ازيكوا يا بنات عاملين ايه كلكم 000 وحشتوني جدا جدا جدا

معلش انا مش بدخل كتير الدنيا عندي ملعبكة شوية 000ادعولي ربنا يفح قلبي و يفرج كربي 000الحمد لله على كل حال الا حال اهل النار

ميزو يا قلبي

ربنا يرزقك ولادة سهلة و يسيرة ان شاء الله و الخيرة فيما اختاره الله 000قدّر الله و ما شاء فعل 000سبحان الله قعدنا نحكي و نتداول و نتناقش و في الآخر000 انت اريد و انا اريد و الله يفعل ما يريد000ربنا يرجعلك جوزك بالسلامة و يفرح قلوبكم بالبيبي ز يحفظه من كل سوووووء
آه نسيت اقولك ان هابي بتكتب انجليزي عشان عايشة في لندن و اكيد مش عندها كييي بورد عربي( بعد اذنك طبعا يا هابي)

رمال

روح قلب قلبي من جوة 000والله و حشتيني انت و فستوكتك 000عاملة ايه يا قلبي و اخبار الدوخة ايه ان شاء الله تطلع حاجة بسيطة زي ما قلتلك 000 المهم انت خلي بالك منك و حاولي كل النشاطات بتاعتك تكون اما و انت قاعدة او يكون قريب منك جدا كرسي
ربنا يسترها يا رب يا حبيبتي و يتم حملك على خير

شوشو

حبيبة قلبي انت فينك؟ 000 وحشتيني موووووووت ازيك و ازي انوستك؟ 000 طيب بس قوليلي ليه الاختفاء دة احنا داخلين على الويك اند و الاختفاء سابق اوانه 000يا رب تكوني بخير و تطمنيني عليكي

طمطوووووووومة

برضو مختفية في ظروف غامضة 000 ايه الحكاية يا قلبي حارمانا من جمالك ليه 000 بجد يا طماطم ادخلي طمنينا عليكي بكلمة و اخرجي000بس نطمن مش يفضل مخنا بيور كدة على الفاضي و المليان
طيب قوليلي البريود جت؟ طيب عندك ظروف شاغلاكي ؟000 ربنايسعدك و يريح قلبك و يطمن بالك و يطمنا عليكي يا قلبي

هووووووبي

حبيبة قلب قلبي من جوة 000 قريني يا زواوي 000اشمعنى قريني انا اللي يطلع طويل 000ايه الاخبار يا حبي عاملة ايه؟000 مش عارفة ليه بقلّق من مشاركات الكلمتين من غير غطاهم دي

مانولا

انت كمان مختفية 000 ايه يا بنات يكونشي دة اسبوع الاختفاء العالمي و انا الوحيدة اللي قاعدة 000 بجد بأة انت فينك و ازي شهودتي؟
طمنينا عليكي

ام انس

بصي يا قلبي واضح ان الريجيم مش هو الحل معانا و اكيد اكيد في علاج للناس اللي مش عارفين يقفلوا بؤهم زي حالاتنا000بس انا مش عارفاه و يا ريت لو تعرفيه تقوليلي عليه
ربنا يصلح حالنا و حالك يااااااااااارب

اوشي

عروستنا الجميلة 000 الامن عندك مستتب ولا ايه النظام 000 ان شاء الله نسمع منك اخبار جميلة قريب جدا بأمر الله تعالى

دودو

قلتي هغيب عنكوا فترة بس مش قلتي هترجعي سنة كام 000 هي هجرة و لا ايه؟000 سلميلي على جوجو

الهدى و النور

يا ريت تطمنينا عليكيو على صحتك يا قلبي و تقوليلنا الآشعة اخبارها ايه اول ما تعمليها
ربنا يجعله في ميزان حسناتك ان شاء الله 000 طهور باذن الله

كنزي

اخبار الراحة ايه؟ 000 طمنينا عليكي يا قمري 000ربنا يثبت الاجنة و يفرح قلبك ياااااااااااارب

هابي

حمدا لله على السلامة يا قلبي 000 مش تقلقي يا حبيبتي المنشطات هي اللي ممكن تعك الدنيا كدة و تلخبط ميعاد الدورة حتى لو هي بطبيعتها منتظمة ربنا يتوب عليكي و علينا منها و يرزقنا بالذرية الصالحة ان شاء الله تعالى

شيمولاتا

يا بنتي طمنيني عليكي 000 عملتي ايه مع الدكتورة الجديدة ؟000بجد انا بدات اقلق عليكوا كلكوا دة شيء مش طبيعي00 و لا رجعتوا تختفوا كدة و تهجروا بيتنا تاني؟000اوعوا احسن اجيب السيخ المحمي ليكوا كلكوا هاااااااااااااااه

:024: :024: :024:

مسلمة

بيتنا من غيرك ناقصه حاجة مهمة اوي والله000 يااااااارب يرجعك لينا بالسلامة و انت مجبورة الخاطر و معاكي احلى بشرة 000بس انت طمنينا عليكي اول ما تلاقي فرصة

صباح الخيرات يا بنات....بجد وحشتونى..و فعلا انا حاسة اننا بدأنا نكسل و نبعد عن بيتنا شوية...و هابدا بنفسى ..باعتذر عن الغياب...بس المشكلة ان من ساعة ما انس رجع المدرسة و المواعيد لخبطت...ده غير ان اليومين دول الاوكازيون عامل عمايله فى المحلات...فقلت اخرج اتفرج شويتين...و كامن الفترة اللى قبلها كنت بدأت آخد دوا جديد..(بارلوديل) و كان تاعبنى أوي...لكن و لله الحمد الدنيا اتظبطت معايا شويه و بقيت أحسن...اتمنى يا بنات اننا ندخل كل يوم و لو بمشاركة واحدة علشان منعودش نهجر بيتنا...

نيفو
مالك يا قمر...لونك حزاينى ليه:(....بجد طمنينى عليكى...ده انتى يا بنتى زعيمة حزب انسى الهم ينساكى...ربنا يا حبيبتى يفرج كربك و يريح قلبك و يرزقك ما تتمنى...

طمطم
ليه الغياب يا حبيبتى....الفنكة فى انتظارك:024:....إلا لو عدتى و فى جعبتك خبر جميل...

أوشى
الحمد لله يا قمر انك مفرفشة و بخير:love:...يا رب دايما...

هابى
كنت قلقانة عليكى موت.:26:..الحمد لله يا جميل انك طمنتينا عليكى...و بالنسبة لتأخير البريود..انا كنت سمعت يا حبيبتى ان البريود بعد العملية ساعات فعلا بتتاخر شوبه بسبب الادوية اللى كنتى بتاخديها ، لكن معرفش أقصى مده تاخير بتكون أد ايه...استشيري طبيبك أحسن يا حبيبتى...ربنا يطما عليكى و تكونى أحلى هابى مازر

هوبة
أخبارك ايه يا عسل...يا رب النفساوية تكون فل الفل و تكون الدنيا معاكى بمبى بمبى:a_smil08:...هبه عايزين فترة الراحة تكون راحة بجد..من الادوية و الدكاترة و القلق و الزعل...ربنا يبعدهم عنك يا حبيبتى..


رمال
يا رب يا حبيبتى تكونى فى حال افضل النهاردة و الواد فستك ده يخلى عنده دم و ميضايقكيش كتير اليومين دول...ربنا يقومك بالسلامة

دودو
طال الغيييييييييييياب

دينا
ايه يا عم ...الاضراب و خلاص خلص...متسوقيش فيها و تعالى قوليلنا اخبارك ايه..

مانولا
ايه يا ام شهد...عاملة ايه مع العلاج و الريجيم....

شيمولاتا
مختفية ليه يا حبيبتى..تعالى طمنينا و صلتى لحد فين فى العلاج...و كمان فضيتى التلاجة و لا لسه...

أم أنس
متسيبيناش تانى يا قمر...و حاولى يا حبيبتى فى اقرب وقت ترجعى للدايت تانى...دانتى اللى قلتى كل حاجة تهون علشان خاطر عيون النونو:04:

كنزي
ربنا يسمعنا عنك سمع خير....

الهدي و النور
ربنا يزيح عنك و يطمنا عليكى...بجد اول ما تعملى الاشعة تعالى طمنينا يا قمر...

مسلمة
يا رب ترجعى بألف سلامة و معاكى أجمل الأخبار...

مميزات
ربنا يا حبيبتى يقومك بالسلامة و يرزقك و لادة سهلة و بيبى زي القمر...فعلا قدر الله و ما شاء فعل... بصى بالرغم من انك دلوقتى مش قدامك اختيار غير انك تروحى عند ماما ..بس ده فعلا كان هيبقى أحسن الاختيارات ...فربنا ريحنا و حلها من عنده..كده يا حبيبتى والدتك هتقدر تراعيكى أحسن و كمان هتبقى مرتاحة أكتر ما كانت هى اللى هتيجى..و كمان هتبقى فى وسط أهلك و اخواتك...و بأؤكدلك تانى متقلقيش لان الولادة مش اختراع...اهم حاجة تروحى قبلها بوقت كافى...ربنا يقومك بالسلامة و يرجعلك جوزك سالما و يفرحكم برؤية طفلكم..


طبعا انا حاولت مانساش حد علشان اسلم عليكم قبل ما اغطس فى الويك اند...علشان المرة دي بتاعة ست الحبايب...أشوفكم على خير

شوشو اذيك ياقمر الحمد لله انك بخير
وبالنسبة لباقى البناااااااااااااات واحشنى اننا نكون كلنا موجودين مع بعض اون لاين ونتجمع زى زمان
الهدى والنور عليكى مخالفة انت كنتى موجودة ومش دخلتى سلمتى
فاطمة انا بجد كده قلقانة عليكى جدا جدا مش هينفع كده لازم تدخلى تطمنينا
بحبكم كلكم ووحشتونى

السلام عليكم

وحشتوني كلكم

وبسلم عليكم واحده واحده بدون ذكر اسماء

انا بس ليا سؤال لمميزات ولمانولا لأنهم راحو لدكتوره رجاء منصور

انا ان شاء الله تقريبا حجزت على 20/4

وكنت عايزه اعرف ايه التحاليل اللي المفروض اخدها معايا والمفروض اعملها امتى

لأني عملت تحاليل الهرمونات قبل كده بس فس ميعاد غلط والدكتور قال لي انها كلها غلط

ياريت والله تردوا عليا

جزاكي الله خيرا يا شوشو لأنك اللي خلتيني اخد بالي

وحشتونى وحشتونى وحشتونى كلكم كلكم كلكم انا جيت ومعايا حكايه صاحبتى اللى اتعرفت عليها من سنتين عن طريق المنتدى ده واتكلمنا على الخاص واتبادلنا ارقام الموبيلات ومن ساعتها وانا معتبراها اختى رغم اننا عمرنا ما شوفنا بعض بس ظروفنا كانت تقريبا واحده الشهر اللى فات عملت حقن مجهرى واتصلت بيا من اسبوعين تبشرنى انها الحمد لله حامل:icon28: والنهارده كلمتنى بعد ما عملت اول متابعه بالسونار وشافت كيس الحمل بس ارجوكم تدعو لها انا ربنا يثبت حملها ويتم عليها بخير ارجوكم هى محتاجه دعائنا كلنا وعقبال ما ربنا يكرمنا احنا كمان