ولنفسك عليك حق❤

السلام عليكم ياجميلات😻 بما انو اول موضوع لي بهالمنتدى حبيت احط طريقتي بالشور اللي لو كل بنت سوتها صدقوني رح تطلع تحفه اول حاجه الله يجزاكم خير وحده وحده على هالقسم اللي اتوقع مافي وحده مادخلته الا واستفادت وانا من ضمنهم للامانه الزبده نخش بالموضوع الحمدلله انا من عمري 12 سنه وانا اهتم بنفسي واحب الخلطات والعنايه حتى صحباتي بالمدرسه لما يشوفون يديني وسيقاني يقولون انتي وش مسويه بنفسك ماشاء الله يدينك ورجولك مثل القطن😻 بس لما كبرت وصارت عنايتي مكثفه من ناحية الخلطات والسكربز وهالاشياء طبعا مليت من اني كل مرا ادخل المنتدى او الانستقرام وبس اطبق الخلطات على جسمي قلت بنفسي ليش ما احوس انا اشياء بنفسي واشوف نتيجتها رح ابدا معكم بطريقتي واللي تبي تمشي على نفس الطريقه براحتها اول حاجه اجهز كل شي قبل الشور عشان ما اتكيسل بعدين سواء كانت خلطه او سكرب او غيره وانا بصراحه من النوع اللي يحب ينوع من ناحية السكربز يعني كل جمعه تقريبا اطلع سكرب جديد احيانا استخدم هالسكرب اللي حوست فيه وفادني كثيير والله اللي هو: كريم كاب + ملح الحليب + ليمون + زيت جونسون او زيت زيتون + ملعقتين حليب بودره + ملعقتين نشا + قشر برتقال + قشر ليمون + موية ورد طبعا قشر البرتقال والليمون معروف من قديم الازل انه مع الاستمرار يمنع ظهور شعر الجسم ثاني سكرب 😻 : سكر + قهوه تركيه + زيت جونسون + عسل اللي بتستخدم هالسكرب رح تحس بالحمام انها بستار بوكس😂😻 ثالث سكرب: نص كوب سكر + نص كوب رز مطحون + نص كوب نشا + نص كوب قهوه تركيه + عسل رابع سكرب وحبيب الكل😻: سكر + زيت زيتون + ليمون انا احاول احط لكم اكثر من سكرب للي ماتتوفر عندها الاشياء اللي قلتها ف ممكن تنوع حطيت لكم اكثر من نوع وممكن تنوعون كمان اول حاجه وقبل ماتبدين بالشور رح تبدين بشعرك يعني لو حابه تحطين ماسك لشعرك او خلطه معينه عندك هالخلطه الفتاكه بصراحه ورح تلاحظين نعومة شعرك مع الاستمرار عليها اللي هي : صفار بيض🍳+ موز مقطع شرائح🍌+ ملعقة عسل🍯+ زيت زيتون🍶 فوايده: معروف البيض بروتين الشعر ويعطيه لمعه ونعومه وقوه👩🏼، الموز فيه معادن وفيتامينات مره مهمه ومفيده ويخلي الشهر نااعم وصحي ويشيل النفشه🙈، العسل كمان عنصر مرطب ويعطي الشعر حيويه ولمعه 💆🏻حطوه من 20 الى 30 دقيقه وغطي شعرك بكاب او سلفان الاكل🙅🏼 طيب بما انك راح تجلسين نص ساعه كذا استفيدي من الوقت وحوسي لك ماسك للوجه ممكن تستخدمين قناع الخيار والزبادي او ممكن ماسك التشوكليت هالماسك افادني والله من ناحية تجديد خلايا الوجه اللي هو ملعقتين كبيره شوكولاته سايله {هيرشي} ملعقة كبيرة تشوكلت باودر🍫 نص ملعقة زيت زيتون اتركيه على وجهك نص ساعه بعدين دلكي وجهك باطراف اصابعك بعدها غسلي وجهك بمويه بارده ورشي موية ورد🌸 بعد ماتخلص النص ساعه يبدا الشور😻 اول حاجه رح تغسلين شعرك من الماسك وبعد ماتنظفيه وتدلكين شعرك زين بالشامبو خذي مويه بااارده مع شويتين خل وغسلي شعرك فيه وافضل انو تحنين راسك يعني كانك بتركعين بعدين غسلي شعرك به وحطي على اطراف شعرك فاشكول او بلسم بعد كذا لفي شعرك ويبدا شغل الجسم👯 ياتستخدمين خيمة الساونا عشان تفتح مسام الجسم او اذا ماعندك افتحي الدش الحار وغسلي جسمك 10 دقايق {معلومه عالطاير: الدش الحار يفيد بتكبير الصدر🙈} الزبده بعد ماتغسلين جسمك بالمويه الحاره استخدمي اي سكرب من اللي حطيتهم او اي سكرب عاجبك بالنسبه لي احب اول سكرب ومرتاحه على نتايجه مرا احطه على جسمي واتركه ربع ساعه وابدا اقشر بقلفز بودي شوب من تحت لفوق باتجاه القلب عشان تحركين الدوره الدمويه وانتبهي تفركين بقوه لانو رح يقلب جسمك احمر والاحمرار يؤدي للاسمرار *اللي ماعندها القلفز ممكن تستخدم خيشة البصل بعد ماتنظفها ممتازه* بالنسبه للمنطقه الحساسه والابطين والرقبه لا تفركينهم بالليفه لانو الجلد رقيق مارح يستحمل فاحسن تستخدمين يدك بالتقشير💪 بعد ماتقشرين جسمك زيين وتحسين استفاد من السكرب تغسلين جسمك بمويه بارده عشان تتسكر المسامات وتستخدمين اي شاور جل تحبينه بالنسبه لي احب شاور جل جونسون يعطيك نعومه وريحه جميله ومنعشه😻 بعد كذا تفكين شعرك وتغسلينه بمويه بارده من البلسم نجي للمنطقه الحساسه كثير بنات مهملين هالمنطقه وعلى انو مارح اهتم فيها الا لما اتزوج😒 كذا غلط حبايبي اذا ما اهتميتي لنفسك حتهتمين لمين؟ الزبده كلنا نعرف انو الرسول عليه الصلاة والسلام ما امر بحلق العانه الا لغايه يعني انتبهوا تشيلونها بحلاوه مع الايام رح تترهل المنطقه وتسبب برود جنسي لا سمح الله💔 نرجع للشور بعد ماتخلصين وتغسلين جسمك استخدمي حثال القهوه بفرك جسمك يخلي جسمك ناااعم وغسلي بعدها بعد كذا تنشفين جسمك بفوطه عشان تقدرين تشيلين المنطقه الحساسه بالراحه وعشان مو زين تشيلينها وجسمك غرقان كذا مارح ينشال الشعر كله استخدمي الامواس النسائيه اللي تجيك ورديه او خضراء🙊 بعد كذا تمضمضي بملعقة زيت زيتون 10 دقايق معروف انه يعالج اللثه ويبيض الاسنان وشجرة الزيتون مباركه بعد العشر دقايق تفرشين اسنانك كويس وبدون ماتجرحين لثتك وغسلي وجهك باي صابونه تحبينها بكذا طبقتي مثل ولنفسك عليك حق يعني لازم الاهتمام حتى لو كان بابسط الاشياء💪 بعد ماتطلعين من الحمام الله يكرمكم رطبي جسمك اهم نقطه هي الترطيب لانو لو مارطبتيه جسمك حيكون جاف ومارح تستفيدين شي استخدمي بيبي اويل الموفي او البرتقالي واخلطيها مع مسك ارزة لبنان من عبدالصمد القرشي رح تطلع ريحتك ولا اجمل صدقيني😻😌 او ادهني جسمك بالبيبي اويل وحطي المسك على اماكن النبض🙊 وتعطري باي عطر تحبينه ودلعي نفسك ياجميله😻 * وللمنطقه الحساسه عندك مناديل كيرفري او مناديل البيبيز رح تعطيك انتعاش رهييب طبعا من ناحية الخلطات اللي هابين فيها وانها تبيض المنطقه الحساسه لا تصدقون اي شي ابدا الا لما تتاكدون مو اذا قرب زواجك تدخلين النت وتجربين كل شي وبدل ماتستفيدين تظهر لك نتيجه سلبيه عشان كذا انصحكم قبل النوم ماتلبسين كلوت عشان المنطقه تتهوى مايصير تجلس مكتومه طوال اليوم وتجفيف المنطقه بعد كل حمام ضروري لانو مع رطوبة المنطقه راح تظهر لك روائح ومشاكل كثيره والترطيب كمان مهم ممكن تستخدمين زيت اللوز المر معروف بتفتيح المنطقه وشرب المويه مع قطرتين موية ورد تمنع روائح الافرازات الكريهه او ممكن تشربين نعناع مع شوية موية ورد 🙈 وقبل كل هذا ضروري تحافظون على طريقة اكلكم وتبتعدون قد ماتقدرون عن الزيوت والمقليات وتاكلون الاشياء المفيده💪 بكذا ولله الحمد ختمت موضوعي اللي كاتبته بهالوقت لعيونكم🙊 الموضوع من جهدي اتمنى ماتجي وحده تنسخ وتلصق❤ استودعتكم الله❤