(ونقر في الارحام ما نشاء إلى أجل مسمى).. قصة اسلابي وأنواع الدروس..

السلام عليكم ورحمة الله وبركاته..

كيفكم يا حوائيات..

اولا الحمد لله حمدا كثيرا طيبا مباركا فيه كما يليق بجلال وجهه وعظيم سلطانه..

اللهم لا مانع لما أعطيت ولا معطي لما منعت ولا ينفع ذا الجد منك الجد..

اللهم أجرني في مصيبتي وأخلف لي خيرا منها.. آمين

ثانيا

الحمد لله أنا أسلبت قبل يومين وكان في نهاية الاسبوع العشرين من الحمل ..

والسبب .. الاجهاد والله أعلم..

أول ما حملت بعد اسبوع من التحليل نزل علي دم .. كان قليل مره .. ورحت على الطوارئ وقالوا كل شي تمام

وبعد كذا في الاسبوع السادس صار ينزل مني بني على طول .. ورحت على الدكتورة ووصفت لي دوفاستون

حبوب تثبيت.. وبعد كذا صار ينزل بدل البني دم احمر فاتح نقط مستمرة..

وأخذت ابرة برولتون ديبوت وبعدين ثقلت الافرازات عندي وصارت زي المطاط كذا .. مره لونها بني ومره احمر ومره بيج..

وفي الاسبوع العاشر نزل نزيييييف قوي كان السبب الاجهاد ..

ورحت ع الدكتورة واعطتني ابرة تثبيت برولتون ديبوت ومغذي وباسكوبان علشان يهدئ الرحم..

وبعدين صرت اخذها اسبوعيا لين دخلت الشهر الرابع.. او الاسبوع الثالث عشر..

وغيرت لي اياها اعطتني تحاميل مهبليه يوميا مره وحده اسمها سايكلوجيست..

وقالت لو نزل دم استخدمها مرتين كل 24 ساعه..

وهي للتثبيت اقوى من الحبوب واخف من الابره..

وفي الاسبوع العشرين..
في الليل رحت السوق ومشيت كثير الصراحه.. وكنت اليومين اللي قبل طالعه درج الدور الثاني عند بيت اهلي..

وانا قبل كذا من جاني النزيف كنت ما اخرج من بيتي ابد بس منسدحه على ظهري..

المهم بعد ما رحت السوق ورجعت حسيت الم في ظهري وماني مرتاحه من تحت كني حشرانه..

المهم قلت هذا ارهاق.. ورحت نمت.. الصبح حطيت التحميله وحسيت مرررره ماتبي تدخل جوى !!

استغربت بس قلت يمكن من الامساك.. المهم نمت ساعة.. وقمت من الحشره.. ورحت الحمام..

لما رحت ما نزل بول (اكرمكم الله) غير قليييييييييل مره.. ولسى حشرانه من قدام!!

قلت يمكن امساك وقمت دفيت شوي الا شي قال (بـُخخخخخخخ) ونزلت موية قمت طالعت لقيتها لونها اصفر على اسود..

بسم الله الرحمن الرحيم وش ذا؟؟؟؟!!!!

والغريب اني ارتحت .. راااحت الحشره..

رحت صحيت زوجي من النوم .. ويوم شفته مفجوع قلت لالا ما فيني شي..

جلست شووي الا شي يسييييييييييييييييييييييييييييل!!

قلت اقووول يلاه يلاه ع الدكتووورة فيه شي يسييييييييل مدري وشو!!

جلست الموية تسيل نص ساعه وغرقتني طبعا...

المهم رحت ع الطوارئ كشفت الدكتورة مرتين وهي مستغربه قلت وش فيه قالت مفتوح من 1 الى 2سم!!

وما فيه سرير انتي لازم تنويم وسونار روحي مستشفى ثاني!!

المهم رحت مستشفى ثاني وكشفت الدكتورة قالت من جوى مقفل مره ومن برى 1 سم!!

والموية قليلة جدا والجنين حي!!

تنومت وصار ينزل مني افرازات مخاطيه لونها اصفر كثيره.. وهي طبعا سدادة عنق الرحم.. اللي تعزل الجنين عن المهبل..

اعطوني مضاد في الوريد علشان الكيس مفتوح وخايفين يتلوث الجنين ..

كان تحليل الالتهابات اول ما جيت ايجابي يعني عندي التهاب..

وبعد الابر صار سلبي.. وبعد اربع ايام رحت الحمام واول ما جلست ع الكرسي الا النزيييييييييف!!!

وجلست انزف 3 ساعات الين نزلوني كشك الولادة.. ونمت عندهم تحت.. طبعا كان مفتووح من 1 الى 2 سم بدون الم..

والمويه مخلصه والجنين راسه على تحت بس حي!!

ما يقدروني يعطوني طلق وهو حي لانه حرام!!

المهم رجعت التنويم وجلست يومين وخف الدم اللي ينزل مني وصار لونه على اصفر..

اخذوا مني تحليل وطلع ايجابي مره ثانيه!!

جاتني الدكتورة الصباح وقالت انتي عندك التهابات ولازم ننزل الجنين علشان خطر عليك..

بكيت .. حزنت .. خفت، لكن وكلت أمري الى الله .. واستخرت ..

والساعه 1ونص الظهر حطت لي تحميلة طلق صناعي.. وبدأ ظهري يعورني شوي شوي,,,

وبعد 5 ساعات ونص رحت الحمام واحس حاجه زي الشحم من تحت احاول اغسلها واطلعها ما تطلع!!

المهم قلت للسستر شوفي ايش هذا!!

قالت واااااااو الحبل السري يلاه ولاده!!

واخذوني على الكشك.. وطبعا ما كان عندي الم!!

عطوني طلق صناعي في الوريد وبعد ثلاث ساعات نزل البيبي بس ما نزلت المشيمه..

خدروني وسوو لي عملية تنظيف .. واليوم الثاني طلعت على بيتي..

الحمد لله على كل حال.......

طبعا قبل اسلب كنت احلم بحية سوداء تطرد وراي بس ما كانت تلدغني!!

لكن وانا منومه في المستشفى .. كنت ارقي نفسي قبل انام وبعد ما اصحى من النوم

وحلمت فيها مره ثانيه وهالمره لدغتني!!

وبعدها اليوم الثاني أسلبت..

لذا نصيحه مني لكل اخواتي اذا حملتوا لا تعلمووون احد ابدا... حتى لو كان عااااشر حمل!!

الناس صاروا مشاااااااااافيح ولا يعطون خير..

أنا علمت الناس كلهم وانا توني ماخذه النتيجه من الفرحه!!

ما اقول غير الحمد لله على كل حال وفي كل حين......

طبعا كتبت لكم قصتي علشان كلكم تستفيدون.. والحياة دروس وعبر وتجارب..

اتمنى تستفيدون من اخطائي..

انتبهوا من المجهود الكثير والدرج وانكم تعلمون احد عن الحمل وانتوا لسى في البداية