رمـــــال :

:) السلام عليكم ورحمه الله وبركاته الاخت العزيزة أم انس .. الاول برحب بيكى معانا ونورتى الملف بتاعنا وتتفضلى معانا فى اى وقت وتشرفينا ,, ثانيا ربنا يكرمك ويرزقك الذريه الصالحه السليمه المعافاه بأمر الله انا طبعا ردى النهارده بناء على مشاركتك اللى بحترمها تماما وبقدر وجهه نظرك فيها تماما بس دايقتنى فى كذا حاجه معلش سامحينى وتقبلى كلامى بصدر رحب احنا كلنا هنا هدفنا اننا نخدم بعض .. والله المستعان .. وقبل ما اقول كلمه لازم تعرفى ان اللى دايقنى فيها مش رايك فى الدكتور نفسه لا ده شئ انتى حرة فيه لكن اللى دايقنى طريقه كلامك عنه بالشكل ده دون اعتبار ان كلامك برده سامحينى بعضه كان مبنى على احاسيس وباقى الاسباب اللى ذكرتيها هى حاجات يختلف عليها اتنين دكاترة وده برده طبيعى انه يحصل ووارد بين الاطباء نيجى لاول نقطه انتى قلتيها يا أم أنس ان سعر المنظار عنده غالى طيب يا حبيبتى ما سعر المنظار بيختلف من طبيب لاخر خصوصا لما يكون تخصصه جراحه مناظير وعقم زى دكتور عادل يعنى اكيد تقدرى تخمنى انه اغلى من اى طبيب تانى مش متخصص فى المناظير .. الا اذا كان الدكتور اللى استشارتيه نفس التخصص وسعره اقل من دكتور عادل .. وكمان انا هفترض معاكى انه مادى .. ما سالتيش نفسك ليه كشفه سعره 100 جنيه فقط ؟؟ برغم انى ليا تجربة مع دكتورة صغيرة فى السن واقل خبرة منه وكشفها كان نفس السعر وبرغم ان بنت خالتى كانت عند دكتورة سعر كشفها 300 لكن ده غالبا لان دكتورتها تخصص مناظير برده ؟؟ طيب ليه هو كشفه يظل 100 ؟؟؟؟ مش كان زود كشفه على الاقل يبقى 150 مش هو مادى وطماع بقه يعنى يبقى اقل واجب... ولا ايه؟؟؟ :confused: وبعدين نيجى للنقطه التانيه انتى قلتى انك شفتى الفيديو حسيتى ان مفيش حاجه .. حكيم روحانى حضرتك :35:؟؟ يابنتى ده لو دكتور مش متخصص مناظير شافه ميقدرش يفهمه اساسا يبقى احنا هنفهمه ؟؟ كمان قلتى انه شخص لك المرض هجره بطانه الرحم لكن مع ذلك كتب فى التقرير انه عقم غير مسبب ؟؟ طيب معلش سامحينى هو دكتور بيعك وشكله مش فاهم اصلا وعمل كده انتى اتصرفتى ازاى ؟؟ ليه ما كلمتيهوش وفهمتى منه ايه الحكايه بالظبط ؟؟؟؟ ازاى يكتب لك تشخيص ويقل لك تشخيص وانتى تسكتى كده ؟؟؟؟ وتعدى الموضوع بالبساطه دى:huh: بالنسبه لموضوع العلاج والحقن يا ستى .. تفتكرى الدكتور عادل اللى عيادته بتبقى فوق بعضيها واكيد انتى شفتى ده مستنى منك انتى كوميشن فى حقن هتشتريها ؟؟؟ هيبيع سمعته علشان كام جنيه ...؟؟ مع العلم ان اختى لما كانت بتتعالج فى تاخر الحمل كانت بتاخد حقن غاليه كده فى نفس الرنج مع دكتور حسام وكان هو اللى بيحيبهالها برده للعلم يعنى دكتور عادل مش لوحده بيعمل ده .. وبعدين يابنتى اكيد اقتراحه انه يجيبهالك ليه سبب محدد لان فى حقن مش بتكون مودجوده فى السوق بوفرة زى حقن كنت باخدها قبل حملى وكنت بدور عليها فى الصيدليات.... ليه نقلب الموضوع ضده مع انه ممكن كان بيعمل كده لمصلحتك ؟؟ وليه نفترض انها تجارة ونرتكب ذنب ونظن فى انسان ظن سوء ... ولو على التجارة فا فى مليون طريقة ممكن يعمل منها تجارة يا امى مش هيستناكى انتى ويعمل ده معاكى وازاى حقن التنشيط توقف عمل المبايض ... هو اللى قاللك ؟؟ انتى متأكده من المعلومه دى ؟؟ انتى كده خوفتى تلات ارباع البنات وانا اولهم لان كلنا تقريبا اخدنا تنشيط بالحقن وغيرة .:08:.. احنا كده مبايضنا وقفت ولا ايه؟؟ المعلومه اللى عندى ان اى تنشيط مهما كان بيجهد المبايض لكن بيوقف المبايض دى اول مرة اعرفها وبعدين ماكل البنات عارفين ان لما واحده بتمشى مع دكتور وتروح لتانى يقول لها لا انتى كنتى ماشيه غلط لا هنعمل مش عارف ايه وده طبيعى جدا لان كل دكتور ليه منهجه فى العلاج وليه مدرسته .. يعنى دى قصه محفوظة خصوصا من متأخرات الحمل زينا وفاهمينها كويس... وعايزة اسألك انتى رحتى لحد مناظير بعد دكتور عادل ولا دكاترة عقم بس ؟؟؟ يعنى انتى استشرتى جراح مناظير ولا دكتور نسا وعقم مثلا؟؟ بصى يا ام انس والله ان اى كلمه بقولها فى المكان ده فعلا بقولها بصدق ولا ليه اى مصلحه لاحسن تصدقوا نيفو .. دى كانت بتهزر ؟؟؟؟؟ ماشى يا نيفو حسابك معايا بعدين :024: ولما بتكلم كده فا انا بتكلم من واقع تجربه انا مريت بيها مع الراجل ده شخصيا .. ومش هشكر فيه لا هحتفظ برأيى لنفسى .. بس عايزة اقول لك انى لما رحت له اول مرة كلمته قبلها فى التليفون كذا مرة للاستشارة حسيت انه بيرد عليه وعلى اسئلتى كل مرة ويدينى فرصه اتكلم براحتى من غير ما يضرر ومن غير ما يقول لى تعالى لى العيادة ... المهم قلت له عايزة اجى لحضرتك بلغنى بتحاليل علشان اعملها قبل ما اروح له بدل ما اروح له مرتين ولما رحت حدد معايا هنعمل ايه وبعدها قال لى تتابعينى فى التليفون وما تجيش العيادة ولما كنت بكلمه اتابع معاه حالتى واقول له عايزة اجى لك يقل لى لا اللى عايزة تسألى عليه اسألى دلوقتى حالتك مش مستاهله تيجى .. مع انه ولا يعرفنى ولا اعرفه ولا شفته فى حياتى غير المرة دى...(تفتكرى ده يبقى انسان مادى ولا بيدور على فلوس ؟؟؟) والكلام ده حصل فعلا وكنت بستغرب بيعمل ليه كده ولو رجعتى كام صفحه هتلاقينى حكيت لاشتقت اليك كل حاجه عملها معايا .. علشان بس تعرفى ان ده اخر انسان ممكن افكر فيه انه يكون مادى زى ما قلتى ..بالاضافه الى انه فعلا متميز ومتمكن جدا فى مجاله ومش لوحدى اللى بقول انه متمكن فى مجاله لا ناس غيرى كتير بتقول ده بدليل ان ربنا بيكرمهم على ايده وبيحملوا ماشاء الله وانتى قلتى انك تابعتيه فى البرنامج وشفتى ان الناس تابعوه فى التليفزيون بس واتبعوا تعليمات كتير وبسببها ربنا كرمهم واخر حاجه هقولها ان الراجل ده طريقته فى البرنامج بتاعه بالظبط تمااااااااام زى طريقته فى العيادة يعنى مفيش فرق فى اسلوبه بالعكس هو من النوع اللى بيطول مع المريض بتاعه فى الزياره ونفس الحرص اللى بنشوفه على المريض فى التليفزيون ده انا شفته بعينى فى الجلسه اللى قعدتها معا .. وربنا شاهد على الكلام ده .. يعنى هو مش بيمثل قدامنا فى التليفزيون لا .. اطلاقا نفس الانسان اللى شفته فى البررنامج وتابعته سنه قبل ما اروح له هو اللى شفته فى المقابله بالظبط ... ومعلش يا حبيبتى يا ام انس حتى لو كان كل ده حصل معاكى وانا مصدقاكى فى كل كلمه قلتيها طبعا .. فا مفيش داعى نتكلم عليه بالشكل ده .. ما اختنا فاطمه الزهراء اهه واضح انها عانت مع دكتور ثروت الاهوانى وتعبت معاه مع ذلك محبتش تتكلم عليه بالشكل ده علشان متشوهش صورته قدام المرضى اللى بيتابعوا معاه .. وده من باب بس اننا مش من الائق نشكك فى حد ليه سمعه كويسه بين الدكاترة .. صح ولا انا غلطانه يا حبيبتى؟ وفى النهايه ان مش لازم ان كلنا نتفق على دكتور واحد لا الخلاف برده وارد ويمكن لما اشتقت اليك تروح له هى كمان ما ترتاحش معاه ده عادى جداااا وميزعلش اى حد اتمنى انك تتفهمى كلامى بالشكل اللى انا برجوة منك وكمان انا هستنى ردك يا حبيبتى .. واخيرا ربنا يكرمك فى كل خطوة بتعمليها وربنا معاكى ويرزقك الذريه الصالحة :26: :)

:) السلام عليكم ورحمه الله وبركاته الاخت العزيزة أم انس .. الاول برحب بيكى معانا...

ام انس 2006 :