مانولا :

ازيكوا يا بنات انا عضوة جديدة فى المنتدى طبعا انتوا متعرفنوش لكن انا عارفاكوا واحدة واحدة ومتابعة كل حاجة بتقولوها بقالى شهور طويلة وحكايتى باختصار انى اتجوزت من 7 سنين وبعدين اتاخرت فى الحمل سنة وبعدين بدات رحلة البحث عن الاسباب وبعدين طبعا طلع عندى تكيس بسيط واخدت ادوية لكن بدون جدوى وبعدين الدكتورة اقترحت نبدا نعمل تلقيح صناعى وعملت مرتين ومنفعش وبعدين عملت حقن مجهرى فى اسكندرية ونجح بس حطولى 5بويضات وشبطوا هم الخمسة واضطريت اعمل تخفيض اجنة واتبقالى 2 وبقيت حامل فى توأم وبعد متاعب طويلة لاداعى لذكرها ولدت فى اول اسبوع من السابع وجة شهد وعبد الرحمن طبعا كانت حالتهم سيئة ووزن كل واحد فيهم كيلو ودخلوا الحضانة ربنا استرد عبد الرحمن عندة وفضلت شهودة حبيبتى عندها دلوقتى 5 سنين وطبعا عايزة اخ ليها المهم مش عايزة اطول حجزت بعد تفكير لانى ماكنتش عايزة اخلف تانى لانى مريت بتجربة سيئة ورحت للدكتورة رجاء منصور وطبعا طلب اهم طلب وهو انقاص وزنى وكتبتلى سيدوفاج ومعادى معاها بعد 4 شهور بس السيدوفاج عاملى مشاكل وكنت بافكر ابطلة انا اسفة طولت عليكوا ويارب كل اللى نفسها فى طفل ربنا يديها توأم سليم ان شاء للة****

ازيكوا يا بنات انا عضوة جديدة فى المنتدى طبعا انتوا متعرفنوش لكن انا عارفاكوا واحدة واحدة ومتابعة...

ام انس 2006 :

السلام عليكم يابنات ايه الاخبار يارب بخير دايما ازيك يانيفو عاملة ايه ؟؟ اشتقت ليك تعرفي انا كمان وزني زاد جدا جدا بعد الزواج حوالي 30كجم البويضات كان حجمها كويس جدا بتوصل 20 و 21 في اليوم 12 للدورة ومع ذلك محصلش حمل بس كمان بعد فترة تبويضي ضعف والبويضات بقت توصل 18 بالتنشيط فلو كنتي فعلا زايدة لازم تنزليهم وانا بعمل ريجيم ويارب وعلى فكرة دكتور عادل هو الوحيد الي اقنعني بتأثير السمنة على الحمل قال لي ان الدهون الي موجوده في الجسم تعتبر مصانع للهرمونات واي خلل فيها هيخل بالهرمونات واصلا لو تشوفي شريط الفيديو الي فيه عملية المنظار بتاعتي مش هتشوفي غير دهون راقدة على المبايض والرحم انا كمان قلت مش معقولة يحصل حمل وانا كده

السلام عليكم يابنات ايه الاخبار يارب بخير دايما ازيك يانيفو عاملة ايه ؟؟ اشتقت ليك تعرفي...

دودو أم جوجو :

ايه رايكو كلنا ندعى لبعض بانتظام بعد الصلاة , أنا ساعات بدعى لكم بس بكون مش عارفة الاسماء الاصلية . ايه يا هابى عاملة ايه و انتى يا نيفوو الهدى و النور اللهم امين

ايه رايكو كلنا ندعى لبعض بانتظام بعد الصلاة , أنا ساعات بدعى لكم بس بكون مش عارفة الاسماء الاصلية...

اشتقت اليك :

بصوا بقى....نركز بقى مع بعض....أول حاجة الدكتور لفت نظري ليها هى ان الوزن اللى زاد ده لازم ينزل باي شكل...و باللفظ الصريح قالى لو خدنا أدوية و الوزن منزلش يبقى ولا كأننا عملنا حاجة...وتخيلوا انه قالى ان نزول الوزن يأتى فى المرتبة الأولى قبل العلاج.... 2- و قالى بعض المعلومات عن التكيس...وهى انه فى 70 فى المائة من الحالات التكيس مش بيبانبالسونار...و انما هو خلل هرمونى...نعرفه لما هرمون الLH يرتفع عن هرمون الFSh 3-وكمان قال ان فيه أجسام بيبقى عندها استعداد للإصابة بالتكيس و بيكونوا طبيعيين جدا (بدليل انى حملت قبل كده بسهولة) لكنه مبيظهرش الا لما تتهيأ الظروف زي مثلا انه مظهرش عندي الا بعد ما وزنى زاد....و بالتالى لو الوزن نزل هيبقى من السهل جدا السيطرة على التكيس ده فى مدة قصيرة .... 4- أما الاعراض فكلكم عارفينها....لكناسئلته كانت كالاتى - هل فيه وزن زاد مؤخرا ولم ينزل؟ - هل فيه حد فى العيلة عنده سكر؟ - هل فيه شعر زاد فى الجسم....او حتى كان الجسم مشعر من زمان (لان ده بيبين ان فيه استعداد للجسم) - هل لما الوزن زاد كانت الزيادة متمركزة فى البطن و الارداف؟ - هل قبل كده حتى لما كان الجسم نحيف كان فيه بروز فى البطن و لو بسيط؟ - هل الدورة قلت فى عدد الايام و الكمية؟ - هل هرمون الحليب ارتفع؟ - هل حدث ضعف فى التبويض؟ بباختصار شديد يا جماعة ديه الحاجات اللى بتسبب ظهور التكيس...او اللى بتدل على استعداد الجسم للإصابة به...وأخيرا الحاجات اللى بتنتج عنه...و بمعالجته بيختفى كل ده... 4- طبعا قال حاجة مهمة اوي و حطوا تحتها ميت خط....و هى ان فى الحالة ديه بيكون فيه بويضات و حجمها حلو لكنها مش فى حالة مثالية...و ممكن مينفعش يحصل معاها حمل و حتى لو حصل بيبقى ضعيف ...و كمان بيبقى كأننا بنزرع بدرة فى أرض غير مجهزة...يبقى الخلاصة انه لا تنشيط نهائى قبل تنزيل الوزن ومعالجة التكيس وده هيبان لما نعيد التحاليل بعد العلاج....و لما التحاليل تنظبط...ساعتها مع أقل تنشيط ممكن نحصل على نتائج ممتازة 5- أما للأدوية اللى بيقترحها فهي.... - دوستينكس لمده أسبوعين فقط لتنزيل البرولاكتبن و لا يكرر - بارلوديل يؤخد يوميا بعد الانتهاء من الدوستينكس...و ده للمحافظة على نسبة الهرمون - سيدوفاج ....لعلاج التكيس...و ده يستمر عليه لحين حدوث الحمل... و المده المقترحة للعلاج ده هى شهرين.... اتمنى يا جماعة تكونوا استفدتوا من الملحوظات ديه....و انا ماتكلمتش بالتفصيل كده الا علشان أفيدكم..واللى عند معلومة غلط يصلها..واللى عنده لبس فى القصص ديه زيي تكون وضحتله الصورة

بصوا بقى....نركز بقى مع بعض....أول حاجة الدكتور لفت نظري ليها هى ان الوزن اللى زاد ده لازم ينزل...