ولييه اتنازل انا بعد ماشفت الويل

قاعدين يردون الدين له
هذا ابوي لي ظلمني وظلم امي وتزوج عليها وحدة بنت شوارع مالها اصل متربية على الكراهية والقسوة
طبعا قلت بمواضيعي السابقة اني عشت انواع الظلم والاهانات والعذاب من زوجة ابوي وبناتها ومنه كمان
ماعلينا من هذا الحين
الحين هذا الشايب كبر وصار معاه ضغط وسكر وسكره قاعد يأكله اكل
عدا عن ضعف المردود المادي له اخر فترة ماعنده الا راتب تقاعد وكان عنده عمارة باعها عشان ديون ابنه بالاسهم لي للحين ما انتهت وهي لي بهذلتهم
وهذا نتيجة ظلمهم لي
واسأل الله ان ارى المزيد فيهم حتى يبرد قلبي اكثر واكثر
(بالاصل البيت لي ساكنه هو وعياله وحرمته هو من فلوس امي الله يرحمها لانه ضحك عليها وبيعها الدهب حقها على اساس يبني لنا بيت وبالاخر طلقها وقالها مالك عندي شي جيبي اثبات ان لك شي عندي )
قبل كم يوم زارتني بنت عمي وقعدت تقط كلام عن ابوي
انه بناته وحرمته الحين ينافخون عليه عشان السكر
ادوية وعلاجات ومستشفى يعني صاير مثل العالة عليهم مامنه فايدة بس ياكلون براتبه اخر الشهر
هو يمشي ويطلع بس السكر مسوي شغله لازمه رعاية ومتابعة ل ادويته وعلاجه لانه اخر فترة مدري وش بلاه كان بيدخل بغيبوبة
وقطت كلام لي اني انا ابره واعتني فيه وازوره واجبله ادويته
طيب ليييه انا يعني !!
اول حاجة ماقدر اروح لهم زوجي حالف علي قبل شهور ما اروح وفعلا قطعتهم نهائي عشان رضا زوجي
(زوجي قبل رمضان كنت عندهم زيارة وجا ابن ابوي لي ب اول ثانوي ضرب ابني بقوة بالشارع وكان زوجي قاعد بسيارته وجا ابوي بدال مايحتوي الموقف حط عقله ب عقل ابني ابو ١١ سنة وسبه وعزره ونزل زوجي من السيارة ويوم الذليل شاف زوجي قعد يرقص من الفرحة وذاك ماقصر فيه انواع الشتائم والبهادل قدام خلق الله ومن يومها حلف طلاق ما ازور لهم بيت)
ثاني شي ليه ابر فيه يعني وليه الحين بعد ماضعف اجي انا اعتني فيه
ماشفت منه يوم حلو مستحيل بحياتي ماسمعت كلمة حلوة منه
طول عمري اهانات وضرب وانواع عذاب وعلاجات نفسية عند حرمته وعياله وهو واقف يشوفني ويعزز معهم
مايناديني الا ياكلبة وياحيوانة وكان يمنعني اكل معهم على طاولة الاكل ويضربني بتحريض منها ويتهمني بشرفي ويقولي انتي بنت زنا
يقولي اكلي بالمطبخ انتي عمتك تقول خليها بالمطبخ تاكل وتكمل شغلها على طول
وغيره كثير مواقف للحين اتذكرها كل يوم لازم اتذكر موقف لي عندهم واعض اصابعي وامسك شعري من الغيظ وابني يشوفني كذا وينخرع لحد ما حماتي تجبلي حبوب مهدئة لاني صرت مريضة نفسيا كل ما اتذكر ذكرياتي الوسخة
وبعد كل هذا ليه ابره وليه اعتني فيه يعني يوم كبر يعني
لا تقولو بر وعقوق
الوحيدة لي تستاهل اني ابرها هي امي الله يرحمها لي حرمني منها وشتتنا وعذبنا عشان يرضي الشيطانة لي عنده
الحمدلله ان امي ماتت راضية عني وهذا اهم شي
مع العلم كانو بناته انواع الدلع والسوالف والضحك ومايناديهم الا يا اميرات وياملكات ويادلوعات والحين ينافخون عليه ويتأففون فيه
طيب الحين عرف قيمتي يعني
خلي دلوعاته وملكاته واميراته ينفعونه الحييين
خليه يطس معاهم والعاقبة للخنزيرة لي عنده