ونقول ليش الأهل مايبغون بناتهم وقت النفاس

السلام عليكم

دايم اقرأ هنا اللي تقول أهلي مايبغون أجي لهم وقت نفاسي

والردود تقول عادي تعب على أهلك لا تزعلين عليهم ووو

طيب انت تحلسين عند أهلك عشان ماتطفشين لحالك ببيتك أو عشان احد يخدمك

فيه أشياء أقرأها هنا أقول أنا ما ألوم الأهل إذا مايبغون بنتهم تجيهم وقت النفاس

يعني نبغين أحد يمسك طفلك وتنامين وتبغين أحد يخدمك يصلح لك رضاعه لطفلك

أنا وخواتي جلسنا عند أهلنا وحما نتحمل اطفالنا مو أحطه مع أختي واروح أنام

أو أجلس جوعانه الين يجي أحد يصلح لي قهوه أو فطور

وخوات زوجي كذا طريقتهم هم يسهروا مع الطفل ويخدمون أنفسهم

بس ما نشتغل زي غسيل الثياب والمواعين والتنظيف هذي على الشغاله

ترا الحركه للنفاس زينه لو انتي دوبك والده يعني مو تروحي للحمام

طيب عادي روحي صلحي لطفلك رضعه أو صلحي لك خبزه وجبنه

وحده أذكرها تغير لطفلها وتنادي أختها عشان تود البامبرز للزباله طيب عادي قومي اعتبري نفسك

تبغين الحمام

أنا ماكتبت هذا فلسفه أنا عارفه إن الولاده صعبه بس الوحده إذا تبغى تجلس عند أهلها تتحمل

قريبتي من يوم هي بالثانوي أمها تخليها ترافق مع أخواتها بالولاده القيصريه وكانت الغرفه مشتركه

بين الحريم الحوامل والحريم اللي والدات

تخيلوا تقول وأنا جالسه عند أختي مرافقه تجي وحده تصارخ من الطلق وتطيح بحضن قريبتي تقول

إقرئ علي تقول انهبلت من الأشياء اللي شفتها

وتنام بغرفه إختها الوالده عشان إذا احتاجت شئ تصحيها

كانت تروح للمدرسه مواصله ماكانت تنام من إزعاج عيال اختها

لأن الأخت تبي أحد ينام عندها