وللي يرحم والديكم .. سعدوني .. كيف ادرس ابن خالي ..

السلام عليكم ..

يه جذي التدريس يعور الراس .. :(

خالي يبيني ادرس ولده .. و انه وافقت .. و ولده في صف الخامس ..

بس راسه يابس ..

كيف اقدر اخليه يعمل اللي اقوله عليه ..

تصورا كتبت له ورقة يوديها للمعلمة اللي تدرسوا .. حتى تكتب فيها هو ضعيف في شنو .. او يحتاج لايش؟؟

المعلمة جزاها الله الف خير كتبت .. بس هو شق الورقة .. و هالشي يبين لانه الورقة كانت في دفتر .. و الورقة اللي بعدها مبين عليها المعلمة شنو كانت كاتبة .. :angry2:


و اخليه يحفظ جداول الضرب .. و الحروف الانجليزية .. بس بطلعة الروح ..

اليوم جاني .. و الشنطة مو وياه .. بس الكتب اللي عليه فيه الواجبات .. و كله يبيني اقوله الاجابة ..

بس ما عطيه وجه لان لو علمته .. ما راح يعتمد على نفسه في الامتحان ..

الله يرحم والديكم ساعدوني ...