ازيكم يابنات انا شيمولاتا لو كنتم فاكرينى كنت دايما بتكلم مع مميزات قبل ماتحمل ونحكى اعرفكم بنفسى متجوزة من سنتين ومحصلش حمل ولا مرة وعندى تكيس مبايض وكان فيه هرمون الحليب واتعالجت منه لكن التكيس لسه لحد مازهقت وسيبت كل العلاج والأدوية من رمضان ولسه مخدتش خطوة جديدة انا فى الغربة ومستنيه اما ارجع مصر احسنلى لو تعرفو حاجه جديدة عن التكيس قولولى تكسبو فيا ثواب وحشتنى مصر ووحشتونى كلكم
ازيكم يابنات انا شيمولاتا لو كنتم فاكرينى كنت دايما بتكلم مع مميزات قبل ماتحمل ونحكى اعرفكم بنفسى...
ازيكم يا جماعه وحشتونى اوى والله .. وقبل ما امسى عليكم نفر نفر زى ماحنا متعودين انا بعتذر عن غيابى بس كان غصب عنى لظروف طارئه .. سامحونى كلكم كان نفسى طبعا اكون معاكم فى افتتاح جزئنا التانى لموضوعنا :27:..
نيجى للبنات .. المرة دى هفتتح بنيفو مش هختم بيها زى العاده وطبعا ده لانها فاجأتنى بإفتتاحيتها الهايله للموضوع .. عارفه يا نيفو انا قريتها اكتر من مرة والله مريحه جدااا وكلامها جميل ربنا يبارك فيكى يا قمر.. بجد بجد يا جماعه نيفو عرفت ازاى تختار اسم فيه امل وتفاؤل وكمان عرفت ازاى تكتب بدايه جميله للموضوع .. بدايه اكتر من رائـــعه وفعلا مكانش فى اى حد فينا(مع احترامى لكل الكفاءات اللى فى الموضوع) ممكن يبتدى الموضوع بشكل افضل من نيفو .. انا كل يوم بكتشف فيكى مواهب يا نيفو بتبهرنى ياريت تنفضى التراب شويه وتلمعى الجوهره اللى جواكى علشان الناس تشوفك اكتر وتتعلم منك يا حبيبتى .. وكويس انك جمعتى اسماء وعناوين الدكاترة لان دى اكتر حاجه الناس بتدخل تسأل عليها فى موضوعنا ويارب الموضوع ما يبقاش ومضه امل بس لا ده يبقى شعله او حتى بوتاجاز امل ... اه نسيت اقللك حاجه .. بالنسبه للكشررى اعملى حسابى فى اتنين واتوصى :cook: .. وابعتيهم دليفرى على المسنجر ..
اشتقت اليك .. ابله شوشو عامله ايه يا حبيبتى والاستاذ انس عامل ايه ؟؟ وحشتونى والله بجد .. اخبار البورصه ايه يارب تكون فى السما ومزاجك رايق وبصراحه انتى شدتينى اوى للموضوع ده وخليتينى عايزة اتعلم وافهم البورصه انا حتى فكرت انك تدينا دروس اونلاين عن البورصه على الاقل لما نفهمها هنساعدك :o ونبقى على مستوى واحد من الوعى البورصجى :hahaha: حلوة البورصجى دى ..
كوكررر .. يارب تكونى بخير يا حبيبتى انا مش هقللك وحشتينى والكلام ده اكيد انتى حاسه انك سايبه فراغ فى الموضوع .. ربنا يردك الينا ردا جميلا .. بس لما ترجعى الكويت
طمااااااااااااااااااطم .... اقللك على حاجه ؟؟؟ ..... انتى خليفه نيفو فى الملاعب هزارك وكلامك وضحكك فيه خفه دم بحبها وبعشقها والله :33: .. يارب يا طماطم الهانم مش توريكى وشها وتتكسف على دمها حبه وتغيب عنك تسع شهور كاملين وانا فى انتظار انك تقولى لنا خبر حلو بس انتى سيبيها على الله وربنا يقدر الخير .. وعلى فكرة مفيش حد اسمه رمال تانى فى المنتدى احنا هنهزر بقه ولا ايه .. محدش اصلا يقدر يقرب ناحيه ولا رملايه من رمال .. دى ماركه مسجله يا بنتى اسالى عليا شط اسكندريه والساحل الشمالى وسمك البحر الاحمر :2thmup:
امه الله هبه .. ازيك يا هوبى عامله ايه ؟؟ على فكرة انا ماليش اى فضل ولا مجهود فى بدايه الموضوع احقاقا للحق يعنى دى نيفو هى اللى كتبتها كلها وانا مش كنت موجود اساسا ولا كنت موجوده اونلاين فى التايم ده يعنى كنت متاخده غياب رسمى :D ولا فخر ... بالنسبه للعربيه يا حبيبتى انا بقول تقلبوها حصاله احسن :hahaha: معلش اصل عربيتنا زى عربيتكوا تمام وياما حطتنا فى مواقف مش ولابد خالص وياما ولعت بينا على الطريق الزراعى :07: يوووة خلينى ساكت احسن ..
مسلمــــه وحشتينا جدااا جدااا جدااا .. ياترى اخبارك ايه دلوقتى واخبار العمليه ايه .. احنا كلنا بندعيلك ربنا يكرمك ويجعل تعبك كله بفايدة ويارب يارب يكرمك ويرزقك الذريه الصالحه ..
ذا هابى مازر .... اخبارك ايه يا حبيبتى واخبار الجو عندكوا عامل ازاى .. يارب يكرمك بالذريه الصالحه ويحفظك من كل سؤ ويرجعك مصر وانتى معاكى ابنك او بنتك وتكونى فى احسن حال يارب
الفقيرة الى الله د .... مشاركتك بجد تعبر عن مجهود كبير ربنا يجعله فى ميزانك يا حبيبتى يوم القيامه وبجد انتى شرفتينا بالمشاركه دى بس ياريت ما تكونش اخر مشاركه ليكى لاحسن انا ارتحت لك جدا مش عارفه ليه .. اكيد علشان انتى بنت حلال ربنا يكرمك ويرزقك الذريه الصالحه ... بالنسبه لسؤالك يا حبيبتى اتمنى ان نيفو تكون فادتتك وانا للاسف ما عنديش اى علم بالموضوع لان معظم الناس اللى بتسأل عن التكاليف بيكون الرد عليهم انه على حسب حالتهم و على حسب الفحوصات اللى هتتعمل هتبقى التكلفه لان كل حاله بتختلف عن التانيه على ما اعتقد .. عموما يا حبيبتى ربنا يوفقك ويصلح حالك ..
ام يمنــى .. انتى تهتى ولا ايه .؟؟ شكلك وقعتى فى الخرم اللى كلنا بنقع فيه .. عايزين نسد الخرم ده بقه يا شباب قبل ما يبلع باقى البنات
سمسمه .. ازيك يا حبيبتى عامله ايه ؟؟ مش تدخلى تنورى الجزء التانى بتاعنا ؟؟؟ وسيبك من حكاوى الدكاترة دى شويه فكك منها غيرى المود بتاعك وتعالى لنا مستنيينك :kiss2:
يارب بقه الموضوع يرجع يجمع كل البنات اللى كانوا معانا تانى ومش يهربوا منه ابداااااااااااا .. هيميش وملكه الصعيد وغادة وبيرو وهدير وكل البنات يارب وعموما لو مش ناويين يرجعوا لنا تانى ربنا يكرمهم ويوفقهم ويرزقهم جميعا الذريه الصالحه .. اشوفكوا على خير يا حبيباتى ... سلام