ام ميدو حبيب امه @am_mydo_hbyb_amh
عضوة نشيطة
ومازالت هالانسانه تدور المشاكل بس شوفو وش سويت اليوم
بسم الله الرحمن الرحيم نزلت موضوع قبل كذا عن شغاله البااص والمشاكل الي بيني وبينها وكل شوي جايه بمشكلة وابلعها عشان ماتحقد ع بنتي الترم الاول كنت ابخشش الشغاله عشان تاخذ بالها من بنتي وبالذات بنتي بصف اول وتوصلها للباص وكنت خايفه ع بنتي تضيع الباص والباصات كثيرة المهم سببت لي مشاكل تلقونها في ملفي وسمعت كلام بعض بنات حواء يقولون خلي بنتك تعتمد ع نفسها وعوديها المهم هذا الي سويته عشان مااحتك فيها مع ذلك ماتركتني من المواقف ان بنتي في الترم الاول فيه اجازة وكان آخر يوم عليها تقويم المهم انتضر الباص وماجت واكلمها تقول ماني جايه المدرسه مافيها احد قلت خلاص مافي مشكله يعني متى مابغت البنات يغيبون ماتمرهم وعادي عندها هي الي تقرر تجي مثلا بنتي تقول فلانه الي هي الشغاله تقول بكره غيبوا ماصدقت بنتي والبسها واجهزها وتأخرت دقيت عليها قالت مافيه اليوم واسكت قلت يالله أخر يوم مااهي مشكله واليوم تأخرت ماجت دايم تجي 6 و22 دقيقه ودقت علي 6 و27 قلت الحمد لله جت وانا أركض انا وبنتي ع الدرج ناازلين تحت ادور الباص مالقيته قلت يمكن اني استعجلت وانتضر 5 دقايق وادق عليها قالت خلاص انا روح قلت انتي ماجيتي قالت انا جيت دقيت عليك قلت انا نزلت بسرعه ومالقيتك قلت ارجعي قالت مافيه وتسكر السماعه طلعت وقومت زوجي قلت زودتها تشوفني ساكته وتمادت والله مااسكت عنها هالمره قوم ود بنتي ورحت معها للمدرسه ودخلت ع المديره وقلت متعشمه فيك خير وجايه لشكوى قالت تفضلي وقلت لها السالفه قالت لا تسكتين وقلت لها انا ماانكر اني ابخششها ولما وقفت عنها تمادت وتبي تلفت الانتباه وانا ابروح للاداره المبنى الرئيسي قالت روحي والمفروض ماتبخششينها قلت بنتي معوره قلبي يوم كانت بالروضه ضيعت باصها وتعقدت وصارت تخاف وابغاها مع بنتي الا ماتعرف رقم الباص وتعرفه قالت صادقه ماقصرت دقت ع الاداره الرئيسيه وخلتني اكلم المسؤول واخذ اسم بنتي ورقم الباص وقال ابكلم السواق والمديره قالت لي ابكلم الشغاله وقلت هي تبي تقول دقيت وهي اصلا مامرت لو فعلا حريصه ع انها تاخذ بنتي كان دقت وهي عند البيت الي قبل بيت بنتي عشان اذا جا دور بنتي وانها نازله قالت خلاص ابقولها المهم طلعت وقلت لزوجي ابروح للمبنى الرئيسي الاداره قال كله رجال ومارحت ورجعت للبيت وربي ان الدم يغلي بعروقي وانا الحين انتظر ان ماتعدلت راح اشكيها للمبنى الرئيسي وان مانفع سحبت بنتي من المدرسه الله يخليكم يابنات حواء ادعو لبنتي ان الله يحفظها ويرد كيد الشغاله وتدبيرها يصير تدمير عليها والله اني خايفه ع بنتي من حقد هالشغاله الاندنوسيه تخيلو مره بنتي وهي راكبه الباص مدت رجلها فجأه تبي بنتي تطيح بس سلم ربي يارب تبرد قلبي وتنتقم من هالشغاله لأنه فعلا اتق شر من احسنت اليه وش رايكم في تصرفي وهل انا تسرعت لما شكيت عليها لأني صبرت لما فيه الكفايه (اتق شر الحليم اذا غضب )ووش تنصحوني فيه يأحلى بنات حواء في الدنيا
40
5K
يلزم عليك تسجيل الدخول أولًا لكتابة تعليق.
تصرف سليييم مئة بالمئة انك اشتكيت عليها لكن بخشيش مرررررررة ماتنفع مع هاذي الأشكال ربي يحفظك ويحفظ بنتك يااااااااااااارب نصيحة : أستودعيها الله وهي خارجة. ربي يوفقكتصرف سليييم مئة بالمئة انك اشتكيت عليها لكن بخشيش مرررررررة ماتنفع مع هاذي الأشكال ربي يحفظك...
عطرت موضوعي بمرورك يالغلا خلاص ماراح ابخششها ويجزاك الف خير ع الدعوة والنصايح عسى ربي يسعدك آمين وان شاء الله راح استودعها ربي والله خير حافظ وهو ارحم الراحمين
الله يعينك ويحل مشكلتك عاجلا ذكرتيني يومي صغيره كان يجينا باص محمل من مدرسه ثانيه بنات ومجرد مانركب يصفقونا وننزل لبوتنا نصيح هههههههه وبسرعه فرقونا وحطولنا باص خاص وافتكينا حمدالله
سواء تعدلت او ما تعدلت هيا حاقدة حاقدة لاتخلي بنتك مكان انتقامها. من بكره غيري الباص نصيحة او غيري المدرسة كوووولها لكن ركوب مع هادي الادمية مافي
الصفحة الأخيرة
ربي يحفظك ويحفظ بنتك يااااااااااااارب
نصيحة : أستودعيها الله وهي خارجة.
ربي يوفقك