ايوة فعلا يا اوشى انتى عندك حق لانى فى الاول كانت نسبه البرولاكتين عندى 17 وعلشان مش كان عندى سبب واضح فا شكينا ان ده السبب وكنت باخد علاج للموضوع ده وبعد شهر النسبه بقت احسن ولو انها اصلا مش كانت عاليه بس احتياطى اخدته .. يعنى لو المسأله على كده يا اشتقت اليك تبقى بسيطه ان شاء الله بس حتى يعنى لو فى لبن عندك ونسبه التحليل كويسه ايه المانع انك تاخدى العلاج مانتى مش خسرانه برده اى حاجه .. على الاقل علشان تقللى النسبه اكتر وكمان هتشوفى بعد ما النسبه تقل اذا كان البرولاكتين هو السبب ولا لا..

رمال ياحبيبتى نسيت اباركلك ربنا يقومك بالسلامة ياحبيبتى ويحفظلك اللى فى بطنك يارب وتجيبلنا بنوتة حلوة ان شاء الله

انا متشكرة أوي يا حبايبى انكم تجاوبتم معايا....بس أنا هاقولكم حكاية الهرمون ده معايا
فى الأول زي ماانتوا عارفين حللت لان كان فيه لبن و طلعت النتيجة 9 فالدكتور قالى تمام و مش هنحتاج علاج
المهم بعد فترة حسيت ان اللبن زاد أوي و بصراحة الفترة ديه كان عليا ضغوط كتير و لما حللت طلع 36 ...طبعا عالى أوي
المهم ادانى دوستينكس لمدة أسبوعين و بعدها النسبة بقت 3 و اللبن نشف تماما
بعدها بشهرين حسيت بوجود نقط بسيطة جدا و حللت فطلع 18...فقالى هنرجع ناخد الدوا تانى...لكنى فى نفس الأسبوع كنت قررت انى أروح لدكتور تانى متخصص أكتر فى تأخر الإنجاب...والغريبة أنه قالى لا متاخديش دوا وقالى بالظبط ان الهرمون ده بيرتفع لما الانسان بيبقى متوتر و ان قيمته متغيرة ..وقالى تجاهلى اللبن الموجود ده لان فيه ستات كتير بتحمل و هى بترضع وبالتالى فمبيعتقدش انه ده ممكن يكون السبب وخصوصا ان تحاليلى كويسة و دورتى منتظمة ...وقالى ان الحاجة الوحيدة اللى هاحتاجها لو محصلش حمل الشهر ده انى آخد كلوميد و نتابع التبويض و مناخدش ابرة تفجيرية....و بعدها نبقى نشوف....

المضحك بقى فى الموضوع ان فيه طبيب تالت راسلته على النت و هو مشهودله بالكفاءة...المهم قالى علكس الكلام تماما...و هو انى آخد دوستينكس لتنشيف الحليب...وانى مش محتاجة منشطات ...لكنى هاحتاج ابرة تفجيرية لما البويضة يبقى حجمها كويس...

طبعا كنت هاشد فى شعري من التناقض ...علشان كده استنيت و قلت لو البيريود جت آخد ميعاد عند الدكتورة اللى قلتلكم عليها و أشوف هى كمان هتقول إيه....

عارفين انا دلوقتى مش متضايقة للتأخير ده زي الأول...لكن اللى مضايقنى بجد هو انى نفسى أعرف الوضع بجد و أعرف لو فيه حاجة محتاجة علاج نعالجها..ولو مفيش فكده كده احنا مسلمين أمرنا لله....

يا رب يهدينا سواء السبيل و يوفقنا جميعا....و يا ريت فعلا على رأي أختنا أوشى كل واحدة تقول ايه مشكلتها و ايه تطوراتها...يمكن ده يفيدنا كلنا

مشكورة أختى فاطمة على الرقيه .....ربنا يقويكى و منتظرين منك المزيد
وده يا أخواتى رابط صوتى للرقيه الشرعية بصوت الشيخ أحمد البلهيد....مش عايزة أقولكم هى أد ايه مريحة....يا ريت تنزلوها و تخلوها دايما شغالة فى البيت هى و سورة البقرة....حفظكم الله من كل سوء...

http://rapidshare.com/files/186267532/roqiah3.mp3.html

وده يا أخواتى ملف دورة التغذية اللى كنت قلتلكم عليه....هو طبعا منقول من منتدي آخر...ربنا يبارك للقائمات على إعدادها...و طبعا انا معرفش أوي فى قوانين المنتديات...لكن ربنا يعلم اني منقلتوش غير للفائدة.....

وده الرابط بتاعه...http://rapidshare.com/files/186276280/__1583___1608___1585___1577____1589___1581___1578___1603____1587___1585____1582___1589___1608___1576.html

أتمنى انها تفيدكم