انا الحمد لله ماحب اتشمت باعاقه بخلقه الله او عيوب خلقيه
لكن الشي الوحيد اللي كنت انقده داااااايم على قريباتي انهم ليش يزوجو بناتهم صغار وعند اي واحد. وهاتي ياتعليقااااااات. وياقوي قلبها وليش العجله وانا مستحيل اسوي كذا:talker:
كانو بسن بناتي او اصغر وبناتي باول ثاني جامعه ...
والان بنتي تخرجت العام واختها هذا اخر تيرم ...وسبحان الله مكانك سر ...وسبحان الله يتقدم لبنتي المتعلمين ذو المناصب ويشردون منا ... بناتي اخلاق وتعليم ونسب وابوهم مركزه ماشاء الله مرموق .. لكن كل شي بإرادة الله
او يتقدم ناس يامايصلحون لنا يصير مثلا مدخن او مايناسبنا ونرفضه.. والان عرفت انه دع الخلق للخالق هذا اهم شي ولسانك حصانك .. واستغفر الله كثير ليعفو عني ..
سبحان الله قليل مااتشمت ولله الحمد ولااازكي نفسي بس موضوع زواج البنات كنت شايفه حالي مهتمه ومدلعه بناتي.

اللهم لا تجعلنا من الشامتين..

والله هذا الشي صار بس والله ماكنت اقصد اتشمت فيها بس اوصفها قالو فلأنه حلوه هي صحبتي من الحي قلت عاديه وفيها نقط بنيه والله العظييييم جاءتني النقط بعد فتره وكل ماششفتها أدعيلها يشهد ربي مااتشمت بس وصف والله يحفظ ألسنتنا ويكفينا شر انفسنا 

فيه وحدة دائماً تقلل من قيمة الكلية اللي دخلوها عيال جيرانهم وان مالها مستقبل وتمدح كليها ناوية تدخل اولادها فيها وسبحان الله دارت الايام وتخرجوا اولادها ولا انقبلوا في كل الكليات وحفت وجابت واصطات ويادوب انقبلوا في نفس الكلية اللي كانت تسبها وبعد سنه تأخير ويوم انقبلوا بغت تطير من الفرحة
وبعدين افتكرت تقليلها من قيمة هالكلية وقالت هذي حوبتي ربي يغفر لها ويتوب علينا وعليها ويكفينا شر الشماته واهلها.

يابنات انا محروق قلبي تخيلو انا جاني اكتئاب بعد الولاده وصرت بس ابكي من اي شي فالدكتور وصفلي حبوب مهدئه تخيلو يابنات اهل زوجي يشمتو فيا يقولولي المجنونه الي تاخد حبوب يارب توريني فيهم عظايم قدرتك حسبي الله ونعم الوكيل