السلام عليكم ورحمه الله وبركاته ,,
كيفكم حبيباتي ,,
انا في الامس كنت معكم ,, كل شهر ابكي ,, وانتظر ,, مره ايه ومره لالا ,, ومره اختبار حمل ,, ومره حزن وانتظاار الين ربي فرجها علي من عنده ,, وحابه اقولكم قصتي يمكن يكون احد مثلي وتستفيد مني ,,
بدايه تزوجت في شهر 11 قبل 6 سنوات وما اخذت اي مانع ابد ,, ولما كملت السنه ,, رحت للدكتور الصباغ اكيد اغلبكم تعرفونه ,, وسوى لي سونار وقالي التبويض تمام وكلش عندي اووكي بعطيك ابره تفجيريه ,, وان شا الله يتم الحمل هالشهر ,, ولاحملت ,, جلست ابكي موتت نفسي من العياط ,, رجعت له وبديت في الدوامه ,, تحليل ,, اشعه صبغه ,, تحليل لزوجي ,, واللي انتو عارفين ,, اخر شي قالي انو زوجي عنده لزوجه ,,وانا كلو في السليم
قررت اتركه واتجه لربي ,, دعيت ربي ,, وكل شهر انتظر ,,اخر شي قررت اغير الدكتور ,, رحت لدكتوره في المستشفى العسكري اسمها هيا ,, وسوت تنشيط ,, وما الى ذلك والحمد لله ماتم شي ,,, جلست فتره ,, ورجعت سويت تلقيح صناعي ,, وبرضك مافاد معي ,,اخر شي قالو لي انو مستحيل احمل عشان زوجي عند تشوه ,, راح زوجي لدكتور في مستشفى الحبيب اسمه قطان ,, وتعالج عنده ,,فتره وبرضو مانفع ,,, وانا صار هرمون الحليب يطلع وينزل,, اخذه فتره ,, واقطعه وعلى هالحال ,, الين اخر شي قالت لي الدكتوره خليه معاك الين تحملي ,, وترا هو من النفسيه ,,
بالنسبه للطب الشعبي جربت كل شي ,, اناناس ,, عنب ,, خلطه عيون الوليد ,, ورحت لحرمه ومسدتني وقالت مافيك شي ,, اكل عسل ,, كل شي يقولونه هنا اسويه ,, والحمد لله ربي ما اراد انه يتم
بقي شي ,, قبل ما احمل بسنه تقريبا كلمني احد اقربائي وتكلم معي بصراحه ماعهدتها منه ,, وفهمت منه انه حالم فيني باحلام مش كويسه وتفسيرها انو لازم اقرا على نفسي ,, وفعلن يابنات بديت اقراا على نفسي ,, وصرت احلم بناس معينه ,, وطلب مني اخذ منهم ,, وفعلن اخذت ,, وكنت وقتها احلم بحشراات ووزغات وهالاشياء داايم ,,
الفرج
بديت ادعي ربي في اليل ,, واقول ربي لاتذرني فراد اربعين مره في السجود ,, وفي رمضان وفي كل وقت ,, وتصدقت حطيت حصاله على التسريحه وكل يوم اصحى الصبح احط فيها اللي معي ريال اثنين ,,وداعي ربي ,,نصحوني بالانابيب واستخرت وتوكلت على الله ,, مع انو يابنات كان عندي احساس انو لا ماراح يصير شي بس سبحان الله ,, بديت في ابر التنشيط ,, وكانت المفاجئه ماكبر معي اللي الا اربع بويضات متخيلين ,, لدرجه الطبيب المشرف قالي خلص بنسوي لك الاربعا العمليه ,, ماراح يكبرون اكثر من كذا انتي بتتبي على الفاضي ,, وطلعت يابنات وانا ابكي ,, جلست بالاستراحه وكانو البنات يجون يحكون اللي تقول 9 واللي 13 وكلهم لسه باقي لهم اسبوعين وانا قالي بعد بكره ,, وجلست ابكي ,, وارفع راسي عشان محد يشوف دموعي ,, وفقدت الامل صراحه وقلت يالله خيره يمكن ربي ما اراد اني احمل بهالطريقه يمكن ربي بيوريني قدرته وبحمل طبيعي باذنه ,,المهم وتمت عمليه السحب وهم يصحوني من البنج الممرضات سعوديات يقولون لي غلا قومي سحبنا منك سته ,, انا صحيت ابكي من الفرحه مدري من الاحباط مدري من ايش , , ورحت للبيت ودقو علي اليوم اللي بعده وقالو ابشرك تلقحت خمسه من سته ,, وربي سجدت لربي سجود شكر ,, احمدك واشكر فضلك.. وجا وقت الترجيع وطلبتهم يرجعون 3 ورفضت الدكتوره قالت انتي لسا صغيره بس 2 ,, ولما حقنوني فيهم قلت اللهم اني استودعك اجنتي ومافي بطني اللهم فاحفظهم لي فانت اعلم بهم مني ,, واللحمد لله والمنه والشكر له من قبل ومن بعد ,, حللت في اليوم 12 وطلعت حااااامل,, بتوام ,, وصرت يوميا اقرا عليهم الورد واستودعهم ربي ,, والحمد لله والمنه فقدت احدهم ,, والله يابنات صحيح ماشفته بس احسه قطعه من قلبي والحمد لله على النعمه والعافيه طفلتي الحين عمرها 5 شهور ,,
اهم شي ياحبيباتي ,, ابيكم تتطمنون ان رزقكم مكتوب ,, وماراح تاخذون الا ماكتب الله لكم ,, فاصبروو ,, وتصدقووو تصدقوووو تصدقووو ,, وادعو ربكم في جوف اليل فسهام اليل لاتخطئ ,, والله اني اعدكم خواتي ,, عشت مثلكم نفس المعاناه والحرب النفسيه ,, كرهت الناس وعيالهم اخاف اشيل بيبي احد يقولون متشتفقه عليهم ,, او احد يقولي ياحراام ,, تعبت من اللمز والهمز بس ربكم رحيم بعباده ,,
الله يفرحكم وينولكم مرااادكم ويرزقكم الذريه عاجلا غير اجلا يابنات رمضان جاااي ,, استغلوه وادعو ربي ينولكم مرادكم ,, وادعو لختكم غلا ربي يرزقها اخ او اخت لبنتها في القريب العاجل ,,
GHALA404 @ghala404
عضوة نشيطة
يلزم عليك تسجيل الدخول أولًا لكتابة تعليق.
GHALA404
•
اي سؤال ياحلوات او اي شي انا بالخدمه ,,
رورو11
•
سبحان الله
الله يخليها لك ويعووضك يارب بالي فقدتيه
الله يرزقنا من واسع فضله
ربي لا تذرنا فرد وانت خير الوارثين
الله يخليها لك ويعووضك يارب بالي فقدتيه
الله يرزقنا من واسع فضله
ربي لا تذرنا فرد وانت خير الوارثين
ماشاء الله
الله يخليها لك ويعووضك يارب بالي فقدتيه
ويرزق بنتك باخ او اخت
وربنا سبحان كررررررررررررررررررررررريم
الله يخليها لك ويعووضك يارب بالي فقدتيه
ويرزق بنتك باخ او اخت
وربنا سبحان كررررررررررررررررررررررريم
الصفحة الأخيرة