ويبقي الامل........قصة بقلمي

 ابشر كل شئ جاهز. 
جهزو الفطور بالمقلط وبعد ماراح جارهم دخل ابو راشد وعايد البنات ومشاعل وفطرو مع بعض
اما راشد استاذن ابوه يروح لاهل زوجته يعايدهم ويجيب مها وعياله





مشاعل انسانة محترمة وقلبها طيب وتحب اهل زوجها وساكنه عندهم بجناح صغير  ..لها متزوجة ست سنوات وماجابت اطفال كانت لابسة فستان وردي نااعم حاطة مكياج خفيف وشعرها استشوار يناسب الصباح 

جلست معاهم علي السوالف والضحك وكانت مجهزة معاها سلة كبيرة فيها عيديات بسيطة خلتها بالصالة وكل ماجاء اطفال يعايدون اعطتهم منها

 الساعة ١١ جات مها زوجة راشد انسانة شخصيتها قوية وفيها غرور جسمها جميل وعندها ولدين اعمارهم ٨ و٥ سنوات
لابسة فستان اسود قصير لفوق الركبة وعاملة شعرها ويفي وماكياج قوي 
شكلها روعة لكن مايناسب الصباح
مها قالت لام راشد ياخالة وين خالي بسلم عليه 
راحت ام راشد تناديه من المجلس وجابت معاها عباية مها 

اعطتها العباية وقالت الحين يجي تجهزي
مها تغير وجهها وباين انها عصبت خالة انا بجلس اتغدا مالحقت اجي

 عشان اروح !! 
ام راشد تلخبطت كانت تخاف من مها وتعرف انها اذا زعلت ولدهم راشد بيزعل ومايجيهم ولا يجيب العيال
هاااا لا يابنتي السموحة منك بس تعرفين خالك مايحب القصير ودايم يخاصم البنات
مها بحدة بس انا غير
ام راشد براحتك يابنتي


يدخل ابو راشد وتقوم مها تسلم عليه وتطبع روجها الاحمر علي شماغه
وترجع مكانها تجلس وتحط رجل علي رجل
ابو راشد يتضايق ويخرج ...الكل يعرف ان ابو راشد شديد لكنه ماكان يقدر يكلم مها 

مها توجه الكلام لمشاعل صليتي العيد يامشاعل
مشاعل.....ايه رحت مع خالد صلاة العيد وبعد الغدا بروح لاهلي 
مها...... ايه عادي تروحين ماوراك غير نفسك ماعندك احد يشغلك
ام راشد....ان شاء الله السنة الجاية عندها من يشغلها
مشاعل ....تتضايق بس تبتسم لعمتها

مها دايم تحاول تضايق مشاعل بسالفة العيال
تغدو مع بعض ونادا خالد علي مشاعل عشان يروحون يسلمون علي اهلها 
 


رجعو من عند اهلها قبل صلاة المغرب بشوي 
خالد قال لمشاعل خلينا نريح شوي عشان نقدر نسهر اليوم
مشاعل  لانام انت انا مافيني نوم
خالد غريبة مشاعل اعرفك ماتقاومين النوم اكيد في شئ

مشاعل كانها ماصدقت احد يسالها ورمت نفسها بحضن خالد تبكي
خالد....مشاعل ياعمري خير وش فيك احد ضايقك
مشاعل تزيد بالبكاء وبعد شوي ترفع راسها وتمسح دموعها وتقول مافيني شئ
وتعطيه ظهرها بتنام
خالد....مشاعل الحين انا قلقان عليك وببساطة بتنامين
مشاعل ....ايه بنام مايحتاج اتكلم ولا له داعي
خالد......ياعيوني اذا ما اشتكيتي لي لمين تشكين
مشاعل.....ابغي اصير ام
خالد يتضايق....رجعنا لنفس الموضوع
مشاعل...حرام عليك حس فيني الكل فرحان بعياله ويعايدهم وانا كل سنة اشتري لبس لطفلي بس ما احد يلبسه يبقي بالدولاب
خالد.......انا كم مرة قلت لك ان حركتك هذي مالها داعي تشترين ملابس ومعبية الدولاب لاتخافين اذا الله رزقنا بشتري له السوق كله
مشاعل.....خالد
خالد........ياعيونه
مشاعل .....بنحاول محاولة اخيرة

خالد.....خلاص يابنت الحلال لازم ترضين بقدرنا تحاليل وعملنا والحمد لله سليمين وانت جسمك تعب من الابر بدون فايدة 
مشاعل .....بس خالد يقولون.....
يقاطعها خالد ما ابغي اتكلم بالموضوع مرة ثانية ويعطيها ظهره وينام

لو عجبتكم اكملها لكم

انتظر رايكم

تكفين دامي أول رد لا ترديني بالله عليك كملي القصة
يابنت الحلال ترا حلاة القصة أنها تكون كلها متتابعة
<<< متابعة بقوة :)
القصة حلوة مررره يالله وش صار عليهم بعدين لاتأخرين