طيب سألتوا اللي متقدم لك ليش يبي يتزوج على زوجته ؟؟
لانه لازم تفكيرن بالاسباب كويس وتدققين في صحتها قبل لايجيك يوم ويصير معاك نفس الشي ويتزوج عليك لنفس الاسباب !!

اختي طولتو الموضوع وهو قصير مايستاهل كل هذا يعني بتلقين اللي تنصحك واللي تحذرك واللي تهاجمك واللي تخاف لا يكون زوجها اللي خاطبك اختصري الموضوع كله وصلي استخاره ربك اعلم منا ومنك باللي فيه الخير لك
انا امي الزوجه الاولى وخذا ابوي عليها كم اقولك اممممممممممم ماعرف العدد بالضبط لان اللي تعرفهم بس تقريبا 10 !!! غير اللي مانعرفهم يعني شفنا البلاوي ومن كل زوجاته اللي فوق العشر كانت 2 فقط اللي طيبات معانا بسسسسسسسسسسسس اما الباقيات الله لا يوريك !!! :30:
انا اعتقد المشكله هنيه مب شعور الزوجة الاولى باين عليك بنت ناس وطيبه وتراعين الله بس انا خايفه عليك انتي يمكن زوجته الاولى يكون موقفها سلبي جدا من الموضوع وتسوي لك وله مشاكل مالها اول من اخر ولا تفيد معاها كل المعامله الطيبه منك او انها تضغط على زوجك لدرجه تخليه ينفصل عنك لا سمح الله لا تستغربين من كلامي ترا والله عن خبره 30 سنه مب شوي خخخخخخخخخخ :D وانا ما اقولك هالكلام لان امي سوت كذا لا يشهد الله على امي مافي اطيب واحن من قلبها والله يسامح ابوي وكل اللي ظلموها وظلمونا بس اختي انا ابغي انصحك وبس يعني راجعي نفسك وصفي ذهنك وشيلي هالرجال من تفكيرك وقلبك شوي وصلي باخلاص لربك وادعي بسجودك ان الله يكتب لك اللي فيه الخير وما خاب من استخار وخلي عنك يحبني او متمسك فيني او احبه وقلبي يقولي ومادري شو ترا كله بعلم الغيب ياعالم يتم على مشاعره وتمسكه فيك او انتي تقدرين تتقبلين فكرة ان في وحده غيرك باحضان زوجك تراه شي صعب جدا جدا ومب بالسهوله اللي تتصورينها

تصدقين عاد عجبني اللي خطبك بشي واحد انه مدح زوجته الاولى لما سالتوه عنها انا ابوي كان يقول حق كل اللي يبغي ياخذنهن امي شينه وعوفه وشريه وراعية سحر وطبوب وعجووووووووز بالرغم انه قسم بالله انها احلى وحده خذها في حياته ولو شفتيه لما حس انها بتبتعد عنه وطلبت الطلاق مره وحده بحياتها معاه قام يبكي مثل الاطفال ويقول اموت ولا افارق ام فلان ويوم راحت الحج كل ماكان يكلمها بالتلفون يبكي ويقول لها متى تردين !!!
شفتو ابوي عنده انفصام في الشخصيه يحب امي ويموت عليها بس هذا التعدد والزواج هوايه وطبع ماقدر يتخلص منه لين اللحين وكل اللي ياخذهن اقل بالمستوى من امي كان من ناحية الجمال او الدين او الاخلاق او الاصل بس هي هوايه والشيطان زينها له فهمتي انا شو اقصد ؟؟؟ يعني لا يكون مجرد تقليد او هوايه وتغيير وتروحين انتي فيها :)

معاك حق ،، دوام الحال من المحال ،، اللي يحب اليوم ،، يمكن يكرهك بكرة ،،، انا جالسة استخير ،، والله يكتب اللي فيه الخير ،، تدرين وش احسن ما في الموضوع اني صرت اختم سورة البقرة كل ليلة ،،، والله بيدلني اكي\ ع الصالح لي ،، ومثلي ما قلتي اختي بعد الزواج ما فيه الا التوفيق من رب العالمين لا حب ولا حبحبة ،، شكرا ع المرور والنصيحة وانا اعرف ان وقتكم ثمين وجزاكم الله خير اللي خصصتوا لي منه جزء ،، 1000 شكر لك ولكل خواتي بنات عالم حواء ،،

نصيحة لك ياأختي لا تأخذين واحد متعدد انت توك صغيرة والله العظيم تراه مو شي سهل راح تمرين بمشاكل بعدين ماتدرين لا تربطين سعادتك بواحد أنت ماتدرين عن علاقته بزوجته بعياله كيف تواجهين زوجته وعلاقتك معها عيالك بعدين ايش يواجهون ياكثر اللي يتزوج على زوجته ثم يطلق الثانية الرجال تغيروا والمجتمع تغير الان الحريم تثقفوا مو زي أول تلقين الرجال يعتمد على حرمته ويحبها ويبوح بمشاعره لها ويقويها
أول يوم الرياجيل ماعليهم من حريمهم اذا اخذ االثانية وانها متعلمة يشوفها شي الان الوضع تغير
عندنا جماعتنا التعدد موجود والفرق السنين هذي واضح كل واحد مع زوجته الاولى وماينظر في الثانية ولا عيالها ياكثرهم لان الاولى هي الاساس
انصحك لا تاخذين واحد متزوج لانه مستحيل يدوم لك أو تملكين مشاعره بالعكس راح يتعرض لمؤثرات كثيرة وصدقيني راح تتعبين معاه

لا تعليق