أخواتى أمهات و بورصجية المستقبل....(أصلى من كتر حبى للبورصة هانقلكم العدوي)

بالرغم انى مغبتش عنكم كتير.....بس انتم و حشتونى أوي....طبعا ألف مبروك على الجزء الجديد و عقبال ما أباركلكم على الذرية الصالحة نفر نفر.....(عايزة أقولكم حاجة هتعجبكم أوي...كنت بادور على حاجة على النت فدخلت على منتدي و بالتحديد صفحة للمتأخرات فى الانجاب...المهم لقيت فى الآخر قائمة كبيرة بأمهات الباب ده..فأخدنى الفضول و رجعت للموضوع من أوله و لقيت ان ماشاء الله حوالى 80% من اللى كانوا داخلين الباب ده و هم متأخرات ربنا أكرمهم ..بجد حاجة جميلة لما كل كام صفحة كنتوا تلاقوا واحدة بتيجى تبشر الباقيين بحملها...ساعتها حسيت ان تجمعنا ده هيكون وشه حلو على كل اللى فيه و ان شاء الله كل كام صفحة نلاقى خبر حلو :icon28:لحد ما نلاقى الصفحة تكدست بالبيبهات...
:04:
المهم انا بقى ميحوشنيش عنكم الا الشديد القوي و المتمركز فى 4 محاور...
1- زوجى العزيز اللى بقى ييجى بدري من الشغل و طبعا أول ما يلاقى الكمبيوتر فاضى ييجى يلزق
2- أنس بيه كعب الغزال اللى واخد أجازة و طبعا تسليته الوحيدة هى الرزالة على أختكم
3- حبيبتى البورصة (سوق الكانتو) طبعا لما جيتلكوا كنت بعيد عن الملاعب بس رجعت من فترة ....و دلوقتى الوضع كله لبش يعنى لازم متابعة الجلسة و قراءة الأخبار السياسية و الاقتصادية و متابعة الاسواق بره و مذاكرة البيانات:09::3_3_103:. :rolleyes:..و طبعا ده بيحصل بعد ما أخوانا يناموا..:40:
4- كنت مشتركة فى منتدي تانى و عاملين دورة تعليمية ممتازة عن التغذية السليمة و علاقتها بالخصوبة...(عايزة افيدكم باللى فيها بس ياريت تقولولى هل مسموح أحط الرابط....و كمان هل لو حطيت املفات ده هيكون غير أخلاقى و لا لأ:confused-) المهم لازم مذاكرة و حل الأسئلة بعد كل درس...ولازم طبعا أبيض وشكم هناك :7_5_131:...أومال ايه

نيجى بقى للمهم....السلامات على حبايبنا....

أولا باشترك معاكم فى الترحيب بأختنا الفقيرة إلى الله بجد مجهود رائع تشكري عليه و يا ريت تنورينا دايما

و كمان أختنا شيمولاتا....واضح إنك عضوة قديمة فى الباب...(أصل أختك مستجدة...بس واضح ان الباب ده زي ميه النيل اللى يشرب منه لازم يرجعله) و اسمحيلى يا أختى أقولك اياك و الياس...وأول ماتحسى بلحظة يأس أو حزن اتوضى و صلى ركعتين لله و ادعيله و كونى موقنه ان لو فيكي ايه و ربنا رايد يديكى هيديكى مهما قالوا الدكاترة...و كل شئ بميعاد يا أختى...وانا معاكى فى ان الواحد ساعات بيزهق من الدكاترة و اللى بيقولوه...و معاكى انك تاخدي فترة هدنه...لكن هاقولك نصيحة أخوية...استغلى الهدنة ديه فى انك تجربى الحاجات الطبيعية...يعنى مثلا جربى الخلطة اللى كاتباها اختنا دكتوراة فى الحب للتكيسات (بتاعة العسل و غذاء الملكات و طلع النخل) أهى ان لم تفيد فلن تضر...
و كمان طبعا تشوفى أختنا نيفو هتقولك ايه وان شاء الله تفيدك....و أخيرا هاقولك حاجة بدأت أعملها و يا ريت كلنا نعملها و هى اننا نحسن نمط غذائنا و نستبدل ما هو مضر بكل ما هو مفيد...
و على سبيل المثال قرأت ان المواد اللى فيها صبغة البيتاكاروتين تساعد فى تحسين وظيفة الجسم الأصفر الذي ينتج هرمون البروجسترون ، كما ان هذه المادة تقلل من احتمال تشكل الكيسات المبيضية...وهذه المادة موجودة فى...الجزر و البسلة ابروكلى و السبانخ و البطاطا الحلوة

فباختصار يا أخوات نحاول نقلل من الحلويات و نستبدلها بالفواكه الطازجة أو البطاطا...و ناكل قليل من المكسرات يوميا...و نخلى السلطة طبق أساسى كل يوم ...و نكثر من الخضر ذات الأوراق الخضراء ...(وبلاش كشري يا نيفو انتى و فاطمة)

و بادعى لأختنا مسلمة انها ترجعلنا بالسلامة و معاها أحلى خبر...

و باسلم على هابى مازر كتيييييييييييييير و يا ريت تيجى ترغى شويه (شكلك اتأثرتى بالتناس اللى عندكو ا بتوع كلمة و أقطم) عايزة أعرفك أكتر يا قمر و ياريت انتى اللى تفتحيلنا موضوع النقاش الجديد ...ربنا يهون عليكى الغربة و يفرح قلبك قريبا يا حبيبتى...

و هوبه الجميلة ..وحشتينى يا قمر ....و ان شاء الله العربية متعملهاش تانى ....

أما طمطم و رمال فانتوا النواة اللى هاعمل بيها الفصل بتاع البورصة....و عايزة طبعا بعد ما أقلكم بحبكوا اوي انى اقول ان لو بجد عايزين تتعلموا المجال ده قولولى و انا ابعتلكم كتب و روابط تفتحلكم الباب لهذه السكة المهجورة :35:...
انا باتكلم جد و عايزة اقولكم ان المجال ده جماله فى انه كل ثانية بتحمل مفاجأة...بجد الجلسة 4 ساعات كل ثانية فيهم غير اللى قبلها...طبعا ده مسلى جدا بس برضه ضغط بشع على الأعصاب (طبعا أنا نحست من كتر البلاوي اللى شفتها و اللعب بالأعصاب اللى بيحصل على الشاشة).....و على فكرة أنا دخلت المجال ده فى الأول كتسلية لأنى كنت فى أجازة الوضع ساعتها وواحدة قريبتى أغرتنى انى اشوف المجال ده و أجربه...المهم مديت أجازتى ست شهور و اتعلمت شويه...و بعدها لقيت انى مش عايزة أسيب ابنى و هو صغير كده فى الحضانة و قلت ان انا أولى بتربيته خصوصا انى كنت بارجع من شغلى الساعة 6.....
المهم البورصة حققتلى المعادلة الصعبة ...انى اكون فى البيت باراعى ابنى...وفى نفس الوقت اتعلم شئ جديد و يكوم كل يو م فيه نشاط جديد ...غير انه برضه دخل (صحيح هو متغير...ساعات بالموجب و ساعات بالسالب بس المهم انه دخل فيه استقلالية و لو قليل هو مش مرتبط بالتزامات و لو كتير فهو هيساهم اكيد فى ادخال رفاهيات للأسرة)...بجد فكروا...بس الموضوع عايز مجهود من نار و على الأقل شغل 6 ساعات يوميا

و مسك الختام ...نيفو القمر...مجهودك لا يخفى على حد يا جميل....ربنا يباركلك و يوفقك....و على فكرة لو بطلتى كشري و قهوة هاجيبلك هدية حلوة أوي...بجد و حشتينى يا أختى...

ان شاء الله بكره هاجى اكتبلكم بعض المعلومات الجميلة اللى استفدتها من الدورة اللى قلتلكوا عليها و ان شاء الله تستفيدوا زي مانا استفدت و تكون فاتحة خير علينا....يلا آجى ألاقيكم جاهزين وواقفين طابور و كلكم همة و نشاط :nerd::icon810::7_5_127::2thmup::icon32::rolleyes::7_5_131:

حبيبتى اشتقت اليك فعلا بجد شكل المنتدى كان واحشك قوى عالعموم دايما يارب منورانا وانا الحمد لله مش فى يأس دلوقت لكن عندى حاله مستغرباها جدا انى مبقتش ادور زى الاول عالموضوع ده ولا على العلاجات معرفش ليه ياختى الصراحه خايفه اكون اتأقلمت عالوضع وبعدين الاسوأ انى بعد ماكنت وصلت للوزن المثالى ومشيت عالانظمة الغذائية الصحية رجعت تانى زاد وزنى 9 كيلو وكمان لغبطة فى الاكل بجد بجد مهمله انا بتكلم دلوقت وانا بشرب علبة بيبسى 355 مللى وكمان مش دايت ولسه واكله سندوتش سوسيس وكاتشب ومايونيز وامبارح اتغديت طبق مكرونه حوالى ربع كيلو لوحدى يعنى بصراحه انا لو مكانكم تربطونى ايد ورجل وتمدونى على رجليا مش عارفه ايه اللى انا بعمله ده لغبطت خالص فى الاكل والشرب ومحتاجه دفعه للأمام بس دفعه مش بعنف ياحبايبى اعذرونى بردو اما بقعد لوحدى فى البيت صديقتى المفضلة التلاجه دانا بفكر اجيبها اقعدها جنبى وانا عالكمبيوتر