بنات من فضلكم ..أبغى اسوي حملة بحث عن أفضل أساس للسهرات وابغى اشوف مشاركاتكم.. بس بشرط..اي وحدة بتشارك تحدد نوع بشرتها ولونها عشان يكون للمشاركة فائدة متبادلة بيننا
وانا ببدأ بتجاربي مع بعض منها في الفترة الأخيرة..ولوني حنطي وبشرتي عادية لادهنية ولاشديدة الجفاف ولله الحمد..
(1)
أساس جيفنشي
ما ارتحت له كثير ..واحسه يبهت الوجه..مع العلم ان أمي تستخدمه وهي حنطية برضو لكن بشرتها دهنية ويطلع يجنن عليها في المناسبات والكل يسألها عن أساسها ماشاء الله..
(2)
اساس ايف سان لوران
كان مناسبني فترة..اذكر انه كان اساسي أيام زواجي الاولى..وكان ممتاز وكل ما احطه يقولوا لي بشرتك موردة..بس بعد فترة صار باهت علي ويطلعني بشكل مصطنع.. مدري بشرتي تغيرت ولا تركيبة الاساس اللي تغيرت!!وبطلته..
وهذه بودرة مضغوطة من سان لوران نفس لون العلبه اسود مو ذهبي..ممتازة وتغطيتها ناعمة وخفيفة حتى احيانا استخدمها لحالها فوق كريم مرطب تطلع تجنن وشاريتها اكثر من مرة..
(3)
أساس فور ايفر(حبيب قلبي الوفي)..
هذا الأساس لو اكتب شعر فيه ما اوفيه حقه..بس مشكلته انه مو للسهرات للأيام العادية لأنه ناعم..وما يناسب مكياج السهرات غالبا..
والحين مفكرة اشتري ديفينورا من جيرلان ..لأني شفت كثير يمدحونه بس تساؤلي..هل ينفع للسهرات ولا زي فور ايفر؟؟
هذه هوللي ماتعرفه..
واذا عندكم احسن منه شوروا علي..
يللا همتكم..
أنا بستخدم شانيل وحلو مررررررررررررررة