ويبونا نثق بالرجل !!! باي حق اثق فيه ؟؟؟

السلام عليكم ورحمة الله وبركاته


صباحكم // مساكم خير وعافية





///




مالنا بالطويلة وهي قصيرة ندش ع الموضوع


اليوم قالت لي وحدة شيئ خلاني ما اعرف وين السماء ووين الارض

قالت لي قصتها وهي تبكي بحرقة ما ادري من متى كابتة كل هالكلام في صدرها

تقول المسكينة انهم سبع خوات كلهم اصغر منها وثلاث اخوان واحد كبير واثنين صغار


اخوها الكبير اللي هو اخوها من امها وابوها كل يحاول يتحرش جنسيا في خواتها


السبب اللي مسبب لها هي وخواتها خوف وقلق غير طبيعيين وكوابيس ما يقدرون


ينامون منه لانه الليل هو الوقت الوحيد اللي يقدر ياخذ راحته فيه بانه يجي


غرفة البنات ويسوي اللي يبي طبعا هي وخواتها ما يخلونه يعني اذا وحدة


صحت عليه يا يلاقي كف على وجهه او اخر شيئ يشوفه قبل ما يطلع من الغرفة


هو رقم النعال ( وانتوا بكرامة ) مو معناته يكون بالنهار الحمل الوديع


تقول ما خلا ولا وحدة من خواتي ما تحرش فيهم


الا الصغيرة سبع سنوات اللي كل تركض وراها وين ما راحت لانها تخاف


لا تصير في مكان بروحها مع اخوها ويتحرش فيها ويصير عندها عقدة


زي خواتها قالت وهي تصيح (( اختي هذي جدا احبها وما ابي يكون عندها


ذكريات تطير نومها ابيها تكبر بدون الم وقلق ما قدرت احفظ خواتي الباقي


وما بيدي لهم شيئ الا اني الحين احميهم من اخوي واحاول اخفف عنهم اللي


عانوه من قبل )) تقول كل ادعي ان ربي يحمي خواتي تقول انا احس ان


صارت عندي حال نفسية كل اكون شاردة الذهن وافكر وما اقدر انام ومستواي


الدراسي تراجع كل كنت اجيب في التسعينات ويوم جيت على الثالث الثانوي


جبت نسبة متدنية وتحطمت احلامي كلها اللي كنت انسجها من من طفولتي


لاني ما اقدر ادخل التخصص اللي انا ابيه وكان هذا هدفي الوحيد في الحياة


لان كان حلم ابوي ان واحد من عائلتنا يكون خريج جامعة وكنت ابي انا اكون


هذا الشخص اللي يحقق حلم ابوي لكن اخوي حطم حلمي وحلم ابوي


تقول اخاف اخلي وحدة من خواتي برحها في مكان هو موجود فيه


زي الفزعة ادور في كل مكان في البيت كل شوي اشوف خواتي كل وحدة


منهم وينها تقول اخاف اخلي وحدة من خواتي يرحون معها المستشفى


ولا المدرسة ولا اي مكان ثاني لاني ما اعرف وش يسوي


تقول مو سالفة ان ابوي وامي ما يعرفون لان حتى هم امسكوه


وهو يحاول يتحرش في وحدة من خواتي وعاقبوه وسوا اللازم


لكن اخوي ما تاب لحد الحين يسوي اللي كان يسويه قبل الحين


هذي السنة الثامنة اللي انا وخواتي نعاني فيها مـن اخوي


تقول انا حاولت اقعد واتكلم معا واعرف اسباب اللي يسوبه


لكن لا حياة لمن تنادي تقول مرات افكر اقول لابوي كل شيئ


لكني ما الاقي الهمة الكافية ومرات اقول بعلم الشرطة لكن بالاخير


هذا شرف وسمعة ابوي وعائلتنا ومرات من كثر الالم والقهر والتعب


النفسي اقول ابي اقتله لكن وش اسوي خواتي صارو ما يطقون


حتى يمر من جنبهم المسكينة تقول المشكلة ان اخوي ما يفكر ان اللي يسويه


غلط حتى لو جينا نهاوشه ولا نقوله ان اللي تسويه غلط بكل تفاهة يبتسم ويمشي ؟!!!!!!!!!!!!!!!! ؟؟؟؟؟؟؟؟؟؟؟؟؟؟؟؟؟؟؟


بعد كل هالكلام ادركت المسكينة انها قالت الكثير وقامت راحت وهي تبكي



ويبون نثق بالرجل !!!!!!!



ما يبونا نثق بالسواق ونخلي بناتنا يروحون معاه بروحه


طيب هي ما تقدر تروح ما اخوها وابوها لان حالهم حال الغريب اللي ما تقدر


تامن نفسها عنده ليش يا اخي لهدرجة صرت حيواني انك ما تقدر تفرق بين اختك وامك


يا اخي والله حرام بالاخير هذا شرفك وعرضك انت ما فيك تفكير ما في عقل


شلون تقدر تسوي كذا ما قدت فكرت بمخك الفاضي يوم من الايام ان اختك هذي اذا كبرت


شلون تتزوج وهي مب عذراء ولما يسئلونها ليش تقول عشان اخوي ولا ابوي ولا عمي !!!!



من قبل كم يوم سمعت وحدة في الراديو تقول ان اخوها اعتدى عليها وسلب منها


اغلى ما تملكه المراة وشافهم ابوها اخوها خاف ركض وطلع من البيت


ولما رجع ابوها وهي خايفة جا وقعد جنبها على بالها ابوها بيخفف عنها


وبيلاقي لها حل لكنها تفاجأت ان ابوها قاعد يلمسها وقام حتى ابوها اعتدى عليها


استغفر الله المسكينة حاطه املها في ابوها لكنه حطم كل شيئ في ثانية !!


ولما جاها اول واحد خطبها على طول وافقت تبي تتخلص من العذاب


وسوت عملية عشان تبين قدام زوجها انها عذراء كانت فرحانة انها تخلصت


من الحيوانات (( وانتوا بكرامة ) اللي في بيتها لكنها تفاجات بابوها واخوها


يهددونها اذا ما وافقت تسوي معاهم الفاحشة راح يعلمون زوجها !!!!!!


تخيولوا الموقف بس في هذي اللحظة رايي المفروض تمسك المسدس


وتفرغ الست الرصاصات في صدر كل واحد فيهم لكنها وافقت


وصار ابوها واخوها يجونها كل يوم بعد ما زوجها يروح الدوام !!!



ويبون نثق بالرجل ؟!؟!



كيف نثق في واحد غريب وانا ما اقدر اثق باخوي وابوي عمي


كيف اذا طلعت برا يكون عندي امل ان يمكن في واحد يحفظ عرضي


وانا عرضي وشرفي مو محفوظ في البيت !!!


وحتى اللي يدخلون البيت سواء كان العم ولا اولاد العم ولا الجد


ولا اصدقاء الاب ولا الاخ اللي يدخلون المجلس



وحدة تقول ابوي عنده صديق مقرب جدا صديقه الروح بالروح


لان جدي كان صديق ابوه بعد لكنه في يوم شاف اختي واختي حلوة


وعيونها خضر قال لابوي وهو يضحك اني بخطب بنتك ام العيون الخضر


حق ولدي ولما ابوي طلع شوي من المجلس الرجال ترحش فيها المسكينة خافت


وطيران من المجلس الى البيت وصارت تكره الرجال وما تداني


حتى احد يذكر اسمه وابوها ما يعرف السبب !؟



ويبون نثق بالرجل ؟؟!!!



يا اخي انت ما تستاهل حتى تمر بجنب الرجال اللي حط فيك ثقته


وخلاك صديقه المقرب وانت سويت فيه كذا !!!


لا احد يقول لي ما ندخل الغريب البيت ولا صديق ابوي واخوي


بس نقعدهم بالمجلس ولا ما نخلي البنات يروحون عندهم


سمعنا قصص العم والجد والخال يعتدون على بناتهم !!


ليش ياأخي هذا اللي تعطيه حق اخوك ولا اختك ولا ولدك وبنتك


مقابل ثقتهم فيك !!!!


أمنوك على بيتهم وبناتهم وانت اللي صرت سبب في فقدهم كل شيئ


ليش شرفهم مب شرفك عرضهم مب عرضك سمعتهم مب سمعتك


لكن في ناس تصير عندهم الشهوة حيوانية لدرجة انهم ما يفكرون


بشيئ ثاني غير في اشباع شهوتهم الحيوانية اللي تهدم في لحظة


بيوت وحياة عوائل ما فكرت حتى في الاحلام ان انت بتسوي فيهم كذا !!!



ويبون نثق الرجل ؟؟؟!!!



وربي انا في نظري مو بس البنات حتى الاولاد صرنا نخــاف عليهم


احنا نقول السواقين ولا الغريب اذا اللي بالبيت اللي من لحمنا ودمنا ما خلونا وش نسوي ؟؟



الحل يا نآآآآآآآآآآآآس ؟؟؟؟؟؟؟؟؟؟؟؟؟؟؟؟