اشتقت اليك :

أنوستى بخير يا هوبة....و بيسلم عليكى كتير يا قمر....ربنا يسمعنى عنك سمع خير يا حبيبتى

أنوستى بخير يا هوبة....و بيسلم عليكى كتير يا قمر....ربنا يسمعنى عنك سمع خير يا حبيبتى

رمـــــال :

السلام عليكم ورحمه الله وبركاته انا مش عارفه اقول ايه .. اول مرة احس ان لسانى متلجم مش عارف ينطق ولا كلمه .. يعنى لما قريت كلام ان انس اتأثرت جدا و احترت ارد على المشاركه اقول ايه مفيش كلام يتقال بعد كلامها والله ... وقبل ما افوق دخلت لقيت كلام دكتور عادل فى وشى .. مش عارفه اقول اى حاجه حقيقى انا قدام انسانه صاحبه ضمير صاحى وده مش موجود كتير دلوقتى وقدام انسان اكتر حد فى حياتى احترمته وقدرته لحسن خلقه ورقى اسلوبه واخلاصه فى عمله واهه عمال يزود رصيده عندى وانا مفيش بينى وبينه معرفه سبحان الله ده هى مرة واحده اللى قابلته فيها لكن الارواح جنود مجنده فعلا اولا انا بشكر ام انس جدا على موقفها ده وعلى كلامها كله وبقول لها انتى انسانه قويه جدا علشان قاومتى نفسك ومافضلتيش مصرة على وجهه نظر التجارب اثبتت عكسها لا بالعكس انتى لما عرفتى انه انسان محترم راجعتى نفسك وبتصلحى الامور ماشاء الله عليكى ووارد جدا ان البنى ادم يغلط مش مشكله احنا مش ملايكه كلنا بنغلط لكن مش كلنا بنراجع نفسنا ونعمل زيك كده ودى حاجه كلنا لازم نتعلمها منك ونحترمها فيكى وانا شخصيا عجبنى كلام اشتقت اليك اوىى وبأيدها فى رأيها اللى بحييها عليه جدااااا انا شايفه انك تعملى بنصيحتها هى عندها حق فى كل كلمه قالتهالك ثانيا .. مش عارفه اشكر دكتور عادل ازاى على الدعاء ربنا يتقبله منه يارب ويكون له بالمثل .. وياريت يعرف انى بدعى له كتير جدا لانه بمنتهى البساطه انسان نضيف من جواه مش هقول عنه اكتر من كده مش لانه مايستاهلش لا لانى مش هعرف اوفيه حقه والله ..وكفايه رصيده عن رب العالمين من دعائى ودعاء ناس كتير زيى ليه .. ولازم يعرف ان ربنا هو اللى سخرنى انى ارد غيبته مش علشان انا انسانه ملاك يعنى ولولا انه انسان كويس مكانش ربنا سخرنى لده .. طيب احنا خلاص بقه نقفل كلام فى الموضوع ده وكفايه اللون الكحلى اللى كلنا اتلوننا بيه ونقول نتعلم ايه من اللى حصل .. انا شخصيا هقول اولا اننا منثقش فى اى طبيب كده وخلاص لا ناخد كلامه وندور معاه مش وراه لا ندور معاه كلامه مظبوط ولا لا ولو لقينا فعليا ان كلامه مبيتعارضش مع كلام اطباء فى نفس مستواه ومبيتعارضش مع المنطق خلاص نثق فيه ولو العكس يبقى نتناقش معاه بكل اللى بنشك فيه ونشوف ردوده وبعدين نحكم .. وكمان مينفعش ان الانسان يفضل كده جاهل لا لازم يدور ويعرف قدر كافى عن مرضه مش بقول انه يقرأ لحد ما يتجنن ويجيله هسهس لا نقرأ عن مرضنا بالقدر اللى يخلينا نفهم حالتنا ونحكم كويس على الطبيب اللى بنتابع معاه ونعرف ان كان فاهم ولا بيعك .. ثانيا اننا لو اتعاملنا مع حد سيئ مش نعمم الحكم على الناس كلها لان ده فيه ظلم بين لا يبقى حكمنا على الاطباء بالعقل والمنطق مش من مجرد احاسيس او خلفيات سلبيه بنيناها من تجارب سابقه .. ثالثا واخيرا ان مهما كان يا جماعه لازم كلنا على قد ما نقدر نرد غيبه الناس الكويسين ومش بالضرورة يعنى يبقى بالخناق لا يكون بالعقل وبالحكمه مهما اللى حوالينا عارضونا فى ده .. طالما بنعمل ده لله خلاص هنؤجر عليه ولما نلاقى حد بيرد غيبه حد مش نهاجمه ولا نزعل منه بالعكس نناقشه ونفترض ان كلامه صحيح الى ان يثبت العكس اشمعنى احنا بناخد الكلام الوحش من الناس ونصدقه بسرعه والكلام الكويس نرميه ورا ضهرنا وفى النهايه احب اقول لكم انى مكنتش اتصور ان فى يوم من الايام دكتور عادل ممكن يدخل ويشوف الكلام اللى حصل ده ومكنتش احب ابداااا انه يشوفه .. وان اللى راح وصل له الكلام ده بجد جرح الاتنين ام انس ودكتور عادل وده تصرف ينم عن نيه الله اعلم بيها لكن احساسى انها نيه مش طيبه بالعكس الاسلام بيقول ان لو اتنين اتخانقوا يبقى اللى حواليهم يوصلوا الخير بين الاتنين ده حتى الكذب ربنا شرعه فى الحاله دى يبقى ازاى اللى عمل كده كانت نيته خير ولا سليمه !!!! اللى عمل كده ربنا يسامحه لانه تسبب فى تعب واذى نفسى كبير اوى وواضح لدكتور عادل وكمان لام انس والله دموعى كانت هتنزل لما قريت كلام ام انس وبعدها لما قريت كلام دكتور عادل للدرجه دى لسه فى ناس بتأثر فيهم الكلمه وتخليهم يراجعوا نفسهم .. ده فى ناس بتعمل مصايب الله يعافينا ويتسببوا فى وفاه مرضاهم ولا بيتهز لهم اى شعره وياخدهم الغرور كمان فى انهم صح والدنيا حواليهم غلط بكرر تقديرى لام انس ويارب يرزقك بأنس وأخواته .. وبكرر احترامى واعتزازى بدكتور عادل وربنا يجعل كل ده فى ميزانك

السلام عليكم ورحمه الله وبركاته انا مش عارفه اقول ايه .. اول مرة احس ان لسانى متلجم مش عارف...

د/دينا :

ازيكم يا جماعه اولا معتقدش ان فيه واحده بتحب زوجها قدى احنا سوا من11 سنه صدقونى لو قلتلكم ان مجرد ماسمع صوته بس احس انى فى قمه السعاده ولو حتى كان بيناقرنى انا علشان كده والله غصب عنى بحس ان مش من حقى اربطه جنبى وانه مفروض يكون الان له اولاد وحياه غير دى وخصوصا انه كبير اخواته ويتيم الاب وان الحياه اللى انا فرضاها عليه مش مفروض يعيشها وانه يستاهل افضل من كده هى دى كل الحكايه والله مش يأس من فى موضوع الحمل بس مجرد احساس انى ممكن اكون من جاء فيهم قول الله <ويجعل من يشاء عقيم>

ازيكم يا جماعه اولا معتقدش ان فيه واحده بتحب زوجها قدى احنا سوا من11 سنه صدقونى لو قلتلكم ان مجرد...