السلام عليكم يا بنات , انا بتابعكم من زمان بس كل ما أقرأ كلامكم بحس بالامل و التفائل , معلش حفرض نفسى عليكم انا نفسى اكون صحبتكم كلكم , بجد .
ها رضيين ؟؟
و حتى لو مرضيتوش حصحبكم غصبن عنكم..........(بهزر )
ممكن احكى حكيتى :
أنا عندى بنوتة (ربنا يحفظها و يهديها عليا ),اول متجوزت جبتها زى أشتقت اليك كده وبس, هيا عمرها 4 سنين , أنا مش من القاهرة انا من محافظة بعيدة اوى (تعتبر اخر محافظة فى مصر ), و بسافر علشان الدكاترة كل شويتين , كنت بتابع مع دكتور ثروت الاهوانىو عملت منظار من 6 شهور و قاللى مفيش حاجة و عملت قبلها صبغة قالو احتمال يكون فيه التصاق فى الحوض بس بعد المنظار قاللى لا مفيش حاجة (يا رب فعلا ), و خت الكلوميد مع الحقن التفجيرية اربع شهور و بعدين بطلت تلات شهور , و طبعا انا رحت كده يجى لخمس دكاترة واحد منهم مات(الله يرحمه ) فغيرت لدكتور ثروت .
أنا دلوقتى بقالى سنتين بس كنت متوترة السنة الاولى جدا لدرجة انى كنت بخس خالص من غير سبب و معرفش انام , و دا من وسوست الشيطان ( أعوذ بالله من الشيطان الرجيم ) و جالى اكتئاب جامد اوى من اربع ايام بس الحمدلله تغلبت عليه الى حد كبير
أنا مش عارفة اعمل ايه هل اتجه للتلقيح الصناعى و لا مجهرى و(الا اسكت و كفاية كلامى الكتير ده) و لا استنى و اخد منشطات تانى مع العلم بيطلع فى كورس الكلوميد اربع و ست بويضات ................. ها اعمل ايه؟؟؟؟؟؟؟؟
بصو انا زهقت من نفسى و ملليت منها فياريت تستحملونىو ردو عليا
و مع السلامة
على فكرة أنا اتعلقت بيكم بجد و دا اول مرة تحصللى بالذات الناس اللى هنا زى فاطمة الزهراء و اشتقت اليك و هابى موزر و رمال كلكم كلكم
Neevooo
•
دودو ام جوجو
اهلا وسهلا بيكي يا حبيبتي 000نورتينا و احبك الذي احببتنا فيه000 و ربنا يحفظ بنوتك من كل سووووووووووووووء يااااااااااااارب و ان شاء الله تعالى ربنا يرزقك بأخ ليها و يبقى عندك جوجو و طمطم و تعمليلهم حلقات للصبح
انت بتقولي من آخر محافظات مصر يعني من النوبة يا هلا مسكاجينا 000 مسكابشوج ( يا بنات الكلمتين دول يعني اهلا وسهلا و كيف حالك بالنوبي )
صح يا دودو و لا لأ لو غلط الحقيني الله يكرمك
بالنسبة للدكتور اللي قالت عليه رمال لشوشو فبعد اذن رمال روح قلب قلبي من جوة 000 هو عادل فاروق البيجاوي و كل بياناته هتلاقيها في اول صفحة في الملف بتاعنا
و على فكرة هو دكتور كلمة ممتاز قلييييييييييييييييييلة عليه ربنا يكرمه و يرزقه و يجازيه كل الخير انا للاسف مش روحتله لكن بتفرج عليه في قناة الصحة و الجمال و المواعيد زي ما رمال قالت اعتقد الجمعة 3.15 العصر
اما عن الاكتئاب فاللي حضرتك متعرفيهوش انه لا مكان له بيننا و انت بس كل اللي عليكي انك تدخلي ترمي اللي عندك في حضننا و كله ان شاء الله هيبقى تمااااااااااام التمااااااااااااام
ربنا يكرمك يا رب يا حبيبتي و يجعل وشنا حلو عليكي و يرزقك من حيث لا تحتسبي
بوسيلي جوجو
اهلا وسهلا بيكي يا حبيبتي 000نورتينا و احبك الذي احببتنا فيه000 و ربنا يحفظ بنوتك من كل سووووووووووووووء يااااااااااااارب و ان شاء الله تعالى ربنا يرزقك بأخ ليها و يبقى عندك جوجو و طمطم و تعمليلهم حلقات للصبح
انت بتقولي من آخر محافظات مصر يعني من النوبة يا هلا مسكاجينا 000 مسكابشوج ( يا بنات الكلمتين دول يعني اهلا وسهلا و كيف حالك بالنوبي )
صح يا دودو و لا لأ لو غلط الحقيني الله يكرمك
بالنسبة للدكتور اللي قالت عليه رمال لشوشو فبعد اذن رمال روح قلب قلبي من جوة 000 هو عادل فاروق البيجاوي و كل بياناته هتلاقيها في اول صفحة في الملف بتاعنا
و على فكرة هو دكتور كلمة ممتاز قلييييييييييييييييييلة عليه ربنا يكرمه و يرزقه و يجازيه كل الخير انا للاسف مش روحتله لكن بتفرج عليه في قناة الصحة و الجمال و المواعيد زي ما رمال قالت اعتقد الجمعة 3.15 العصر
اما عن الاكتئاب فاللي حضرتك متعرفيهوش انه لا مكان له بيننا و انت بس كل اللي عليكي انك تدخلي ترمي اللي عندك في حضننا و كله ان شاء الله هيبقى تمااااااااااام التمااااااااااااام
ربنا يكرمك يا رب يا حبيبتي و يجعل وشنا حلو عليكي و يرزقك من حيث لا تحتسبي
بوسيلي جوجو
الصفحة الأخيرة
هابى....وحشتينى يا قمر و فعلا عايزين نعرف ايه خطواتك الجاية...احنا كده كده بندعيلك على طول
طمطم .. ايوه كده فرفش دايما يا جميل و ان شاء الله الخير جاي و مش هنلاحق عليه
هبه...ربنا يرجعك لينا بالسلامة يا حبيبتى و ييسرلك كل أمورك
أوشى...عروسة التجمع :26::27:...انا سميتك العروسة...و يا ريت تعيشى يومينك دول كعروسة فعلا...ربنا يوفقك و يهدي سرك مع زوجك و يشفيه ان شاء الله
شيمولاتا...كويس يا حبيبتى انك طمنتينا عليكى...و ده واجب علينا اننا نسأل على بعض...يا بنتى احنا اخوات ....المهم انت فعلا بلاش احباط و اتصلى بالدكتور و ان شاء الله ربنا يجعل الشفا على ايديه...و على فكرة انا اللى قلتلكم انى كان عندي ميعاد امبارح عند الدكتورة...لكنى لغيته و قررت انى اروح للدكتور بتاع رمال لانى ارتحت لكلامها عنه...و كمان الأفضل انى أروح لدكتور ح مجربه بدل ما نقعد نلف على الدكاترة و يا تصيب يا تخيب...عموما انا ميعادي السبت الجاي ان شاء الله...واكبيد هابقى اقولكم تقرير مفصل..
نيفو..وحشتنا كتير يا قمر...و بعدبن انتى قلتى هتزوري ماما...مش هتروحى و تقولى عدولى....اتفضلى هنا حالا و إلا هنخليكى بعد كده تمضى تعهد انك مش هتتاخري كده تانى لما تروحى لست الكل...يا رب تكونى بخير يا حبيبتى...و لو فيها تطفل...انتى قلتى ان عندك تكيس ...يا ريت تقوليلنا انتى بتتعالجى و لا مكبرة الدماغ...علشان لو كده لازم ننتظم كلنا و نعمل خطة علاجية و اللى هيكسل...:22::024:
رمال يا حبيبتى انا الحمد لله كويسة أوي ... انا صحيحكنت قلتلك براحتك فى موضوع التراب ...لكن مش لدرجة انك تسوقى فيها بالشكل ده...يا بنتى انا كنت هاتخنق...لكن برضه مش عايزينك تختفى...و طبعا زي ما ذكرت انا ميعادي مع الدكتور السبت اللى جاي...و هاروحله على طول لسبب مهم...انى عاملة كل التحاليل (برولاكتين، FSh,LH, Progesterone ) وكمان عملت أشعة الصبغة... وكمان لما هاروحله هاكون فى فترة التبويض..و يهمنى أوي انى أشوف حجم البويضة و الرحم هيكونوا عاملين ايه من غير أي أدوية...و لو طلب تحاليل تانية كده كده مش هنقدر نعملها غير الشهر الجاي لان الميعاد عدي خلاص....و يا ستى نبقى نعملهاله مكان ما يحب ..هى يعنى جت على ديه....و طبعا جازاك الله كل خير على المعلومات ديه..انتى فعلا نعم الأخت...
رنا يبارك فيكم جميعا