كوبونات الراقية تسجيل الدخول

Neevooo
Neevooo •
هابي يا قلبي انا داخلة سرقة مخصوص عشانك انت و كنزي و جوزي واقفلي بإييييييييد المساحة عشان اقوم بسرعة:06:
بس حلفتله اني مش هقعد كتير
المهم
الحمد لله رب العالمين ان اول يوم عدا على خير يا كنوزتي و ان شاء الله ربنا يعدي بقية الخطوات على خير يا رب
هابي الحمد لله اطمنت عليكي يا قلبي و ربنا معاكي 000 في عز الالم و الله بدعيلك ربنا يجبر بخاطرك و يسدد خطاكي
باقي البنات وحشتوني وحشتوني وحشتوني
كلكم نفر نفر000رمال 00شوشو00كنزي00مانولا00شيمو00هوبة00انوار 00دودو00طمطومتي
ديدو 000اطيب قلب
نورتونا و شرفتونا بوجودكم معانا و مش عارفة احكي معاكوا بس غصب عني
ادعولي اخف بسرعة و انا ازهقكم مني
اوشي اقسمت عليكي بالله بلاش كآبة و لو بتحبيني صحيح زي ما بتقولي فرفشي لحد ما ارجعلك
رمـــــال
رمـــــال •
Neevooo Neevooo :
هابي يا قلبي انا داخلة سرقة مخصوص عشانك انت و كنزي و جوزي واقفلي بإييييييييد المساحة عشان اقوم بسرعة:06: بس حلفتله اني مش هقعد كتير المهم الحمد لله رب العالمين ان اول يوم عدا على خير يا كنوزتي و ان شاء الله ربنا يعدي بقية الخطوات على خير يا رب هابي الحمد لله اطمنت عليكي يا قلبي و ربنا معاكي 000 في عز الالم و الله بدعيلك ربنا يجبر بخاطرك و يسدد خطاكي باقي البنات وحشتوني وحشتوني وحشتوني كلكم نفر نفر000رمال 00شوشو00كنزي00مانولا00شيمو00هوبة00انوار 00دودو00طمطومتي ديدو 000اطيب قلب نورتونا و شرفتونا بوجودكم معانا و مش عارفة احكي معاكوا بس غصب عني ادعولي اخف بسرعة و انا ازهقكم مني اوشي اقسمت عليكي بالله بلاش كآبة و لو بتحبيني صحيح زي ما بتقولي فرفشي لحد ما ارجعلك
هابي يا قلبي انا داخلة سرقة مخصوص عشانك انت و كنزي و جوزي واقفلي بإييييييييد المساحة عشان اقوم...
دودو ام جوجو.. بصى يا اللى دمك شربات انتى .. صور السونار انا لا احتكم عليها الى الان ولله الحمد لانى بتابع فى مستشفى الندى فى المنيل لو تعرفوها وهمه بيحتفظوا للأسف ب صور السونار طول الحمل لكن ان شاء الله هاخدها بعد الولاده .. انا كنت فاهمه برده انى هاخدها معايا كل مرة وانا مروحه البيت بس همه ضحكوا عليا شفتى بيستهبلونى وانا ساكته لهم :04:

حبيبتى دينا .. ربنا يكرمك انتى احسن والله وتستاهلى الف خير وبعدين صداع ايه ومغص ايه .. انتى بس تدخلى كده وتنورينا ولو جالنا صداع العلاج على حسابك ..:p انا بهزر طبعا انتى مش تصدعينا انتى تجننينا لو تحبى بس تنورينا... يعنى كل ده كان بسبب التهابات .. طيب مكانش فى حل غير الكى وكشط البطانه؟؟ اصل انتى اساسا عندك بطانه :pinklove2الرحم المهاجرة وعلى حد علمى ان الموضوع ده بيخلى البيوضات مش هتعرف تنغرس فى البطانة يقوم الدكتور يقللك نعمل كشط وناخد من البطانة اكتر واكتر؟؟؟؟ بس الظاهر انك عرفتى متأخر ...وبالنسبه للقرحة بصراحة بنت خالتى اليومين دول المفروض كانت هتعملها وهى لسه متجوزة بس الدكتورة حذرتها وقالت لها مش هعملها لك انتى بس تاخدى العلاج ده وهنمشى عليه ومش هنستسلم .. وبصراحه عجبنى الكلام ده فا كان ممكن انتى كمان تصبرى لان الموضوع ده مش سهل يا حبيبتى عموما اللى حصل حصل خلاص بس سامحينى انا مستغربه من كميه الحاجات اللى مريتى بيها علشان كده بتكلم فيها كتير .. وكمان انا اعرف ان المنظار البطنى ده انقرض من سنيييييييييين وبسمع كتير انه دلوقتى اتطور وبقى من غير جرح البطن يعنى .. عموما برده احمدى ربنا انك اخيرا عرفتى انتى عندك ايه قبل ما كان يحصل حاجه تانى ولا هيحصل لك ايه يا بنتى اكتر من اللى حصللك ده بصراحه انتى جمل .. بصى فعلا اللى مفروض تتجهى ليه دلوقتى هو موضوع الحقن المجهرى لان ده العلاج الوحيد للاندومتريوزيس.. ربنا يكرمك بس اعمليه المرة دى هنا لاحسن عقدتينى من الدكاترة بتوعك دول ..

اشتقت اليك .. انتى فطستينى على روحى من الضحك بجد والله حاسه ان الجيران سمعونى وانا فى الاوضه من كتر ما ضحكت.. بطلى بقه العسل اللى انتى فيه ده شويه .. انا بحذرك لمى حلوياتك دى علشان احنا عاملين رجيم ولا ايه..:23: ..بس يا خوفى على العيد تطمعى فى المعزة وتدبحيها :huh:

بالنسبه لرأيك فى قصه العلاج .. انا راأيى ان المسأله والله بتعتمد على شويه عوامل
أولها الطبيب يا شوشو
يعنى لو انا عارفه ان طبيبى كويس وانسان ثقه وشفت انه بيتعامل معايا بالمنطق ومش بيعك ولا كفتجى(وده طبيعا بيكون بناء على الخلفيه اللى بكونها من القراءه فى المواضيع دى ) بسلم نفسى ليه 90 فى الميه وبخلى 10 فى الميه بس عندى علشان مابقاش زى الحمار ولا مؤاخذه ومسحوبه وراه وخلاص
يعنى اختيار الطبيب من البدايه مهم لان على الاساس ده بيترتب حاجات كتير ... ولو حصل و شكيت فى حاجه طبيبى ما اقنعنيش بيها ده هيدفعنى اكيييييييييييد للبحث والتدوير علشان اجمع معلومات اكتر وافهم اكتر واعرف هل هو بيعك ولا هو ايه .. والمناقشه مهمه اوى بين المريض والطبيب علشان ده اللى بيخلى فى ثقه فى التعامل وده من اهم صفات الطبيب الشاطر انه بيفهم مريضه طبيعه مرضه كويس اوى ..

ثانى حاجه ... انه طبيعى جدا ومهم اوى ان كل واحده تبقى قاريه كويس اوى فى حالتها وعندها قدر كافى من المعلومات اللى يخليها تعرف تتعامل مع مرضها .. وكمان ده هيخليها تميز الدكتور الكويس من غيرة .. زى ما حصل معاكى كده لما رحتى لدكتور عادل .. وبالنسبه ليا بجد احب اقول انى اتعلمت كتييير اوى من القراءة فى المنتدى هنا وكان بالنسبه لى الكتاب اللى بفتحه كل يوم اتعلم منه واستفيد وده اللى ساعدنى لما رحت لدكاترة وبقيت اخد بالى من كلامهم اوى.. لانى كنت زى الصفحة البيضا بالظبط

لكن اللى بختلف برده معاكى فيه يا حبيبتى هى مسأله العلاجات .. انا لسه عند رأيى انى لو خلاص عديت كل مراحل الشك فى الطبيب بتاعى وحصل ثقه واتأكدت انه مش بيعك بتوكل على الله وبعتمد على الله ثم عليه .. واى حاجه هتحصلى بعد كده هتبقى قدرى ونصيبى وانا فى الاول والاخر ما قصرتش فى اى حاجه وعملت اللى عليا .. وكل تجربة برده بتبقى قابله للنجاح او الفشل ....لكن المهم اننا نعمل اللى علينا وناخد بالاسباب واللى فات هو الاسباب اللى ياريت كلنا ناخد بيها ونفكر فيها كويس .. أه معلش هضيف حاجه .. لما الدكتور قال لى اخد منشطات استغربت اوى وبصراحه قلقت موووت من اللى شفته وقريته .. وساعتها قعدت فتره اخد وادى بينى وبين نفسى اخد ولا لا .. وحتى زوجى قال طالما قلقانه كده بلاش .. لكن ساعتها حكمت عقلى وتخلصت من خوفى وقلت انا هعتمد على الله ثم عليه
رمـــــال
رمـــــال •
نوفى حبيبتى حمدالله على سلامتك .. مش هنزعل جوزك يا ستى خلاص نستنى ونصبر ترجعيلنا بالسلامه
هابى مازر الحمدلله ان النهارده عدى على خير والله كنت قلقانه عليكى .. وان شاء الله بكرة ربنا يطمنك ..
مانولا
مانولا •
انا جيت يا بنات فية حد موجود
فاطمة الزهراء912
فاطمة الزهراء912 •
انا هنا هنا يا ابن الحلال