جده بلد الحاضر والماضي جده بلد القديم والجديد جده بلد كل الاجناس جده عاصمة المملكه قبل الرياض اول اذاعه افتتحت في جده (مو متاكده) جده بلد التحضر من قديم الزمن جده تضم الكثير من قبائل الحجازالاصيله ولكن دائم عندهم (لافرق ين اعربي علي اعجمي الا بالتقوي ) جده بلد (احترام ثقافات الاخرين مهما كانت جنسيتهم) تحسهم كأنهم عيله واحده وصراحه بعض او كل الي كاشفين وجههم فيه ادب كبير جدا ولكن هذا عاداتهم للمعلوميه (ليس من سكان جده ولا من اهلها)
جده بلد الحاضر والماضي جده بلد القديم والجديد جده بلد كل الاجناس جده عاصمة المملكه قبل الرياض ...
اولا الناس مو سواء فى كل ارض الله
فى كل زمان وكل مكان فى الطيب وفى الشرير
الناس يسمعون ان اهل جده منفتحين
نفسى اعرف ايش معنى الكلمه
من اى نا حيه
من ناحيه الحجاب ولا من ناحيه الاخلاق و الخ
ترى مو كل وحده محجبه نقول عنها انها اخلاق ولا كل وحده سافرة نقول انها قليلة ادب
ياما شفت وياما رأيت
واهل جده
اخلاقهم حلوة ولا يحبون التعقيد فى الامور يخافون الله ويتقونه لا تفكرون انهم غير
مسلمين ترى
ولهم عاداتهم وتقاليدهم
وجده فيها من كل جنس وكل لون من سعوديين ومن اجانب
لكن مافيهم حب اللقافه والتللصص ومراقبة الناس كل مين فى حاله
بقولك على مثل صغير
انا لى يمكن 10 سنين فى جده
قبلها كنت فى منطقه اهلها يحبون التللصص والتجسس واللقافه والمراقبه وما يخلون الواحد فى حاله
بالذات الحريم
يعنى اطلع من بيتى بروح لجارتى والحمد لله عباتى ساترة ومغطيه وكله
الا العيون اللى فى الشارع ماتتركنى حتى ادخل على جارتى
عاد بعدها اهل الحارة كلها عرفت انى سيرت على جارتى يومها
احد جانى ضيوف
مدرى الا التلفون يدق من جاك
نزلت السوبر ماركت اقضى اغراض الا العيون على ومو بس انا اى حرمه متابعينها الله لا بلانا
لكن فى جده كل مين فى حاله ماله دخل
هذا اللى انا شفته وشهدته
ولا تحطون فى ذمتكم شىء
كل محل فى الخير والشر
لكن جده الناس ظالمينهم مدرى ليش