ولله الحمد والمنه......أخيرا ولدت.......

السلام عليكم ورحمة الله وبركاته

حبيت أبشركم إني الحمد لله ولدت الجمعه اللي فاتت وجبت أحلى بنوته:27:

الله يخليها لي يارب

طبعا بعد ماعوشرت ويأست إني أولد وأخذت 6 أيام من العاشر على حسابي و10 أيام على حساب الدكتوره

سبحان الله

كانو مقررين ليه ينوموني السبت ويعطوني طلق صناعي عشاني تأخرت

وكنت مهمومه مررررره رحت يوم الخميس آخر الليل فتحت المصحف وقريت سورة البقرة كامله

ودعيت الله بعدها إني مااحتاج التنويم ولاأحتاج العمليه وإنه تجيني ولاده طبيعيه من ربي ونمت

وصحيت الساعه 7 الصباح حسيت مويا دافيه انكبت وسبحان الله ربي استجابلي وطلعت ولاده

رحت المستشفى 10 الصباح وبالقوه دخلوني مافيه أسره فاضيه

وللأسف مع إنه المولود الثالث طووووووووووووولت ماولدت إلا 10 بالليل ولااحتمى الطلق إلا بعد مااعطوني طلق

صناعي

وكانت ولاده صعبه ومتعسره وأحمد ربي وأشكره ألف مررررره لأنه أكيد فيها تكفير ذنوب

المهم

نوموني بالكشك لأنه مافيه أسره مت من الخوف كل شوي جايه وحده تصرخ تصرررررررخ وبعدين يختفي صوتها

ويطلع صوت النونو

بعد ماطلعت من الكشك دخت وحللولي طلع دمي 6 وجاني نزيف وقت الولاده أعطوني دم وذحين دمي 8 ولسى

أدوخ بس أخف من أول وبشرتي شاحبه وتعبانه

ومغص فضيع وقت ماأرضع كأنه طلق ماخف إلا اليوم

أما ألم الخياطه ذوووووقني الموت لأنه الغرز كثيره وأحسها واصله للخلف بسبب كبر حجم الجنين سوولي توسيع

وأخيرا أوصيكم أوصيكم أوصيكم

بكريم ميبووووووو

والله لما استمريت عليه يومين بس اتغير حالي مع الخياط 180 درجه

وخف الألم كثيررررررر وصرت أقدر أجلس وأقوم بس لازم الإستخدام كل مارحتي الحمام مو مره ولامرتين لاااااا كل

مادخلتي الحمام لين ترتاحين وتتحسنين

وآسفه على الإطاله بس حبيت أفضفض:)

وعقبالكم ياكروشات