قال يازين الكحـل بعيونهـا
تقصر اوصاف العذارى دونها
وياحلاة الصوت لاقالت ألووو
تسلب العقل اللبيب لحونهـا
قلت من دون الحيا عزي لها
الحيا هو كحلها هـو زينهـا
البنيه لارضـت درب الغـزل
واسبلت لاهل الدنايا جفونهـا
ابتعد عنها ولا تاسـف لهـا
خلها لاهل الردى يرضونهـا
كيف تقبل من كرامتها غدت
طارفه سهل(ن) عليك تهينها
كيف ترضاها وعزة نفسهـا
بايعتها بالبخـس يشرونهـا
كيف تامنها تربي لـك ضنـا
هي بحاجـه للـي يربونهـا
إن بغيت الزين يالغافل تـرى
زينها فـي عقلهـا وبدينهـا
دينها هو سيفهـا وسلاحهـا
دينها هو درعها وحصونهـا
دينها هو سترهـا وحجابهـا
من عيون الطامعين يصونها
فز بذات الدين واكسب ودها
ربها واهل السمـا يحبونهـا
واستخير اللي عليم(ن) بالخفا
يكتب الخيره ويعلـم وينهـا
لاتنسونا من دعوه بظهر الغيب ____ أختكم في الله غربة الاسلام
ملاحظه : سبق لي نشرها في مجلة اليمامه
الله يعطيك العافيه
دمتي بنقاء :26: