وش تسوي لو عشقت انسان ماهو من نصيبك؟؟
لا لك بهالوضع يد .. و لا له بهالوضع سبه !!
وشهو ذنبك لو غدى من بين خلق الله حبيبـك !!
تعرف إن قربه محال .. و قلبك مصمم يحبه ؟!
و انته متأكد و عارف يب يجي يوم و يسيبـك
يعني متوقع بأي لحظه يغيـب و تغتـرب بـه
كل دربٍ يرحل بطيفه .. على وجهـك يجيبـك
كل حرفٍ يُكتب لغيره .. تحسه منكتب بـه !!
كن كل عيون خلـق الله عيـون ٍ لـه تذيبـك
تنثر احساسك جمر ملح وْعلى جرحك تصبـه
و اللي كاسر ظهر قلبك و بشقا الدنيا مصيبـك
عارفٍ بانّك تحب .. و ما يعَرْف انّـك تحبـه
ساكن ٍ بأصغر تفاصيلك و قلبه مـا دري بـك
ماكن ٍ بأقصى معاليق الكيان اللـي لعـب بـه
وش تسوي لو مرضت بعشق من وصله طبيبك
و انتْ عارف لو ذبحك العشق ما داواك طبه !!
هوايل4444 @hoayl4444
عضوة جديدة
يلزم عليك تسجيل الدخول أولًا لكتابة تعليق.
ياقلب لاتحزن
•
كلمات جميله ورائعه بروعة من كتبها ...................................ان كل شطر منها يمثل بحر من المعاني والاحاسيس الدفاقه والعذبه بعذوبة كاتبها تمنياتي لك بالتوفيق والتقدم
الصفحة الأخيرة