خواتي الله لا يخليني منهم و أمي كانوا قايمين بي اسبوعين ما أسوي شي ومن خفت أوجاع العمليه بديت

أمسك ولدي و أغير له و كذا و اقوم على خفيف العمليه القيصريه يبغا لها راحه أشوف خالتي عشانها ما

ارتاحت خذت وقت و أنا الحمد لله 3 أسابيع وصرت كويسه

وبالنسبه للنوم وين الوحده تنام أنا عمليتي كانت شاده قعدت أيام ما أكمل ساعتين خليها على ربك

وبالنسبه لخواتي خدمونا بالنفاس و حنا بنخدمهم و ما نقصر معهم بالهدايا و الكلمة الطيبه

وما توصل اني انكد عليهم نومهم و اعطلهم عن دراستهم هم يساعدوني في وقت فراغهم

وش فيها لو سوت رضاعة أو كبت البامبرز عادي أنا و أخواتي نسوي كذا لبعض حتى في غير

النفاس ما أحس الموضوع حساس لهالدرجه أهم شي ما تجبرينهم أو تنفخين عليهم

وعند الله من سعه

هل الوحدة اذا تنفست عند اَهلها سوت جريمة او حتى كفرت
طبعا لا ودي اعرف ليه كل شي حلو في هالدنيا تبون تمسحونه
ما ادري الصراحة وشلون تفكرون وعموما الي يقدم الشي بيلقاه
بمعنى الأخوات بيحتاجون لبعض سوا في النفاس او غيره

عادي جدا

كلها اسبوعين

ياخواتي ترى صدق احنا وانا واحده منكم الله يهدينا عندنا اتكاليه شديده طالعو في البلاد العربيه والاجنبيه من ثاني يوم تروح وظيفتها احنا نقول الوسط زين موب نعفس بيت اهلنا على انتي سوي لي وانتي حطيلي وانتو سوو لا يكون عندنا رغبه شوي في خدمة انفسنا والله يعينا ويعين اهلنا علينا ترى التخفيف عن الاهل زين

والله ما احد يعاف الراحه والدلع من الاهل وقت النفاس بس الشكوى لله
الي عنده ام نشيطه وبصحتها ماشاالله واخوات اصغر منها يحق لها تدلع وتجلس عندهم \\\\\لكن الي ما عنده الله يكون بعوني وعونها