بوبا انا جربت البردقوش وهو مفيد جدا للتكيس والمرامية شربتها مرة واحدة بس طعمها ما عجبنيش:06:

كوكر حلو التوقيع بتاعك انتى عملتيه ازاى انا ماعرفتش اعمله

و الله يا ميزو انا حكايتى تكسف....انا فعلا عملت ريجيم مع نفسى...و كل اللى يعرفونى قالولى انى خسيت فعلا و كان باين فى الهدوم....لكن لما وزنى لقانى متحركتش و لا جرام من ال 75 اللى كنت عليها المرة اللى فاتت...طبعا كان هيبطحنى ...لكن اللى شفعلى انى كنت عدت التحاليل و النتيجة الحمد لله كانت زي الفل و ان هرموناتى اتظبطت جدا.....

فأدانى من عنده نظام ريجيم...و قالى كل اللى فاضلك دلوقتى انك تخسى ال 15 كيلو الزياده دول.....ادعولى بقى

ام انس الحالية ربنا يكرمك يا حبيبتى و ان شاء الله تخسى المرة اللى جاية ساعات الجسم بيجى عليه اسبوع و يتنح و ميرضاش ينزل فمتقلقيش


مميزات حبيبتى انتى اللى اخبارك ايه انا الحمل ماشى حالو و بقيت فى اخر الرابع
بصى بالنسبة للتوقيع اضغطى على الشريط حيدخلك على رابط جديد حتحطى التاريخ المتوقع لولادتك ان شاء الله و بعدين حينقلك على صفحى تانية و حتلاقى فيها 3 بارات كل واحد فيها تقريبا نفس الكلام بس كل واحد بيقبل فى منتدى معين انا تقريبا التوقيع بتاعى اللى هو تانى واحد بتاخدى اللى مكتوب كوبى و تروحى تحوطيه بييست فى توقيعك و حتلاقيه ظهر على طول


بوبا ابعدى عن الميرامية عشان فى ناس مش بتشكر فيها لكن البردقوش منظم طبيعى للهرمونات و عموما كل شئ يزيد عن حده ينقلب لضده و ربنا معاكى يا رب

بس انا عاوزة اسأل سؤال قديم حبتين هو انتى المشكلة عندك فين؟

السلام عليكم

ازيكم يابنات

ايه اخباركم

فطوم عاملة ايه؟؟

اشتقت ليك حبيبتي على فكرة انتي ممكن تكوني خسيتي فعلا بس عملتي عضلات وده الي مخلاش فيه فرق في الوزن بس كويس العضلات بتساعد في حرق الدهون

وعقبال ماتخسي كل الي انتي عاوزاه بصحة وعافية

كوكر ومميزات ربنا يقومكم بالسلامة يارب



باقي البنات كلكم اخباركم ايه ؟؟

يا بوبا انا شايفة انك تهدي نفسك الفترة الجاية لحد ما تنزلي مصر وتعملي منظار وفي الفترة دي عليكي بالاستغفار والدعاء

انا شايفاكي على اعصابك كده زي ما كنت انا في اول الجواز وطبعا مش محتاجة اقول لك التوتر نفسه ممكن يأخر الحمل

اما يابنات بالنسبة للبويضات ففيه معلومة

لما الدكتور مايلاقيش بويضات ده مش معناه ان البويضة خلاص خرجت

هو الدكتور بيقول بويضة مجازا لكن الي بيتشاف في السونار ده الجراب او الكيس الي فيه البويضة والبويضة لا ترى بالعين المجردة ولما تخرج االبويضة من الكيس الكيس بيفضل موجود لأن لو حصل حمل الكيس ده بيتحول لحاجة اسمها الجسم الاصفر هو الي بيغذي الجنين لحين تكون المشيمة واذا محصلش حمل الكيس بيقل قبل الدورة بيومين تلاتة وبعدين يختفي مع الدورة

يعني سواء خرجت البويضة او مخرجتش الكيس بيفضل موجود كل الحكاية بيحصل اعوجاج في الكيس نتيجة انفجاره وخروج البويضة منه
الكلام ده على مسئولية الدكتور الي كان بيعالجني هنا في الاحساء