بسم الله الرحمن الرحيم
هذا اول موضوع لي بهذا المنتدى العزيز على قلبي
طيب نبدأ بالموضوع ونفصل وان شاءالله يعجبكم والاقي تفاعل
قال الله تعالي : " وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ.. "
الله سبحانه وتعانه يقسم الارزاق بين البشررر .. فمنهم غني وفقير .. ومنهم معافى ومريض ومنهم سعيد وحزين ..
ومنهم من كتب له الذرية ومنهم من حرم .. ومنهم من كتب له الولد ومنهم من كتب له البنت :27:
وهذا هو موضوعي .. ياليت يكون عندي ولد يكون سند لي ولأخواته ..
شفت بالسوناار بنت وضاق صدري حسيت الدنيا تقفلت بوجهي ..
زوجيييييييي يموووت ويجييه ولد .. واهل زوجييييي بس يدقوون بالكلام عشان ماعندي ولد ..
الرجال مايشبعوون من الاولاد عندي ولد ويبي ثااني ..
عندي 7 بنات وماعندي ولد تخيلوااااا ميين بكون سند لهم لو كبروا مين بييجيبلهم ويوديهم ..
الولد ضروري بالعاائله ويكفي ان الله فضل الرجال عن النساء بالقران وان اكثر الانبياء دعا بالذكر وليس الانثى :eek:..
الرجال مره يحبوون العيااال ..
ام زوجي تقوول ويين الولد ..
الناس يقولون ياعمري ماعندها ولد ..
واللي تقول بالفطره الناس تميل للولد !!
واللي جايبه عياال نقوولها حصني نفسك من العيين !!
واللي عندها عيال وتبغى بنت ماتبغاها الا عشانها خاايفه من العيين خخخخ !!
سلفااتي جابوا الولد وانا ماجبته .. !!
الله يعيينك على البنااااااااااااااااااات هـــــــــــــــــــــــــم !!!!!! ..
و... و....
ماتلاحظوون اننا كبرنا السالفة ونسيناا ان ربي اللي يقدر ويكتب !! (( يعني ربي مارزقك ببنت أو ولد الا عارف بمصلحتك ووش الخيره لكم وممكن يبتليك بالاولاد او البنات يكونون عاقين أو أي شي .. يعني ربي أدرى بالخيييييييييييييييييييييييير منك انتي ونفسك وزوجك وأهل زوجك.. ربي مو مضيع بنااتك اذا كبروا ومو مضيعك انت يالابو اللي بتدخل المجلس من غير ولد يكون لك عزوه وسند و..... )) ===> هذه النقطه لازم نخليها دايما في بالنا
ماتلاحظوون ان نشيل هم المجتمع وكلام الناس وانك ام بنات ولا ام اولاد ونسينا ان ربي هو اللي قدر هذا الشي غصبن عني انا والمجتمع !!!
طيب اقولكم مثال : الحين لو وحده عزيزه على قلبك جابتلك هديه وانتي نفسك بهديه ثانيه بتعترضين وتقوليين بوجهها والله كان نفسي بالثانيه ... !! فما بالك ربي اللي انعم علينا كل هالنعم نعترض عليه بايش !!!!!!! ببنت سليمة معافى توسع صدورنا وش زينها ههههه :27:
طيب نجي الحين لنقطه .. بالنسبة لامك وابوك او اهلك او ام زوجك وابو زوجك او اهل زوجك
مين بيربي هذا البـــــــيبي ومين امه وابوووه انتي وزوجك ولا هم !!!!! طبعا انتم طيب هم وش دخلهم تجيبين ولد ولا بنت هم بيتعبوون بشي ولا بيتسألون يوم القيامة عنهم !!!
وبالنسبة للناس اللي يرحمون اللي عنددها بنات ويقولوون ياحووول ماعنندك عيااال
ليش مانسكتهم بهذه الكلامات اللطيفه :
الحمدلله ربي اللي جابهم مو انا وربي ادرى بالخير لنا وربي مايضيع أحــــــــــد ..
طيب نجي للي يقولون سبحان الله سبحان الله النفس تميل للولد اكثر وفرحتها بالولد اكثر كذا بالفطرره ههههه !!!
سبحان الله سبحان الله النفس اللي تميل ولا المجتمع وكلام النااس اللي خلو الولد معجــــــــــــــــزه !! فنفسك صارت تميل !!!
ولا تقوليين ان عندك ولد ترى النااس ماترحم تصكك عيييييييين !! مدري يمكن الولد بيدخلني الجنة ولا بيجلسني على كرسي الراحة وبيهف علي بمروحة وماتعب بتربيته !! قولوولي يمكن ماادري ههههه
فااصل خارج شوي عن الموضوع بس لاحظته بالمنتدى كثير <<<< ولاننسى ان الرجل هو المسؤول عن تحديد الجنس بس مدري ليش نقول جابت ومانقوول جاب !! يعني مدري ليش نستسلم وتضييق صدورنا ونشيل هم الزوج وأهله وكيف أقوله وأقولهم !! كأننا نضغط زر ونختار ولد ولا بنت !! وسبحاان الله كله خير من ربي زي ماقلنا
نرجع للموضوع :
نجي للنقطه أخرى .. الجاهليه وماادراك مالجاهليه اللي كاتوا يعبدون الاوثان وو.. يأدون البنات .. واذا بشروا بالانثى وجوهم اسودت !!
طيب تعرفون مين الجاهليه !!! الجاهليه اللي مايعرفون الاسلاام طيب ماانلومهم اذا سووااا اكثر من كذا !!
ماابالك بالمسلميــــــن .. والله سبحانه وتعالى قال في كتابه : " للرجال نصيب مماكتسبوا ووللنساء نصيب مما اكتسبن .. " ولم يزد في حقوق الرجل والمراة بل سواها والحمــــــــدلله على نعمة الاسلام ..وذاك اليوم وحده بالمنتدى تقول الرجال فضلوااعن النسااء مرره ضاق صدري ان في ناس تفسر على كيفها :44: وسبحانه العدل اللي لم يفرق بين الرجل والمرأه ولم يعطي أجرا أكثر لمن ترزق بالولد ولمن تربي الولد !!
ونجي للنعمة الانجاب :
بأقولكم قصتين سمعتها من صديقتي وجارتي وفي اكثر منها بكثيرر بس بأقولكم اللي سمعتها بأذني :
القصة الاولى : جارتي تقول جلسنا انا وزوجي 10 سنين ماعندنا عيال وبعدها التجأت لربي ورزقني بأحلى بنت وبعدها رزقني بولدين ووقفت كذا من ربي .. تقول طبعا البنت عندنا انا وزوجي غير لاحد يقوووول فيها شيييييي .. والله لو الناااس تجرب الحرماااااااااااااااااااااااااااااان تتمنى اي شي لو ظفر بنت .. والله البنت نعــــــــــمة نعمــــــة نعمـــــــــة وابوهاا حاطهاا بعينه ولا يقاارنها بالاولاد ابدا من كثر حبه لها .. الله يخليهاا لهم ياارب ..
القصة الثانية : خالة صديقتي جلست 9 سنين ماحملت بسبب سحر .. المهم رقت نفسها والحمدلله انفك السحر .. ورزقها ربي ب4 بنات ورا بعض .. مااشاء الله تقوول كل الرجال يسألون زوجي وقالوا ويين الولد وكيف ماعندك ولد !!! يقول ماجربتوااا الحرماااااااااااااااااااااااااان والله ان بناااتي اغلــى شي بحياااااااااااااتي الله يخلييهم له .. تقوول يحبهم ويخاف عليهم مااشاء الله .. تقول مره كانت عندنا مناسبة بمكة وامهم تعبانه والبنات صغار يبيون يجوون المناسبة تقول قلنا لامهم خلاص نمرهم وناخذهم معنا .. قالت لا زوجي بيجيهم مكه ويرجع جده يحضر عرس لانه معزوم على عرس وبالليل يرجع مره ثانيه ياخذهم من مكه !!!!! في اب مااشاء الله يسوي ببناته كذاا !!
وحنا رجالنا بكل برود يقول ابي ولد ولازم ولد عشان يحمل الاسم وكأنه يتشرط على ربي سبحانه علا عن ذلك علو كبيرا !!!!!! لان زوجته حملت من اول شهر وماجرب الحرمان !! :44:
طيب لو نتخيل ان الرسول عليه الصلاه والسلام : رزق 10 بنااااااااات بيسوي اللي نسوييه
نسيناا معامتله لفاطمة واتمنى انكم تقرأون كيف كانت علاقته بفاطمة وهي غير كل أولاده وبناته عليه السلام مااقال بنت !!! ماقال ماحملت اسمي !! ماقال ماتفيد خواتها !! ماقال ماتستر على خواتها !! ماقال ماتصرف علي اذا كبرت !! ماقال اخاف ماتتزوج وتجلس عالة علي !! ما قال أخاف تتطلق وأصرف عليها من جديد !! ووو .. و..
وفي أولاد سبحان الله مايتوفقون بوظيفة او زواج ومانقول فيهم شي !!
وحديث الرسول عليه الصلاه والسلام : "من عال جارتين وأحسن تربيتهما كانا له سترا من النار ...!!" وياليت نفهم الحديث كلمة كلمه .. احنا وش نبي من الدنيا الا الستر من الناااااار ولا الدنيا راايحه والعيال والبنات رايحيييين :44:
تربية البنت بهذا الوقت : نكون صريحين ويمكن بعضكم يعترض على هذه النقطه ( وانا ما أعمم عن كل الأولاد ولا أعمم على كل البنات ) والله في أولاد يازينهم فيهم الخير والبركة لأهاليهم الله يحفظهم ويزييدهم ياارب !!
البنت تربيتها اسهل ليش !! يكفي انها قدام عينك وضعيفة حنوونة .. والأولاد اذا وصل للمرحلة المراهقة كبر وصاار رجال ويمكن يرفع صوته ويسوي يعنني انا الرجال ويطلع ويدخل وماتقدرين تمنعيينه .. ويستقوي على خواته .. وعاد المجتمع الجميل يشجع بحيث ان يدخل الولد البيت ويحط رجل على رجل والبنت تصبله القهوه وتغسل ثيابه وتطبخله وغيره وغيره :angry:حتى ماتسمع كلمة شكرا ليش !! عشانه ولد زي ما قلنا معجـــزه خخخخخخ طيب ويكبر هذا الولد ويفتح بيت جديد ويتزوج ولا يسأل عن امه اللي طفشوهاا النااس ليش ماجبتي ولد !! :icon33:
نجي للأبو الشباب :
لازم كل أم صالحة مسلمة تجلس معاه جلسه وتقوله عن كل الكلام اللي قلته !! لأن اعتراض الرجال ربما يكون اكثر من النساء بسبب المجتمع وكلام الناس الذي يأثر به بسرعه !!!! لازم تفهمييييييييييييينه وتفهمييييييين عياالك !! لازم ننشئ ونغرس في كل الناس حب البنت وانها اجمل نعمــــة وانها ممكن تكون سترا لنا من النااار وانها بتصير أم وبتربي الرجاال ونرفع من قدرهاااااااا التي رفع من قدرها الإسلام وجعل الجنة تحت أقدام الأمهاات .. وأمك ثم أمك ثم أمك ثم أباك .. كل وحده تبدأ من بيتهاا وبيتغير المجتمع بإذن الله
ولنجعل همنا الآخره ونحسن تربيتهم سواء بنات أو أولاد .. ولا نجعل همنا الدنيا ليكون عزوة وسند وغيره .. لأن الأخره هي دار القرار ( والاخره خير وأبقى )
أستقبل أي انتقاد وأي اعجاب خخخخخ
كتبته بيدي يالله اشكروووني :icon33:
مملوحة البكيرية @mmloh_albkyry
محررة فضية
"وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا .."
112
8K
يلزم عليك تسجيل الدخول أولًا لكتابة تعليق.
مملوحة البكيرية
•
اتمنى ترفعون الموضووووع
صدقتي والله لايضرك ماشاء الله على كتابة هالموضوع
وكل كلمة كتبتيها هي عين العقل والحكمة ...
لكن !!!! تحملي بتجيك وحده دااااااااااعسه وعقلها وتفكيرها لك عليه وبتهجم عليك هههههههههه
وكل كلمة كتبتيها هي عين العقل والحكمة ...
لكن !!!! تحملي بتجيك وحده دااااااااااعسه وعقلها وتفكيرها لك عليه وبتهجم عليك هههههههههه
نانا شيك
•
فديت البنات االله يخليهم لي يارب
فيه احلى من البنات......... وا لله وجودهم نعمه
وافتخر واعتز ببفسي اذا قالو ام البنات
الله يبارك لي فيهم .........ويصلحهم ويستر عليهم دنيا واخره يارب
يشرفني اختي الغاليه اني رديت على موضوعك الاكثر من رااااااااااائع
ماني عارفه وش الفرق اصلا بين البنت والولد
والله الصلاح من ربي..........ياما من اولاد كانو نقمه على اهلهم بدل ما يكون نعمه
وياما من بنت رفعت راس ابوها وامها واخوانها.........بحسن اخلاقها وتربيتها
فيه احلى من البنات......... وا لله وجودهم نعمه
وافتخر واعتز ببفسي اذا قالو ام البنات
الله يبارك لي فيهم .........ويصلحهم ويستر عليهم دنيا واخره يارب
يشرفني اختي الغاليه اني رديت على موضوعك الاكثر من رااااااااااائع
ماني عارفه وش الفرق اصلا بين البنت والولد
والله الصلاح من ربي..........ياما من اولاد كانو نقمه على اهلهم بدل ما يكون نعمه
وياما من بنت رفعت راس ابوها وامها واخوانها.........بحسن اخلاقها وتربيتها
صح لسانك يالغاليه عالكلام الرائع وربي يسعدك دنيا واخرهصح لسانك يالغاليه عالكلام الرائع وربي يسعدك دنيا واخره
الله يعطيييييييييييك العااافيه أسعدني ردددددك
هههههههه ايه مستعدة :27:
الله يسعددك يااشيييييييخه ويخلييييييلك بنوتاااااااااااااتك :39:
من جد والله صاادقة .. شاكرة لك مرووورك حبيبتي
ويسعددددددك يااااارب
شااكره لك المروووور
هههههههه ايه مستعدة :27:
الله يسعددك يااشيييييييخه ويخلييييييلك بنوتاااااااااااااتك :39:
من جد والله صاادقة .. شاكرة لك مرووورك حبيبتي
ويسعددددددك يااااارب
شااكره لك المروووور
الصفحة الأخيرة