ام انس 2006 :

السلام عليكم يابنات معلش يابنات الكلام الي هكتبه ده لاااازم كلكم تقرأوه بعد إذنكم وبعد إذنكم هبدأ بمقدمة طويلة شوية عشان تفهموا الكلام الي بعد كده جه ازاي انا رحت لدكاترة كتييييييييير جدا مش بس امراض نساء لأ أي تخصص كنت بطلع بنفس النتيجة >>>الي هي ايه بقى ؟؟؟ اسمعوا انا زوجي كان هيموت قعد في مستشفى كبير جدا اربع ايام مش عارفين يشخصوا مرضه لكن كانوا بيدوا له علاج ينظم ضربات القلب لأنها سريعة جدا من المرض الي هما مش عارفين يعرفوه والعلاج ده بيأثر على وظائف الرئة من اثاره الجانبية يعني المهم وبعد ما ننقل زوجي مستشفى تانية في مدينة تانية يطلع عنده جلطة في الرئة والدكاترة تستغرب ازاي هو ما ماتش مش بس من الجلطة لا ومن العلاج الي اخده اللهم لك الحمد والشكر يارب المهم التعب ده كان من سنتين ونص ولحد الآن كل ما ييجي يعمل فحص او يكشف كل دكتور يقول له حاجة شكل الي يقول مكنتش جلطة والي يقول كانت في الرجل والي يقول مستحيييل تكون من الرجل وهكذا النتيجة ان ربنا هو الشافي وانا تعبت كتييير جدا بعد مرض زوجي وطول فترة سنة ونص وانا دايخة على الدكاترة في المدينة الي عايشة فيها والمدينة الي جنبها كمان وكل دكتور بكلمة ومفيش ولا علاج اخدته من أي واحد فيهم وارتحت عليه والله كنت بتعب زيادة وبعد فترة طوييلة التعب الي عندي خف لوحده النتيجة ربنا هو الشافي اما بقى لدكاترة امراض النساء فحدث ولا حرج يكفي تعرفوا ان افضل دكتور عندنا وقدام عيني لما رحت له كان فيه ناس من دول تانية جاية تكشف عنده اتعالجت عنده 7 شهور بالمنشطات اوهمني خلالها بالحمل مرتين كان بيكتب لي على حقنة اسمها بريجنيل قبل موعد الدورة بيومين تلاتة عشان تثبت الحمل إذا حصل وماقاليش انها فيها هرمون الحمل واني لو حللت وطلع ايجابي هيكون من الحقنة مش حمل حقيقي سابني احلل وكمان كتب لي على مثبت وكنت بخده والدورة نازلة على امل انه اجهاض ويرتفع الدم عيشني احلى حلم في حياتي وبعد ما اكتشفت المعلومة دي من خلال بحثي في النت واجهته اكد لي ان تأثيرها ساعات معدودة بس واكد لي اني كنت حامل في المرتين حد فهم حاجة ؟؟؟؟ فهمتوا انا ليه بقول لكم الكلام ده ؟؟؟؟؟؟ انا قلت لكم الكلام ده عشان تعرفوا مدى ثقتي بالدكاترة وكلامهم كده المقدمة خلصت اربطوا بقى بينها وبين موضوعي التالي انا سبق وتكلمت على الدكتور عادل فاروق البيجاوي قلت لكم اني عملت عنده منظار وقال ان عندي اندوميتريوزيس خفيف ومحتاجة علاج وقلت لكم اني خفت اخد العلاج ده ورحت لطبيب تاني اخصائي مناظير وقال معنديش حاجة خالص ومش محتاجة علاج والي يقرأ مشاركتي ويفكر فيها شوية هيفهم اني كان نفسي حد يقول لي اسمعي كلام الدكتور عادل برده انا بقول الكلام دده ليه بقوله لأني من ساعة ما اتكلمت على الدكتور عادل كده وانا متضايقة من نفسي انا لما قلت الكلام ده كان بسبب عدم ثقتي بالدكاترة جميعا وان انا وزوجي واختي لينا قصص مع الدكاترة وصرفنا الي ورانا والي قدامنا عليهم بدون نتيجة لكن انا اصغر بكتيييييير من اني اقول كلام زي ده على دكتور صاحب فضل على ناس كتييييييييير ومنهم انا طبعا ورمال تقول لكم اني بعد ما قلت الكلام ده مشاركتش تاني معاكم إلا بعد ما حاولت اعتذر لها عن الي قلته ومن يومين كده أخت لينا طلبت ايميله وبعته لها ومن ساعتها وانا عمالة افكر اقسم بالله العلي العظيم اني صادقة اني كنت بفكر في صيغة ابعتها له في ايميل اشرح له فيها كل الكلام الي قلته عنه واعتذر له واطلب منه يسامحني اقسم بالله العظيم وده مش قسم سهل لكن هو سبقني وبعت لي ايميل النهاردة الصبح وانا مش هرد عليه في الايميل انا برد عليه هنا وهبعت له الرابط وهيقراه وبقول له يادكتور عادل انت أحسن دكتور في مصر وانت اكبر بكتير من انك تبعت لي الميل ده وانا اصغر بكتييير من اني اخطأ فيك والله والله والله انا كنت مشتتة وعايزة حد يقول لي اسمعي كلام دكتور عادل والكلام ده حصل اول انضمامي للمجموعة دي ده معناه فعلا اني كنت عايزة اعرف رأسي من رجلي وانا شريط المنظار معايا لسة محدش تالت شافه عشان محدش يقول اني بعتذر لأني اتأكدت من كلام الدكتور عادل لأ انا بعتذر لأني عايزة اعتذر له لإحساسي بالذنب من كلامي لكن في الاول والاخر انا مين عشان افتي في دكتور زي د عادل وكل الكلام الي قلته اكيد مأثرش في حد يا دكتور انا اسفة حضرتك والله الوحيد الي حسيت انك فاهم والوحيد الي لقيت عندك اجابة لكل اسئلتي واجابات مقنعة جدا لكن اللخبطة الي حصلت ده شيء وااارد لأننا بشر انا اسفة جدا جدا جدا والله والله حضرتك احسن دكتور في مصر

السلام عليكم يابنات معلش يابنات الكلام الي هكتبه ده لاااازم كلكم تقرأوه بعد إذنكم وبعد...