رمـــــال :

السلام عليكم ورحمه الله وبركاته ايه يا جماعه مالكم بس ايه اللى جرالكم ... الكل حزانة ليه .... لا حول ولا قوة الا بالله العلى العظيم نيفــــــــو .. حبيبه قلبى اسمعينى كويس هقللك كلمتين عايزاكى تركزى فيهم وتعقليهم ..انا مش هقعد اقول معلش وكبرى دماغك ومش مهم ونتكلم ونرغى فى اللى فات والكلام ده علشان الموقف لا يحتمل ولانه بالنسبه لى شخصيا بيزود المى (لانه تقريبا حصل معايا بس مع اختلاف تفاصيل) .. ومش هنقعد برده نفكر ايه الاعراض اللى كانت عندك دى ونشغل بالنا كتير خلاص هننسى الايام الصعبه اللى فاتت دى اللى حصل حصل وانتهـــــــــى .. لكن هقللك انى لو مكانك فا اللى حصل ده هيخلينى افكر كويس انا بعمل ايه دلوقتى وماشيه صح ولا لا فى العلاج وابدأ ابص لنفسى بعمق اكتر واشوف حالتى وصلت لفين وبتتقدم ولا لا .. ولو انا حاسه انى مش بتقدم خطوة احاول الاقى الحل .. ولو فى حاجه انا مش مقتنعه بيها بعملها هغيرها للصح يعنى لو انا حاسه انى قلقانه من الدكتور بتاعى هستخير واغيره ولو انا عايزة اخس هحاول اخس واقاوم نفسى بكل مجهود عندى ولو انا مش باخد علاج السيدوفاج هبتدى انتظم فيه كويس اوى .. الخ الخ الخ وبإختصار هو ده العلاج بتاعك بمنتهى البساطه الموضوع مش معقد ومش مستحيل يا نيفين وفى شهر واحد وزنك بس ينزل هتلاقى لخبطة الهرمونات اتعدلت وكل حاجه بقت فى مستواها ولانى مقتنعه بموضوع اسعى يا عبد وانا اسعى معاك فا طول ما احنا بنسعى ربنا هيكون معانا حتى لو قلتى لى انا مسبتش حاجه ما عملتهاش وجربت كل حاجه .. هقل لك لا السعى مطلوب دائما بكل الطرق وماشاء الله عليكى انا شايفه ان انتى جامده ومش مهزوزة ربنا يثبتك ويصلح لك احوالك بس تصدقى اقول لك على حاجه فى سرك ... من يومين جت لى ميه زمزم وشربت منها ودعيت لك كتييير اوى (وطبعا باقى البنات) ولما قريت مشاركتك معرفش ليه قلت الحمدلله وحسيت انه ده الافضل ليكى دلوقتى وانا واثقه ان قدر ربنا كله خير ولو كان الخير ليكى انك تحملى المرة دى كان اكيد ربنا استجاب دعائى ..بصى بقه المطلوب منك بس الايام دى يا حبيبه قلبى هو انك تراجعى نفسك زى ما قلت لك و كمان الصبر .. الصبر .. على قد ما تقدرى وانا واثقه ان ربنا هيديكى الصبر ده علشان تقدرى تتحملى الموقف .. لان ربنا بيدى الابتلاء ويدى الصبر عليه

السلام عليكم ورحمه الله وبركاته ايه يا جماعه مالكم بس ايه اللى جرالكم ... الكل حزانة ليه .......

رمـــــال :

بوبـــا .. الف حمدالله على سلامه زوجك وربنا يخليه لك وما يرحمكيش منه ابدا وحمدالله على سلامتك يا قمر من الاشعه .. واضح ان الالم اللى انتى شفتيه مكناش سببه الاشعه لا ,, ده سببه ذكاء الممرضه وواضح انها مش ماهرة علشان الانبوب فك منك وده مبيحصلش هباءا كده كمان حطتلك الضبغه مرتين وده طبعا تعبك زياده معلش يا حبيبتى ربنا يجعله فى ميزانك يارب .. بس حتى لو الانبوب مسدود ليه ما فكش بعد الصبغه ؟؟ المهم الحمدلله ان الانبوب التانى مفتوح وده المهم وعايزة اقللك ان قريبه زوجى شايله انبوب كاامل لانها حملت فيه حمل خارج الرحم وبعد ما شالت الانبوب حملت على الانبوب التانى على طول ماشاء الله فا ده مش بيأثر على الحمل ما تقلقيش واهه انبوب واحد احسن من مفيش صح ولا لا .. احمدى ربنا على كل حال واجمدى كده يا بنتى امال هتعملوا ايه لما تبقوا حوامل وتولدوا .. شكلك هتفضحينا انترناشيونال يا بوبو .. :hahaha: انسى بقه اللى فات مش مهم وبعدين اديكى بتتمرنى على تعب الولاده يا بنتى ربنا يسهلها عليا وعليكوا وعلى كل حامل يارب .. بس عايزة اقللك على حاجه مهمه جدااا انا مضحكتش عليكى لما قلت لك ان الصبغه سهله لا ومش من النوع اللى اقعد اهون المواضيع على الواحده لحد ما تدخل وتاخد الالم على وشها ومبحبش حد يعمل ده معايا لانه بيخدعنى بأسم انه بيطمننى لا انا احب الصراحه فى الامور دى وكنت بقول لك الكلام ده لان انا سألت دكتور عادل على الصبغه وشرحهالى وسألت بنات كتير هنا فى المنتدى ولقيت ان الالم بيتفاوت بس حسب احتمال الواحده لكن فى النهايه هو فى حد ذاته بالظبط زى تعب البيريود فهمتينى .. ومش بياخد وقت يعنى من خمس دقايق لربع ساعه على الاكثر وبعد كده بتقومى وبتكونى خلصتى وتاخدى مسكن وخلاص وده تقريبا الكلام اللى قلته لك بالنسبه للمنظار انا ما عملتش منظار ولا اعرف حتى عادل بيعمله فين ونصيحتى متسأليش حد طالما ارتاحتى له راسليه على الميل واسأليه فى كل حاجه علشان تعرفى التفاصيل وهو مش هيبخل عليكى بيها ... وعلشان تبقى الامور واضحه وتبقى المعلومات مؤكده وما تحتاريش وبالنسبه لموضوع الالتصاقات طبيعى ومنطقى انه ما يعملش طبعا التصاقات ولا بتاع والا مكانش حد عمله يعنى هييجى يحل مشكله يخلق مشكله تانيه !!! مش معقول طبعا وتوكلى على الله مع عادل لان تخصصه مناظير اساسا فا مش تقلقى ابدا ان شاء الله ولو حالتك تستدعى تعملى المنظار خلاص يبقى جو اون.. وكلمه بقه فى ودنك يا بوبا بلاش تفكرى ايه بيتعب وايه مش بيتعب علشان مهما كان التعب فا احنا هنتحمله فى سبيل ان ربنا يكرمك بإبن او ابنه يكونوا فى حضنك صح ولا لا وهنتحمل الوجع واحنا راضيين ربنا يا بنتى خالقنا كده .. واخر حاجه بقه ان التفكير فى ان ده هيتعبك وهيوترك زياده واحنا مش ناقصين اساسا الله يكرمك وفرى تفكيرك لحاجات تانيه اهم واكثر ايجابيه علشان تبقى بتضيعى مجهود ذهنك فى حاجه مفيده.. خليكى بقه فريش على طول وروق كده يا جميل وكل حاجه سهله بأمر الله بس توكلى على الله

بوبـــا .. الف حمدالله على سلامه زوجك وربنا يخليه لك وما يرحمكيش منه ابدا وحمدالله على سلامتك...