دودو....انتى حجزتى فى مركز جنين....يا ريت تقوليلنا بيدوكى ميعاد على طول و لا بتاخدي وقت طويل...و حاولى تروحيلهم بس المرة دي تركزي شوية مع دكتور واحد...التنطيط الكتير ده بيعمل تشتيت....و يا ريت لما تروحى تبقى يا حبيبتى تقوليلنا عملتى معاهم ايه...

فطومة...الحمد لله يا حبيبتى ان كل حاجة عندك و عند زوجك تمام...يبقى كل ما فى الأمر اننا فى انتظار ان ربنا يأذن...يا ريت يا حبيبتى تقبلى نصيحتى و تستمتعى بوقتك مع زوجك و مترهقيش جسمك أوي بالأدوية و المنشطات ...وان شاء الله يا حبيبتى فرجه قريب...و الله يا بنتى أعرف ناس كتير قعدوا اللى قعد سنه و اللى قعد خمسة من غير أسباب خالص و فيه منهم اللى عمل عمليات و فشلت و بعد كده ربنا أكرمهم طبيعى بطفل و اتنين و تلاتة...ربنا يكرمك يا حبيبتى و يعطيكى حتى يرضيكى..

أختنا الهدي و النور..أهلا بيكى معانا...و لو مفيهاش فضول يا ريت يا حبيبتى تقوليلنا انتى ايه السبب اللى أخر الحمل عندك بعد طفلك الأول...

أختنا أم أنس....أنا برضه أختك أم أنس ...عقبال ما ربنا يديكى أنس و أخوات لأنس...أنا يا حبيبتى عندي ميعاد عند دكتور عادل السبت اللى جاي ان شاء الله...و ده بناء على شكر الأخوات نيفو و رمال فيه...و أكيد هاقولك هاعمل عنده ايه..بس يا ريت اعرف منك ايه اللى خلاكى متستريحلهوش...هل معاملته...ولا كلامه ماقنعكيش و لا لقيتى تناقض بين كلامه فى التليفزيون و كلامه فى العيادة؟...
و بالنسبة للريجيم انا هاحاول انضم للمسابقة اللى فى قسم السمنة...و يا ريت باقى أخواتنا ينضموا و نشوف هنصمد و لا ايه...

شيمولاتا...يلا يا حبيبتى ورينا الهمة فى الريجيم....و كمان حاولى تجربى الخلطات بتاعة التكيس اللى بتاخدها نيفو دلوقتى...

أوشى....ترجعى بالسلامة

نيفو....يلا يا قمر.....فينك النهاردة...

رمال...اختفائك ده قالقنى عليكى يا حبيبتى...تعالى طمنينا عليكى انتى و فستوك...

الهدي و النور...سامحينى...كتبت مشاركتى قبل ما اشوف مشاركتك....ربنا يخليلك ابنك و يصلحلك الحال...و بعد اذنك انا حاسة انك مخوفة نفسك زيادة عن اللزوم...حبيبتى اللى أعرفه ان من أول قواعد التلقيح أو الحقن ان بيحصل تحضير للسائل المنوي و فصل الحيوانات المنوية و اختيار أفضلها ووضعه فى البيئة المناسبة و تنشيطه حتى يكون صالح للإخصاب...يعنى متخافيش...و اتكلى على الله و اعملى العملية...و النجاح ده بإيد ربنا وحده....ربنا يعملك اللى فيه الخير

اهلا يا قمر و الله مش خايفة زيادة و لا حاجة انا خوفى كله من الهرمونات و بابا دكتور و دى المشكلة لانه فاهم كويس قوى فى الححاجات دى و ربنا يستر

يا النور و الهدى فكيها من الخوف انا اقعد اقراء و اقراء عن الاثار الجانبية و اخاف و اسال و شفت حالات عندها ميه من المنشطات بس دا قليل الحقيقى و يمكن باذن الله السيطرة عليه, و بعدين زى نا اشتقت اليك قالت هم بيخدوا عدد قليل اوى من الحيوانات المنوية يمكن حتى خلايا يستخرجوها لو كان العدد صفر فى السائل المنوى و بعدين بيلقحو بيها البويضات و يشوفو الاجنة المنقسمة يرجعوها .
و بعدين خللى عندك امل ايه هوا ده باذن الله خير و بعدين حقيقى لو الحالة بالنسبة للزوج ملهاش حل غير الحقن المججهرى توكلى على الله و استخيري .
و بعدين هوا مسبب الاسباب .

الحجز عند مركز جنين قبله باسبوع , بس كان زحمة فقالتتلى بعدها بعشر ايام
هوا اسهل من ابو الغار انا حجزت هناك قبلها 3 شهور بس الدنيا كانت زحمة خالص بس والناس مخنوقة من بعضها و محدش بيضحك و الموظفين متضيقين من الناس .
بس د. ابو الغار انسان كويس بس الناس اللى حوليه خنقه و هوا قللىاستنى شهرين تلاتة و بعدين توكللى على الله فى التلقيح الصناعى ( من 6 شهور) .
بس الصراحة فيه ناس كانت داخلة للدكتور كانو جايين للمرة الثانية و عيالهم معاهم من التجربة الاولى.