عزيزتى مانولا...كويس يا حبيبتى اننا اطمنا عليكى....و ازي شهد عاملة ايه....بالنسبة للدوا يا حبيبتى ربنا يفيدك بخيره و يكفيكى شره...أما الأعراض فمعلش استحملى شويه...و غالبا مع الاستمرار عليه لفترة هتزول الآثار الجانبية المزعجة.....

و مشكورة يا حبيبتى على التوضيح....ان السيدوفاج لا ييوقف حتى بعد حدوث الحمل....يبقى ده بيؤكد كلام رمال....عموما يا جماعة انا لسه قلقانة من النقطة ديه بالرغم من ان لسه بدري عليها...لكن نكمل معلوماتنا علشان نتحسبلها.....واللى عندها مصدر مؤكد ووافى يا ريت تفيدنا بيه....

وسلامى لكم جميعا

رمال.......... شكل فستك مفستكك خالص
يعنى يا رمال اختك راحت العيادة مش المركز يعنى محدش بيروح المركز الا لو ناوى اكيد على عملية و لا ممكن نكشف و نتكلم كده يعنى

ما تقلقيش يا اشتقت اليك ........... موضوع تبطلى السيدوفاج بعد الحمل او لا دا مدارس فى ناس بتفضل تستمر عليه علشان الجنين يثبت شوية و فى ناس لا , و فى الغالب مافيش منه ضرر على البيبى , و ربنا يكرم و صباحك زى الفل

دودو الله يسلمك و يشفيكى يا قمر من الحساسية

تصدقوا باخذ بخاخة فجاة الشركة وقفت انتاجها متهى الاستهتار بالمرضى و البخاخة كل الدكاترة كانوا بيكتبوها لانه مفعولها 12 ساعة مفعول طويل

و عرفت اجيبها من السعودية مرة و بعدين خلصت فجاة و دايخة عليها لقيتها بالكويت بس قريبتى خلاص نازلة و مش هلاقى حد يجيبها لى :(

فاطمة الله يبارك لك يارب على الدعوة الحلوة

رمال جزاك الله خيرا على الدعوات و على الرد بخصوص د حسام الله يبارك لك
nevoo
جزاك الله خيرا و ربنا يعطيك الحمل السليم المعافى



عاوزة اقول لكم على قصة صديقة لى كان عندها ضعف تبويض و اتعالجت و اخذت طبعا منشطات و هى قعدت سنتين بدون حمل كمان زوجها ما عندوش اخوات وحيد والده و والدته و تعدى الاربعين و خذت لها كم كلمة حلوين من حماتها حتى كانت بتديها تعليمات علشان يحصل حمل :)

و بعدين اكرمها لله ب 3 توائم
بعد كده نزل اول واحد فى الشهر الاول و اتبقى اثنين و فجاة بالشهر السادس حدث تشوه لواحد منهم و بعد كده نزل و اتكرر الموضوع بالشهر السابع للجنين الاخير
و قعدت سنة بعد اسقاط الاجنه دول بدون حمل ثم اكرمها الله تعالى بطفل و الحمد لله جاء للدنيا بالسلامة ما شا الله

المهم كانت حمدت ربنا و قالت خلاص انا راضيه قوى بكرم الله معايا و لو ما انجبتش تانى برضه هكون مبسوطة لانها على حسب كلامها جبته بعد علاج طويل و بهدلة

و بعد كده بدون اى ادوية و لا اى مقدمات و لما كمل ابنها 11 شهر وجدت نفسها حامل و الله فرحت لها فرح لانى شفت معاناتها ان شاء الله ربنا ياجرها عليها

ربنا يشفيها يارب و بتاخذ ادوية حتى وهى حامل لعلاج الوسواس القهرى اللهم اشفها و اشفينى شفاء لا سقم بعده

انا قلت اقول لكم على قصتها لعلها تكون باب امل لكم

و الله الواحد اهم حاجه تكون صحته كويسه تخيلى لو تعبت تعب بسيط حتى بتحمدى ربنا على الصحة