oshy2005
oshy2005
والله يافاطمة الهم هو اللى مستقصدنى مش عارفة اعمله ايه
الواحد بيبقى بيضحك ويلاقى الدموع تنزل من العين لوحدها مش عارفة ليه
ما هو اسهل حاجة انك تضحكى على كل الناس ويشوفوكى بتضحكى
بس الصعب انك تقنعى نفسك انك بتضحكى وقلبك بيبكى
خلاص خلاص
بلاش اتكلم كفاية كده بلاش الارف اللى انا بكتبه ده
امة الله هبه
امة الله هبه
السلام عليكم


وحشتوني كلكم بدون ذكر اسماء


معلش انا عندي ظروف مع زوجي عشان كده مش بقدر ادخل


دعواتكم ليا


انا كمان ماعنديش اي جديد عشان كده مش عارفه اقول ايه


بحبكم كلكم في الله
boba boba
boba boba
السلام عليكم ورحمة الله وبركاته

أولا : انا عاوزة أقول لكم انى عضوة جديدة معاكم هنا
بس انا ليا فترة متابعة تجمعكم ده وتجمعكم اللى قبله اللى فتحته مميزات
وماشاء الله كان وشه حلو عليها

وعقبال التجمع ده مايكون وشه حلو على باقى البنات بإذن الله

انا طبعا عارفاكو كلكم من خلال مشاركاتكم فى التجمع

ولازم اعرفكم بنفسى زى ما انا اعرفكم

انا اسمى بوبا

مصرية مغتربة بالكويت

متزوجة من سنة ونص تقريبا ولم يرد الله الحمل

مشكلتى والله لغاية دلوقتى مش عارفاها
مرة يقولوا تكيس ومرة غدة درقية
وانا باخد دلوقتى علاج للتكيس وكمان للغدة

واخدت كلوميد لمدة شهرين
بصراحة الشهر الاول ماتابعتش التبويض والشهر التانى اخدت حقن تفجيرية
والشهر ده اخدت الكلوميد 3 ايام فقط ووقفته من نفسى
لانى حاسة بالم فظيع فى المبيضين وخايفة يكون من الكلوميد

وان شاء الله بكرة هروح اعمل اشعة الصبغة
بالله عليكم يابنات تدعولى لانى خايفة من النتيجة
اكتر ما انا خايفة من الألم
boba boba
boba boba
السلام عليكم ورحمة الله وبركاته أولا : انا عاوزة أقول لكم انى عضوة جديدة معاكم هنا بس انا ليا فترة متابعة تجمعكم ده وتجمعكم اللى قبله اللى فتحته مميزات وماشاء الله كان وشه حلو عليها وعقبال التجمع ده مايكون وشه حلو على باقى البنات بإذن الله انا طبعا عارفاكو كلكم من خلال مشاركاتكم فى التجمع ولازم اعرفكم بنفسى زى ما انا اعرفكم انا اسمى بوبا مصرية مغتربة بالكويت متزوجة من سنة ونص تقريبا ولم يرد الله الحمل مشكلتى والله لغاية دلوقتى مش عارفاها مرة يقولوا تكيس ومرة غدة درقية وانا باخد دلوقتى علاج للتكيس وكمان للغدة واخدت كلوميد لمدة شهرين بصراحة الشهر الاول ماتابعتش التبويض والشهر التانى اخدت حقن تفجيرية والشهر ده اخدت الكلوميد 3 ايام فقط ووقفته من نفسى لانى حاسة بالم فظيع فى المبيضين وخايفة يكون من الكلوميد وان شاء الله بكرة هروح اعمل اشعة الصبغة بالله عليكم يابنات تدعولى لانى خايفة من النتيجة اكتر ما انا خايفة من الألم
السلام عليكم ورحمة الله وبركاته أولا : انا عاوزة أقول لكم انى عضوة جديدة معاكم هنا بس انا...
تعالوا بقى اقول لكم على حاجة

والله اللى هقوله ده هو احساسى اللى انا حاساه وعاوزة انقله لكم

طبعا اللى احنا فيه ده ابتلاء من رب العالمين عاوز يشوفنا هنصبر ولا لأ

وانا بالنسبة ليا سعيدة بالابتلاء ده جدا طبعا فى اوقات بتمر عليا بكون مخنوقة
ودماغى مشلولة من كتر التفكير فى الموضوع ده

بس ده خلانى والحمد لله وصلت لنتيجة كويسة جدا

وهى انى بدأت امارس عبادة
هى فعلا منسية ومحدش بيمارسها
الا لو ربنا ابتلاه بشئ

عارفين ايه هي العبادة دى

التفكر فى خلق الله

سبحان الله فعلا الواحد بيكون عايش لنفسه ومبسوط بحياته
لغاية ماربنا يبتليه بشئ فيبدأ يفرمل نفسه ويقف ويفكر فى حاله
وبعد شوية اوتوماتيك بيفكر فى اللى حواليه ويقول سبحان الله
ربنا اكيد له حكمة فى ده كله
والله يابنات لو كل واحدة فينا فكرت شوية هتلاقى انها مرت فى حياتها بحاجات
ماعرفتش حكمة ربنا فيها الا بعد مرورها بوقت وهتلاقى ان فى ناس غيرها كتير فى ازمات مش هى بس
وده دليل اننا من عباد ربنا اللى بيفتكرهم وبيبتليهم لانه عاوز يسمع صوتهم ويناجوه
لاننا اكيد لو الامور كلها كانت سهلة كده وكل حاجة متسخرة لينا مكناش هنقرب من ربنا زى دلوقتى

انا هكتب لكم قصة قريتها وعجبتنى جدا
وخليتنى اقول بصراحة انى عبيطة لما كنت بقعد افكر فى همى واعيط

معلش انا رغاية وطولت عليكو
بس انتو ماتتخيلوش انا بكتب لكم وانا جوايا احساس غريب قوى
ان ربنا هيكرمنا كلنا بالحمل قبل شهر رمضان الجاى
مش عارفة اشمعنا شهر رمضان
بس انا حاسة كده اننا اخوة اتجمعنا هنا على خير
واستكمالا للخير ده اننا بإذن الله نصلى فى شهر رمضان صلاة القيام واحنا حوامل
ونفتكر بعضنا فى الصلاة دى ونشكر ربنا فيها انه هدانا ووفقنا لطريقه
وبالرغم من انى مالينى خوف من اشعة الصبغة بكرة بس الاحساس ده
طاغى عليا قوى

ومش عارفة ليه حاسة ان اول واحدة هتبلغنا بخبر حملها فى اقرب وقت

هى


نيفو


يمكن لانى من اسلوبها وطريقتها حاسة انى اعرفها
لانى بالفعل كان ليا صديقة نفس ظروف نيفو بالظبط
وربنا يعلم يمكن نفس طريقتها فى استقبال مشاكل الغير وحنيتها معاهم

وكانت بتربى اولاد زوجها لان امهم متوفية
وسبحان الله اتأخرت شوية فى الحمل وبعدين دلوقتى ماشاء الله
معاها احمد وحبيبة

ربنا يرزقك يانيفو انتى وكل البنات وانا معاكم

استنوا هجيبلكم القصة اللى قولتلكم عليها
boba boba
boba boba
تعالوا بقى اقول لكم على حاجة والله اللى هقوله ده هو احساسى اللى انا حاساه وعاوزة انقله لكم طبعا اللى احنا فيه ده ابتلاء من رب العالمين عاوز يشوفنا هنصبر ولا لأ وانا بالنسبة ليا سعيدة بالابتلاء ده جدا طبعا فى اوقات بتمر عليا بكون مخنوقة ودماغى مشلولة من كتر التفكير فى الموضوع ده بس ده خلانى والحمد لله وصلت لنتيجة كويسة جدا وهى انى بدأت امارس عبادة هى فعلا منسية ومحدش بيمارسها الا لو ربنا ابتلاه بشئ عارفين ايه هي العبادة دى التفكر فى خلق الله سبحان الله فعلا الواحد بيكون عايش لنفسه ومبسوط بحياته لغاية ماربنا يبتليه بشئ فيبدأ يفرمل نفسه ويقف ويفكر فى حاله وبعد شوية اوتوماتيك بيفكر فى اللى حواليه ويقول سبحان الله ربنا اكيد له حكمة فى ده كله والله يابنات لو كل واحدة فينا فكرت شوية هتلاقى انها مرت فى حياتها بحاجات ماعرفتش حكمة ربنا فيها الا بعد مرورها بوقت وهتلاقى ان فى ناس غيرها كتير فى ازمات مش هى بس وده دليل اننا من عباد ربنا اللى بيفتكرهم وبيبتليهم لانه عاوز يسمع صوتهم ويناجوه لاننا اكيد لو الامور كلها كانت سهلة كده وكل حاجة متسخرة لينا مكناش هنقرب من ربنا زى دلوقتى انا هكتب لكم قصة قريتها وعجبتنى جدا وخليتنى اقول بصراحة انى عبيطة لما كنت بقعد افكر فى همى واعيط معلش انا رغاية وطولت عليكو بس انتو ماتتخيلوش انا بكتب لكم وانا جوايا احساس غريب قوى ان ربنا هيكرمنا كلنا بالحمل قبل شهر رمضان الجاى مش عارفة اشمعنا شهر رمضان بس انا حاسة كده اننا اخوة اتجمعنا هنا على خير واستكمالا للخير ده اننا بإذن الله نصلى فى شهر رمضان صلاة القيام واحنا حوامل ونفتكر بعضنا فى الصلاة دى ونشكر ربنا فيها انه هدانا ووفقنا لطريقه وبالرغم من انى مالينى خوف من اشعة الصبغة بكرة بس الاحساس ده طاغى عليا قوى ومش عارفة ليه حاسة ان اول واحدة هتبلغنا بخبر حملها فى اقرب وقت هى نيفو يمكن لانى من اسلوبها وطريقتها حاسة انى اعرفها لانى بالفعل كان ليا صديقة نفس ظروف نيفو بالظبط وربنا يعلم يمكن نفس طريقتها فى استقبال مشاكل الغير وحنيتها معاهم وكانت بتربى اولاد زوجها لان امهم متوفية وسبحان الله اتأخرت شوية فى الحمل وبعدين دلوقتى ماشاء الله معاها احمد وحبيبة ربنا يرزقك يانيفو انتى وكل البنات وانا معاكم استنوا هجيبلكم القصة اللى قولتلكم عليها
تعالوا بقى اقول لكم على حاجة والله اللى هقوله ده هو احساسى اللى انا حاساه وعاوزة انقله...
بجد ركزوا وانتوا بتقروا القصة دى

واتفكروا كده فى خلق ربنا وازاى بيسخرهم لبعض

روي أن سليمان بن داود عليه وعلى نبينا السلام

جلس يوماً في ساحل البحر فرأى نملة في فاها حبة حنطة تذهب الى البحر

فلما بلغت اليه خرجت من الماء سلحفاة و فتحت فاها فدخلت فيه النملة

و دخلت السلحفاة الماء و غاصت فيه

فتعجب سليمان من ذلك و غرق في بحر من التفكر حتى

خرجت السلحفاة من البحر بعد مدة و فتحت فاها و خرجت النملة من فيها

و لم يكن الحنطة معها فطلبها سليمان و سألها عن ذلك ...

فقالت :يا نبي الله ان في قعر هذا البحر حجراً مجوفاً

و فيه دودة عمياء خلقها الله تعالى فيه و أمرني بإيصال رزقها

و أمر السلحفاة بأن تأخذني و تحملني في فاها الى أن تبلغني الى ثقب الحجر

فإذا بلغته تفتح فاها فأخرج منه و أدخل الحجر

حتى أوصل اليها رزقها ثم أرجع فأدخل في فيها فتوصلني الى البر !!!

فسألها سليمان: هل سمعت عنها تسبيحاً قط ؟...

قالت: نعم تقول

يا من لا ينساني في جوف هذه الصخرة تحت هذه اللجة لا تنس عبادك



ياااااااااااااااااااااااااه ياسبحان الله
بجد بقى تخيلوا كده ربنا فى ملكوته ده كله
سبحانه جل وعلا يتذكر دودة عمياء فى جوف صخرة فى وسط البحر
ويسخرلها كائنات ضعيفة مثلها زى النملة والسلحفاة عشان يوصلولها رزقها

بالله عليكو بقى اللى احنا بنعمله ده ونعيط ونكتئب حاجة صح
طب احنا بنعيط ليه معترضين على ارادة ربنا
ولا متخيلين ان ربنا ناسينا
اذا كان مش ناسى الدودة دى بقى هينسا مخلوقات كرمها واحسن خلقها زينا

بس اوعو ننسى ان الدودة دى على طول فاكرة ربنا وبتسبحه وتشكره
وهى كمان بتفتكرنا فى دعائها لربنا وبتقول

يا من لا ينساني في جوف هذه الصخرة تحت هذه اللجة لا تنس عبادك