حبيبتى فطومة انا اسفه بس هسألك .. انتى حالتك كانت ايه بالظبط مش انتى عندك تكيس؟؟ ولا انا نسيت ؟؟
good after noon girls how are u i miss u soooooooooooooooooooooo much i say hi every girl here i love u
الصفحة الأخيرة
ازيكم يا اخواتى عاملين ايه .. انتوا ناويين تعملوا رجيم وانا مش هعرف اعمل معاكوا غير بعد الولادة بأمر الله .. انا كده هعيط .. :06: عموما انا هشجعكوا من بعيد وامرى الى الله :39:
ازيك يا شيمولاتا كنتى فين اليومين اللى فاتوا دول يا قمر؟؟ المهم حمدالله على السلامه ..ربنا يكرمك يا حبيبتى على الدعاء بس تعرفى انا هقول لكوا على حاجه مش هتصدقوها انا اول ما حملت كنت خايفه مووت يطلع توأم لانى كنت واخده منشط وكان عندى بويضات كتير فى السونار وقلت اخ يبقى اكيد هيبقوا توأم وما ارتحتش غير لما رحت للدكتورة وعملت اول سونار وقالت لى انه واحد واكدت لى الكلام ده ساعتها تنفست الصعداء .. اصل اخويا عنده توأم ماشاء الله عندهم سنه وعشر شهور بس مش قادرة اوصف لكو الموضوع صعب قد ايه وحمدت ربنا انه ادانى على قد صحتى بجد
نوفى انتى فين النهاردة غطسانه فين يا حبيبتى ... مش دخلتى ليه مستنياكى ما تتأخريش .. بحبك موووووت :33:
دودو ام جوجو .. برافو عليكى ايون احفظى الاسم الحركى للنونو علشان تبقى تسألى عليه على طول بالاسم .. وبعدين تعالى هنا انتى نظرك كام بالظبط :07: ؟؟ مش نيفو اللى قالت لك انك خلصتى على الدكاترة يا فالحه .. ارجعى شوفى مين اللى قاللك .:freak6:... وبالنسبه لتحليل زوجك بالظبط زى ما اشتقت اليك قالت لك انه على الاكثر 3 ايام ولو زاد الوقت اكتر من كده بتكون الحيوانات ضعيفه علشان كده خليها فرصه تانيه يكون مر تلات ايام بس وفعلا لما عملنا تحليل زوجى كان ده من ضمن التعليمات
وبعدين انتى ليه محيرة روحك يا حبيبتى محدش بيجرى يعمل عمليات كده الا لما يكون متاكد ان ده الحل الاخير علشان كده زى ما قلت لك وهقول لك كمان اولا انتى استشيرى كذا دكتور بعد ما تكونى عملتى كل تحاليلك وساعتها تقررى انتى بنفسك بقه هتعملى ايه ولو انى مستغربه انك بتفكرى فى عمليات وانتى اصلا قبل كده حملتى بدون شئ يعنى اكيد الحكايه كلها خلل بسيط وممكن يتحل بسهوله من غير عمليات .. بس انتى اركزى كده واهدى لما نشوف اشتقت اليك هتعمل ايه عند دكتور عادل لو ارتاحت له هى كمان ابقى خدى تليفونه وكلميه فى التليفون واستشيريه ياستى .. وفى حاجه عايزة اقولها لك ان اللى بيعمل المنظار لازم يبقى فاهم كويس جداااا ويكون تخصص مناظير مش اى دكتور بيعمله يا هانم .. وكمان التحاليل لازم بتتعمل كل شويه علشان تعرفى حالتك وصلت لفين مينفعش تحاليل من سنه ونص دى ..
اشتقت اليك .. حبيبه قلبى :27: عامله ايه يارب تكونى بخير وازى انوس حبيبى عامل ايه .. مش هو عنده 4 سنين صح ولا انا نسيت.؟؟ لو هو كده يبقى هو من عمر بنت اختى اللى بموووت فيها
بالنسبه لسؤالك دكتور حسام ولا دكتور عادل انهى احسن .. بصى دكتور حسام اختى وزوجة اخويا بيتعالجوا معاه من سنين وهو ماشاء الله عليه بجد بس هو اكتر تخصصه العقم وبحس انه بتاع الحالات الصعبه خالص والناس اللى مخلفتش قبل كده خالص يعنى الموضوع معاه هيبقى كبير وواسع .. ودكتور عادل طبعا زى ما حكيت لكوا عليه انا شخصيا جربته وهو بقه تحسيه بتاع كله بتاع امراض النسا وبتاع مناظير وده تخصصه وبتاع عقم وتاخر انجاب .. بس بحس ان حالتك انتى ودودو مش محتاجه مركز جنين لان اللى عندكوا مش عقم يعنى الاول علشان ما تكبروش المسأله على نفسكوا روحوا لعيادة دكتور عادل الاول ولو فى مشكله تستدعى مرواحكوا مراكز العقم هو بنفسه هيوجهكوا ليها وده قاله لى اول مارحت له ... وفى النهايه برده الاتنين كويسين واحسن من بعض عن تجربه
طماااااطم ..ازيك يا جميل :) عامله ايه ها ايه الاخبار عندك قوليلنا .. بدأتى تاخدى المنشط طبعا صح ؟؟
هابى مازر .. ازيك يا حبيبتى عامله ايه .. مش عاوزين غياب اليومين دول بالذات .. علشان مش نقلق عليكى
اوشى حبيبتى انتى قلى هدخل اسلم عليكوا قبل ما اسافر ومش دخلتى :blink:.. انا زعلانه منك