SALLINA2003

بالعكس عزيزتي انا سعيده بنقدج ... وملاحظتج ... ومتابعتج للمواضيع من بدايتها

بالنسبه للصاله ... بالعكس المربعات اعطتني قياسات دقيقه بوضع اللوحات وراح اصور لج اشلون اطلعت مع اللوحات والتعليقات ... ولونها كان فاتح جدا ... بس يمكن بالصوره ماكانت واضحه

بالنسبه لغرفة بنتي ..... انا وزعت المثلثات لاعطي حركه للغرفه بدل ما تكون جامده ... وحتى صار شكله مثل ورق الجدران.... وممكن اسوي عليها بعض النقوش بالاستنسل لاخفف من حدة اللون الاصفر

وغرفة اطفالي .... كلام سفرجل من الاول قالت لو خففتي اللون الازرق ووضحتي شكل الغيوم اكثر وكلامج الحين هو صحيح ... وعندي صبغ ابيض اقدر اصحح فيه شكل الغرفه

واكيد واكيد الخبره والاطلاع والتساؤلات راح يعطيني تغييير كبير بالعمل اللي سويته

لكن من متابعتي لخطوات الاصباغ واشكالها من مواضيع عالم حواء عطتني نظره او خبره متواضعه

وشاكره لج انتباهج ورايج عزيزتي وحياج الله



:26:

ام عزيزان ماشاءالله عليك

عملك رائع عزيزتي

وانا اول مره اشوف مواضيعك او اول مره ادخل هالقسم

ولاحظت ان عندك الموهبة لكن تحتاجين انك تصقلينها طبعا لوكنتي حابة هالمجال

فيه معهد يعطي دورات في طلاء الجدران واصول التعتيق بطرق مختلفة وطرق الطبع على الجدران فهناك رسوم جاهزة يمكن ان تستخدميها في الطبع على الجدران ... مثل الstamp

المعهد اسمه شيفلد خلف مطعم هليون في التخصصي تلفين قبله يمين ثالث فيلا على اليسار

انا اخذت دورة عند مدرسة لكن ماكملت بسبب ظروفي ماساعدتني اني اطبق هالاشياء في البيت

لكن هناك اساسيات لخلط الالوان وعشان تصبغين اي لون يجب ان تحطي الاساس اولا ثم اللون

وفيه ادوات مخصصة للتعتيق

اكيد بتساعدك كثير وبتعطيك افق اوسع للخيال والتطبيق.... وممكن تحطين اضافات جميلة على بيتك....

واذا مارستي الهواية وتمكتني منها بيصير عندك سهل انك كل شهر تسوين حركه في بيتك..ز

اختك سنفورة

تسلمين عزيزتي سنفوره

بس انا ماني من المملكه

وثاني شي خلاص خلصت من اصباغي .... وهذى النتيجه مقبوله عندي لانها اول محاوله مني واطلعت معاي بالنتيجه هذى

لكن اوعدج المره الجايه ان حبيت اصبغ راح اتقن العمل اكثر وادرسه اكثر :)

وشاكره لج اهتمامج ومتابعتج .... ومرورج الكريم

:26:

عزيزتي أم عزيزان
أنا مع sallina2003 سنفورة الحلوة في رأيهم
وما شاء الله لا قوة الا بالله عليك عندك همة وجرأة في لتنفيذالجديد تحسدين عليها (الله يحميك )
و الى الأمام سر

ماشاء الله عليك عمل رائع الله يعطيك العافية