انا فعلا مش عارفة هى ليه كبرت الموضوع على نفسها كده ربنا يهدي لها الحال يارب وتدخل تطمنا.كمان فين هبة وكوكر

هونى عليكى يا نيفو....و روحى اتغدي....فطومة لازم تاخد وقت علشان تهدي....و انا واثقة انها هتتخطى الموقف ده....وبعدين يا جماعة الموقف بيبقى قاسى لما الواحد يكون متعشم بحاجةبيحلم بيها و بعدين ينزل على مفيش......

احنا هنسيبها تهدي أعصابها و تفكر كويس وهى هترجعلنا ان شاء الله بكره الصبح و هى زي الفل.....

ازيك يا أوشى ....يا ريت تكونى بخير

بصراحة ملف ممتاز جدااا ربنا يرزق الجميع بالذرية الصالحة و يرزقكم الصبر

انا يا بنات محتارة بين مركز جنين او مركز ابوالغار علشان اعمل حقن مجهرى قولى لى رايكم ايهما افضل من حيث التقنيه المستخدمة لانه فى ناس قالوا مركز جنين اكثر تقدما لانهم بينقالوا الاجنه باليوم الخامس او السادس بس لما دخات موقع جنين لقيتهم كاتبين انه نقل الاجنة بتحدد حسب كل حالة فمش عارفه ايه الحل

انا حجزت عندهم بس مستنية ارائكم من الافضل

اشتقت اليك اذيك ايه اخبارك؟ انا عارفة والله ان الموضوع صعب جدا على فاطمة بس احنا عايزينها تخرج من اللى هى فيه انا مرة صاحبتك اتاخرت عليا يوم واحد وغلاوتك عندى قلبت الدنيا وقلت لجوزى لازم تنزل تجيب لى شريط حمل وغلاوتك ما عدا نص ساعة ولاقيتها مشرفة عملت مناحة يوميها اكيد كلنا مرت علينا الظروف دى بس احنا خايفين على طماطم ربنا يطمنا عليها

مش عارفه يعنى نستنى فعلا ومش نسأل على طماطم لحد ما تهدى على رأى شوشو ... ولا نفضل نكلمها كده وهى لما تدخل وتشوف كلامنا فى اى وقت ده ممكن يهون عليها حالتها اكتر ويخليها تتشجع وتتحمل الموقف ؟؟؟ انا احترت بين ده وده لكن انا شايفه انه الافضل انها تحس اننا جمبها يمكن ده يخفف عليها ... وكمان هيحسسها ان الموقف مهما كان لازم هى تتقبله وتعديه وتعيش حياتها وتحاول مرة تانيه احنا لسه صغيرين وان شاء الله بالصبر كل حاجه تتحل

بالنسبه للاخت الهدى والنور اهلا بيكى ونورتى موضوعنا .. بصى يا حبيبتى الاتنين سمعتهم هايله جدااا ومفيش واحد فيهم احسن من التانى من حيث التقنيه او التجهيزات لكن الفرق بينهم فى الانتظار يعنى اعرف ان مركز ابو الغار الحجز فيه بيبقى بعيد شويه ولازم تستنى دور وده بيكون بعد فترة .. وفى ناس كتير عملو عملياتهم فى المركزين وشكروا فيهم بس اشتكوا من الانتظار فى مركز ابو الغار .. وطالما انتى حجزتى فى جنين يبقى توكلى على الله والخيرة فيما اختاره الله وهناك هتلاقى برده اهتمام كبير جدا ...وخلى بالك من معلومه بس ان القائمين على الموقع بتاع مركز جنين ظلموة بعدم التحديث وعدم الاهتمام بالتعريف بالمركز اكثر وبالتواصل مع اللى بيراسلوة يعنى مش ليكى دعوة بموقعهم لانه فاشل شويتين بالنسبه لموقع ابو الغار... هى دى معلوماتى يا حبيبتى اتمنى اكون افدتك وربنا يكرمك فى العمليه ويرزقك بالذرية الصالحه يارب العالمين

طماطم انا بجد والله قلقانه عليكى .. طيب احنا عارفين ان حالتك النفسيه وحشه بس احنا لينا حق عليكى برده تطمنينا وتمشى تانى يا ستى .. وبالله عليكى بقه كفايه العذاب ده خففى على نفسك شويه ,, ربنا يكرمك يا حبيبتى ويثبت قلبك يارب