ومضة أمل(خبرات متبادلة حول مراكز العقم في مصر)ج 2 [تجاوز عدد الصفحات المسموح به]

دكتورة دينا....طبعا منورة و مشكورة يا حبيبتى على الافادة....و انتى مطولتيش و لا حاجة و انما كل معلومة بنعرفها و كل حالة مشابهة بنعرف عنها بتفيدنا أكثر.....و فعلا زي ما قرينا ان السيدوفاج بس الابحاث عليه غير كافية و بالتالى هى لم تثبت بعد ان كان مضر فى الحمل و لا هو مفيد....و طبعا انا متفقة معاكى ان الحاجة اللى فيها قلق من الأفضل نتعامل معاها بحذر أثناء الحمل...لكن بصراحة انا لسه هاسأل طبيبى على النقطة اللى انتى وضحتيها...هل لو فعلا فيه خطر من السيدوفاج او من وقفه فجأة ممكن ساعتها نستبدله بمتبتاث الحمل...ربنا يرزقنا جميعا

:time:

رمال بصراحه معاهم حق البنات يحبوكى ربنا يتم حملك على خير يارب وتقومى لينا بالسلامه والله ياحبيبتى انا عارفه الفر ق بين استخدامات السيدوفاج انا كل وجه نظرى ان فعلا مش كل اللى عندها تكيس الدكتور بينصحها تستمر عليه لان دى وجهه نظر وكل حاله لها حاله المهم انا ياستى كنت بعانى بعد الزواج من التهابات شديده جدا وعلشان انا الاول كنت بسمع كلام الدكاتره من غير نقاش واقول ادى العيش لخبازه الالتهاب بقى مزمن وحصل mixed infectionيعنى فطريات وبكتريا المهم وصلت ان حصل عندى قرحه فى عنق الرحم علشان كده الدكتور اللى كنت متابعه معاه فى الفتره دى قال هنعمل كى للقرحه وكحت لبطانه الرحم علشان هيعمل لها تحليل هى وعينه من عنق الرحم يشوف الالتهابات دى سببها ايه لان ده كان فى السنه التالته لزواجى ودخت على الدكاتره بسبب الالتهابات ومفيش فايده . لما غيرت الدكتور وروحت لدكتور تانى وتالت وعملت التلقيح غير انى كنت بزهق وبوقف العلاج تعبت وجاتلى الام رهيبه فى جانبى اليمين روحت للدكتور محمود شاور قالى في كيس دم على المبيض اليمين وننتظر شهرين قبل مانعمل المنظار ممكن يفضل حجمه ثابت بعد شهرين حجم الكيس زاد وضغط على المبيض عملنا المنظار البطنى والدكتور شقط الدم اللى فى الكيس وكواه ولم يشيله خوفا على المبيض وكان نتيجه التنظير اندوميتريوزس والتصاقات شديده فى الحوض علشان كده الحل الحقن المجهرى طبعا صدعتكم حقكم عليا