طمطوم يا جميل...مش عارفة اقولك مجرد رؤية اسمك و كلامك العسل بيبعث السرور فى نفسى....ربنا يا حبيبتى يديم عليكى خفة دمك و يروق بالك على طول و يريح قلبك و يرزقك ببيبي زي العسل زيك كده....قولى آمين....و فوتى أي حاجة....ربع جنيه...ولا حتى ساندوتش للواد أنس....صباحك فل

يا خراشى عليكى يا اوشى يعنى بعد اللى طماطم بتعمله ده كله وبرده دمووع .. طيب اجبرى خاطرها شويه بكلمتين .. دى عماله تعمل لك اراجوزات وناقص تقلد لك فاتن الحلو والاسد .:o. بصى بلاش حماده هلال الله يكرمك اقلبى القناه شويه

شوشو يا حبيبتى انا كلى لانوستى انا عاملة حووشى هبعتلة واحد وابقى اقسمى معاة بقى ولا يلة اكلف نفسى وابعت اتنين لا تلاتة لا ابو انس بقى ابقى اديلة حتة

شفتى يا رمال يعنى البت دى اعملها اية تانى انا كنت نوية اعمل فاتن الحلو بس ملقتش الاسد قلولى بيلعب مع حد تانى

عاملين ايه يا حبيبى:
ربنا يتمم على خير يا كنزى و ارفعى الروح المعنوية و توكلى على الله ارحم الراحمين, و دعتلك امبارح ربنا يكرمك انت و هابى باذن الله
د.دينا ازيك , و اهلا بيكى بصى احنا اتفقنا مش حناقش كتير موضوع العلاجات ده علشان كل واحد متوكل على الله و واثق فى طبيبه(نص نص دى يعنى ) بهزر:p
اشتقت اليك بوسيلى انوس , طمطم بصى واضح ان كلنا مجتمعين على اننا بنحبك فى الله
مانولا انتى بتيجى متاخر بس ليه ؟؟؟؟؟؟؟؟؟؟؟؟؟
اوشى و انا خليتك للاخر يا جميل علشان اقولك بلاش اكتئاب ابوس ايدك (طبعا كلنا فاهمين) بس بطللى تعمللى اى حاجة تجبلك اكتئاب لو بتدورى على اسباب بطلى , لو بتشوفى حد بيجبلك اكتئاب بطليه (اكيد مش احنا) , لو بتسمعى كلام بيجيب اكتئاب بطلى ( بالنسبة لى كلام الدكاترة فى التلفزيون)
يعنى هدى نفسك خالص ............
تعرفو انا بطلت ادخل كتير ليه علشان النقاشات الخاصة بالعلاج انا بيجيلى وسواس, و بفكر و مبعرفش انام و شغلانة
ما علينا رمال انا قصدى صور السونار يا حلو لانى عارفة انو لسه شويتين على فستك, و ربنا يحميه