هلا والله بكل العضوات :) يالله حيهم .....
بنات كلنا خلنا نتفائل هالشهر واللي بعده واللي بعده واللي بعده وما نيأس ونتيقن ان ربنا راح يستجيب لنا دعاءنا في القريب العاجل وما تتوقف حياتنا على هالشي انا عارفه بتقولون اشلون صعبه انتي مو حاسه مو عارفه مو عايشه الحرمان والوضع اللي احنا عايشينه لا تنسون انا حرمه مثلي مثلكم وحاسه فيكم وعايشه واعيش اللي عايشينه واللي تجربونه والكلام اللي ما له امه داعي من القريب قبل البعيد خلونا نشجع بعضنا ونشد من عزيمة بعضنا بنات انا مو عارفه ليش حاسه ان هالشهر راح يكون شهر الخير مو عارفه ليش حاسه ان ربي راح يستجيب لي دعواتي ودعاءكم باذنه ان شالله عندي احساس ان هالشهر راح احمل مو عارفه بس كذا حاسه احساس قوووووووووووي :laugh2: وان شالله ربي يستجيب لنا دعاءنا يا بنات وحتى لو ما حملت عرفت اني لازم اعيش حياتي باللي ابيه اروح اطلع العب مثل اليهال اركض تصدقون احس باحساس غريب اني بعدي طفله اعشق البلاي ستيشن اعشق شي اسمه ريزدنت ايفل وسايلنت هيل وداينو كريسيس ووحوش الظلام :booo: احس لمن تضيق فيني الدنيا ارتمي على هالالعاب وانسى همي واعيش ذكرياتي يوم كنت طالبه وصغيره وكل همي اشلون اهزم الوحوش واختم اللعبه احب ارجع بذكرياتي للورا وما احب اشيل نفسي وقلبي هم انا مو عارفه اذا كان هالشي مقدر لي او لا يا بنات كل وحده تعيش حياتها وتترك عنها الهم والهزيمه والنكد والكلام اللي ماله اي اساس من الصحه اختلطو مع الناس الايجابيين لانهم هم راح يحمسونكم ويشجعونكم ويدعمونكم في هالحياه ويخلون ارادتكم قويه وابتعدوا عن الناس اللي تحبط من عزيمتكم (((((عارفه امحق مثل بس شوفو العبره :08:
بقولكم على قصه واخذو العبره منها
مجموعه ضفادع قررت انها تعمل مسابقة الجري تسلق اعلى قمه بالجبل فتجمعت بقيه الضفادع للتشجيع والتصفيق وبدات الضفادع بالتجهز للمسابقه 1 2 3 انطلق وبدات الضفادع بالتسلق والجمهور يصفق ويشجع وبدات الضفادع بقوه وبسرعه بالبدايه وكل ما كانت الضفادع تتسلق للاعلى وتصل قريب عن القمه البعض بدا يسقط والبعض تعثر والبعض يحاول الاستمرار ولكن دون جدوى فبدا الجمهور يكرر مستحيل راح يكملون القمه عاليه والاكثر سقط والبعض تعثر والاخر استسلم فالبعض استسلم من كلام الجهور وسقط والبعض استسلم الا ضفدع واحد اكمل التسلق والجمهور يكرر مستحيل لا يستطيع الوصول سوف يقع سوف يتعثر سوف يستسلم لكن هيهات والمفاجأه انه وصل الى القمه هل تعرفون كيف هذا الضفدع ظهر انه :ohplease:
اصم لا يسمع لو انه سمع كان تأثر بالكلام وفقد العزيمه عرفتو ليش لازم نبتعد عن الناس السلبيين لانهم يحبطون من عزيمتك ويجعلونك انسان سلبي غير قادر على الحياه وعلى المقاومه سوو اللي نفسكم فيه روحو ملاهي روحو البحر روحو البيت ولعبو بالبخاخ اللي برغوه لعبو بالماي رسمو بوجيهكم بالالوان سوو اللي خاطركم فيه الحياه حلوه يا حلوين والله صدقوني :a_smil08:;)
قذوقذو @kthoktho
عضوة فعالة
يلزم عليك تسجيل الدخول أولًا لكتابة تعليق.
وانا بعد احس اني مستانسة هالشهر وربي يكتب واحمل وابشركموانا بعد احس اني مستانسة هالشهر وربي يكتب واحمل وابشركم
وانا بعد ان شاء الله وابي اسالك حنونه مجنونه عن البروكسيد كبف استخدامه وايش هو تكفيييييييين ضروري
والله موضوعك جاء في ووووووووووووووووووووقته بنسبه لي توي جايه من المستوصف...وطبعا سلبي الحمدلله على كل شي....الله يعوضي الشهر الجاي
الصفحة الأخيرة
تسلمين ياقلبي ع النصيحه