مارشمالو :

السلام عليكم و رحمة الله ... آسفة جدا على تأخري بالرد بسبب انشغالي فاطمة الزهراء912 Neevooo اشتقت اليك رمـــــال يسعدني صراحة تقبلكم لملاحظتي بهذا الشكل ... الله يرزقنا و اياكم جميعا بما نتمنى من ذرية صالحة ... و أشكركم على تجاوبكم ... بارك الله فيكم ... أعلم انه من الصعب عليكم تطبيق هذا الكلام ... و لو علي أنا لتركت لكم المجال مفتوحا ... لكن أنا هنا أطبق أوامر الإدارة التي وضعت هذا القانون ( تمنع الدردشة أو الخروج عن الموضوع الأساسي ) ... و التي لم تضع هذا الشرط الا للمصلحة العامة للمنتدى و إن كان كلامي فيه شئ من التهكم أو السخرية ( كما ذكرتِ أختي رمال ) فأنا أعتذر من ذلك و سامحوني .. فوالله اني لم أقصد التهكم أو السخرية:( و إن كان على ( علامات التعجب هذه !!!) فإني أحب كتابتها فقط لا غير:) .. و أخيرا ... المقصود من كلامي هو أن الدردشة أو الفضفضة مخالفة لقوانين المنتدى ... و عشمي بكن جميعا هو تقبل هذه الملاحظة التي أتمنى أن يكون وقعها عليكن خفيفا ... :26: دمتن بخير

السلام عليكم و رحمة الله ... آسفة جدا على تأخري بالرد بسبب انشغالي فاطمة الزهراء912 Neevooo ...

رمـــــال :

السلام عليكم ورحمه الله وبركاته اهلا يا حلوين ماشاء الله الموضوع عمال يجذب ناس جدد كتير اهه بس ياريت مشاركاتهم تكون مستمرة معانا ونتشرف بيهم على طول ... الاخت مارشمالو ... يسعدنى انا كمان انك توضحى وجهه نظرك وانى اعرف ان اللى وصلنى عبر مشاركتك كان سوء تفاهم ليس اكثر ولا اقل والحمدلله ان ظنى ما طلعش صحيح فى انك بتتريقى او بتهددى لانى زى ما قلت لك كنت مستاءة جدااااااااااااااااا لكن عموما حصل خير وطبعا احنا تحت امر قواعد وقوانين وشروط المنتدى يا ستى واحنا على طول فى الخدمة وبوعدك بالنيابه عن اخواتى لو يسمحولى اننا ما نخرجش عن حدود موضوعنا بالشكل اللى بيزعج ادارة المنتدى .. وعشمك ان شاء الله فى محله لان طالما انتى وضحتى الامور كده باللطف ده يبقى ان شاء الله كل البنات متفهمين لكلامك عزيزتى الفقيرة الى الله د ... حبيبتى ماشاء الله عليكى ربنا يبارك فيكى ويجعل مجهودك كله فى ميزان حسناتك ربنا ينفع اخواتنا بكلامك ده .. وكمان انتى عرضتى الموضوع بشكل صحيح جدااا لان معظم الناس فكرتهم غلط عن التكيس كمرض وعلاجه وكان نفسى ان الناس تصدق انه سهل فى علاجه بأمر الله لو تم الالتزام بالعلاج السليم وبقول العلاج السليم مش العك اللى بنسمعه .. جزاكى الله خيرا ... بس انتى مش قلتى لنا انتى عامله ايه الاول وصحتك اخبارها ايه.. وصحيح حرف الدال ده اول حرف من اسمك؟؟ اوشـــى حبيبتى .. كل ما هنده لك هفتكر بنت اختى بجد ..:33: عامله ايه يا بطاطا اوعى تدايقى نفسك علشان الكلام اللى انتى حكيتيه ده ومش لازم تستسلمى لكلام اول دكتور روحى لحد تانى يكون كويس وخدى رأيه وعايزة اقللك معلومه مهمه اوى دكتور كويس قالها لى ان فى تحاليل معينه بتتعمل فى معامل معينه مش اى معمل تعملى فيه تحاليل لا يعنى مثلا تحاليل الهرمونات معروف ان ليها معامل مخصصه وهكذا .. وانتى لو كنتى معانا من اسبوع بس كنتى شفتى ايه اللى حصل لنيفو بسبب كلام دكتور .. وزى ماقالت لك طماطم استغفرى كتير وان شاء الله ربنا كريم .. وفعلا خليكى رقيقه مع زوجك اوى وحسسيه ان هو اللى يهمك مش اى حاجه تانيه لان اكيد حالته النفسيه فى الحضيض زى ما بيقولوا وخليكى انتى بقه النسمه اللى بتخفف عليه لحد ما ربنا يرزقكوا ان شاء الله اشتقت اليك .. وحشتينى يا ستى والاستاذ انس باشا وحشنى اخباره ايه .. يارب تكونوا انتوا الاتنين بخير لولى والشادن اهلا بيكوا يا حلوات فى موضوعنا ها ناويين تكملوا ولا دخلتوا تسلموا وماشيين تانى ؟ طمــاطــم .. عامله ايه يا طمطومه ها اخبارك واحوالك ايه ؟؟ قولي لنا علشان عايزين نطمن عليكى .. علشان ربنا يكرمك بحد زى فستك كده يارب وتشوفى المواهب بقه . :baby2: مسلمــه والله انتى وحشتينى خالص .. انا عارفه انك مش هتشوفى مشاركتى بس حبيت ادعيلك علشان كل البنات يأمنوا ...ر بنا يكرمك وترجعى وانتى حامل يا رب العالمين ويرزقك الذريه الصالحه المعافاه يارب كوكـر .. يارب تكونى بألف خير وترجعى الكويت بالسلامه بقه علشان نتكلم معاكى ونعرف اخبارك امه الله هبه... ازيك يا جميل عامله ايه يارب تكونى بخير والعربيه كمان بخير :biggrinlo هابى مازر ... انتى فين ؟؟ لا مش تغيبى كده لاحسن نقلق عليكى يا حبيبتى .. حاولى تطمنينا عليكى بأى طريقه ام يمنى.. مش قلنا ممنوع الغياب ؟؟؟؟؟؟؟ اروح اجيب الفنكه بقه ؟؟:024: ها يا سمسمه ... خلاص ودعتينا كده ومش راجعه ولا ايه ؟؟ مش ناويه تشاورى عقلك وتكلمينا تانى..؟؟ طيب حد فينا زعلك .؟؟؟ قوليلى بس مين مدايقك وانا اجيب له السيخ المحمى:icon30: واخيرا نوفى حبيبه قلبى ... والله انتى وحشانى اوى بس انا عارفه انك مشغوله الايام دى مع الاولاد علشان الامتحانات ربنا يكرمك يا حبيبتى ويقويكى عليهم ويصلح لك احوالك ويجازيكى خير على مجهودك معاهم .. بس انتى برده وحشانى :icon33::icon33:

السلام عليكم ورحمه الله وبركاته اهلا يا حلوين ماشاء الله الموضوع عمال يجذب ناس جدد كتير اهه...

فاطمة الزهراء912 :

اما الاخت الجميلة مارشمالو احنا يا حبيبة قلبى مزعلناش منك احنا عرفين انك بطبقى القوانين ودى حاجة كويسة واحنا منقدرش نزعل منك يا عسل وديما كدة تكونى معانا علشان لما تبقى معانا ميهونش عليكى تقفلى التجمع شفتى بقى الخباسة بتعتنا

اما الاخت الجميلة مارشمالو احنا يا حبيبة قلبى مزعلناش منك احنا عرفين انك بطبقى القوانين ودى حاجة...