ولي يعافيكم أبي طريقة مضبوطة ولذيذة للايدام بالبامية والبطاطس؟

مشاءالله الحين اللي دخلو مايعرفون يسوون ايدام ؟

شوفي جيبي قدر الضغط وشوحي البصل الى ان يشقر كبي الدجاج وقلبي الى ان تنزل مويتها لاتكون النار عاليه مره قطعي لك طماطم اوأطحنيها الي يريحك ثم كبيها على الدجاج ومعجون الطماطم وشوي سكر ممكن ربع ملعقه صغيره وقلبي لحد مايتسبك ثم كبي خضارك وقفلي القدر وخليه على نار عاليه لحد مايصفر اذا صفر قصري عليه مرررره واحسبي 5 دقايق فقط خلاص خلصت الخمس فكيء القدر رشي عليه شوي بقدونس اوكزبره
وبالعافيه

هلا فيك يالغلا

اللي أعرفه واللي أنا أسوويه إن الباميه تنطبخ لوحدها ومستحيل أحط معاها أي نوووع

جربي طريقتي وماتندمي إن شاء الله

جيبي البصل وحمريه مع شوية زيت وكم حبه قرفه وهيل

بعدين تكونين محضره الدجاج ومقطعته مكعبات واحمسيه شووي مع البصل

لحد مايظهر زيته

حطي الماجي وبهاراتك وغالبا تكوون فلفل وكمون أنا أكتفي فيها

وحطي طماطم مطحونه لا تكثرين حتى ماتصير حاامضه معك

وخليهم شوووي لحد ماتتسبك مرقتك

أضيفي الباميه وقلبي شوووي
وحطي كاسه أو اكثر شوووي مويه على حسب حاجتك بس لا تكثرين لانها بسرعه بتستوي معتس

واتركيهم على نار هااديه وبالعافيه على قلبتس

أما البطاطس عندي لك طريقه ان شاء الله تعجبتس

قطعي البطاطس مربعات مع الجزر
وحطيهم مع بعض بصينيه
البصل قطعيه حلقات والفلفل الرووومي بعد

وحطي فووقهم الدجاج تكونين قطعتيه قبل مربعات صغيره ( انا استعمل صدور دجاج بس )
وبهريهم بكمووون وفلفل وماجي تكونين ذوبتيه بكاسه مويه حاره مع شووية معجون طماطم

وحطي هيل كم حبه وقرفه وشووي زيت
كلهم بالصينيه
اطحني طماطم وحطيها بعد

اذا شفتي المويه ناقصه زيدي شوووي مايخالف بس انتبهي تكثرين
اخلطيهم مع بعض وغطيهم بقصدير
ودخليهم الفرن
لحد ماتتسبك ممكن تآخذ معك أقل من ساعه إلا ربع إذا بقى فيها مرقه قليل طفي عليها
وشغلي من فووق شووي بس

هذي معتمده عندي بقووووه وكثير تعجبهم
واتمنى إنها تعجبتس بعد
وأي خدمه أنا حاضره

up

الباميا افضل تطبخينة لحالة لاته تسود بالايدام
اعطيك طريقتي وراح تدعين لي ..
قطعي الدجاج قطع صغيره ونظفية ولو كان معة عظم عادي
قطعي بصل وفصين ثوم بس اهرسيية زين
صبي بالقدر زيت وحطي البصل والثوم وقلبيهم زيين حوالي 10 دقايق وانتبهي
لايحترق لانه يطلع طعم الحرق بالايدام
بعدين حطي الدجاج وقلبيهم كلهم واظيفي الماجي وحركيهم زيين وبعده اظيفي
الطماطم المطحون والافضل انك تبشرينة وقلبيهم مع بعض
بعدين صبي الماء واظيفي الجزر والبطاطس وخليهم ساعة الاربع وكل مانقص
الماء زيدي ولكن بالربع ساعة الاخيره وقفي الماء علشان يطلع عنك الايدام ثقيل
واذا كنتوا من اللي يحبون الفلفل الاخضر قطعية حلقات واحطية بعد ماتطفين النار علشان
يعطيك ريحة جنااان لانه اذا طبخ يمرر شوي ..
وبمكانك تسوين نفس الطريقة وتحطينة بالفرن وغطية بقصدير ..
المقادير ماحدده على حسب الاشخاص ولكن اذا طلع ناقص ملحة حطي ماجي ..
ونسيت حطي شووي صلصل والطماطم لازم يكون احمررر علشان يعطيك لون وطعم احلى .