع رائع بمعنى الكلمة ماشاء الله تبارك الله..
حباك الله فن استخدام الجمل والكلمات..أدام الله نعمه عليك..

أختصر الحل الذي أراه لك:
الصبر
فضفضي ولاتكتمين فيموت قلبك بين أضلعك هما..أنتي إنسانه والمرأه بطبعها ضعيفه لاتحملي نفسك فوق طاقتها..
ثم اصبري
واصطبري
لكن لابد أن تفسحي لكي مساحه بين هذه الهموم لتعيشي فيها..وتجدي فيها متنفس وراحه..
أعانك الله وفرج همك..وقذف في قلب زوجك حبا لكي بعد حبه لله سبحانه وتعالى..اللهم آآمين