وليه ماعزمتوني!ليه

ابي ابطل تشره على خلق الله
ليه ماعزمتوني
ليه ماجيتوني
ليه ماسالتوا عني
ليه ماباركتولي

لو وحدة من زميلاتي سالت زميله ثانيه وخاصةً لو اني ماحبها ياويلي اموت
وازعل على زميلتي من كل قلبي
ليه تسالها وماتسالني ليه عطتها شوكلاتة وماعطتني>> موحبا بالشكولاته ولاجوع بس كذا احس بقهر

اختي تعزم اختي ازعل
امي تهدي اختي وماعمرها اهدتني ازعل


طيب ليه ليه ليه
اصلا محد جاب خبري ولا درى عني ولا عن زعلي
طول عمري منكدة على حالي

والسبب التشره

دايما انتظر من الناس هدايا وينكسر قلبي لو ماهدوني

طيب ليه كذا هو غباء ولا هبال ولا وش

تكفون ابي حل والله تعبت 😖

تعبت من الانتظار 
انتظار مانية العالم واهتمامهم 
الاهتمام مايطلب
والهدايا ماتطلب
خلاص يا انا اهتمي بنفسك ودلعي نفسك وانسيهم انسي الناس
انسي امك وخواتك لو استمريت كذا بخسرهم لان قلبي امتلى
عليهم والله امتلى وخاصة على امي
اللي احسها فهمت نقطة ضعفي وتستفزني
ايام اختباراتنا تمسك ولد اختي وانا تترك بنتي 
رغم ان اختي عندها شغاله وانا لا

وتتعمد تتصل علي وتبلغني ليه عجزت افهم! 
ماسكة فلان عشان امه تذاكر وانا بحريقه

الحمدالله مومحتاجه احد بس حزة بقلبي

موقف ثاني تجي تسوي انها تشاورني وش رايك وش اهدي اختك
ذهب ولاجوال( مناسبة اختي مثل مناسبتي كلنا ناجحين على فكرة)
 تقول ذهب عندها ذهب كثير جوال عندها احسن جوال وش رايك 
وش اجيب لها 💔

ابغى ابطل هالعادة ابي ماازعل نفسي عشان احد

ابي يكون عااااادي عندي اللي يهدي واللي يعزم مابي قلبي ينكسر
كل شوي

ساعات ودي اضرب راسي بالجدار يمكن يتعدل مخي وارتاح
او افقد الذاكرة وارتاح😵
والله اني مثل الشايب اللي انتشر له فيديو

وليــــــــه ماعزمتوني 😂😂